Jueces 15:14 - Li Santil hu

¹⁴ Nak queꞌxcꞌam aran Lehi, eb laj filisteo japjo̱queb re nak queꞌco̱eb chixcꞌulbal laj Sansón. Abanan lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixtꞌupi li laso li bacꞌbo cuiꞌ li rukꞌ. Chanchan cꞌatbil li cꞌa̱m nak quixtꞌupi.

Q'eqchi Bible

¹⁴ Naq ke'wulak aran Lejí, japjookeb' re laj Filistea naq ke'xk'ul laj Sansón sa' li xtenamiteb'. Ab'an li xMusiq' li Qaawa' kichalk sa' xb'een laj Sansón ut a'in kixt'upiheb' li k'aam li b'ak'b'ookeb' wi' li ruq' ut li xtel, kama' wi' li k'atb'il noq', ut kik'ixonk li xb'ak'b'al sa' ruq'.

Jueces 15:14 ပူးပေါင်းရင်းမြစ်များ

Jueces 14:19

Ut lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Co̱ saꞌ li tenamit Ascalón. Aran quixcamsi laje̱b xcaꞌcꞌa̱l chi cui̱nk ut quixcꞌam li cha̱bil akꞌ li cuan chirixeb. Ut coxqꞌue li rakꞌ reheb li cui̱nk li queꞌyehoc cꞌaꞌru lix ya̱lal li serakꞌ li quixye. Chirix aꞌan co̱ cuiꞌchic saꞌ rochoch ut cꞌajoꞌ lix joskꞌil xban li cꞌaꞌru quicꞌulman.

Salmos 118:11

Ac sutsu̱quin xbaneb, abanan la̱in xinsach ruheb riqꞌuin xcuanquil li Ka̱cuaꞌ.

1 Samuel 17:35

la̱in co̱in chirixeb toj retal quinmakꞌ li carner chiru. Nak li cakcoj malaj ut li oso queꞌraj intiubal, la̱in quinchap saꞌ xxuqueb re ut quincamsiheb.

1 Samuel 11:6

Laj Saúl quirecꞌa nak lix musikꞌ li Dios quichal saꞌ xbe̱n ut cꞌajoꞌ nak quijoskꞌoꞌ nak quirabi li queꞌxye li takl.

Jueces 14:6

Lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixchap li cakcoj ut quixpedasi riqꞌuin rukꞌ. Chanchan jun li chꞌina chiba̱t chiru. Ut laj Sansón co̱ cuiꞌchic riqꞌuin lix naꞌ xyucuaꞌ, abanan incꞌaꞌ quixye reheb li cꞌaꞌru quixba̱nu.

Jueces 3:10

Lix musikꞌ li Ka̱cuaꞌ cuan riqꞌuin laj Otoniel ut aꞌan chic laj cꞌamol be chiruheb laj Israel. Laj Otoniel quipletic riqꞌuin laj Cusan-risataim. Ut li Ka̱cuaꞌ quixtenkꞌa laj Otoniel chi numta̱c saꞌ xbe̱neb.

Filipenses 4:3

Joꞌcan nak nintzꞌa̱ma chiru nak tixtenkꞌaheb li ixk aꞌin. Cau xeꞌcꞌanjelac chintenkꞌanquil xyebal resil li colba-ib. Joꞌcan ajcuiꞌ xba̱nu laj Clemente ut chixjunileb li cuech aj cꞌanjelil. Eb aꞌan tzꞌi̱banbil xcꞌabaꞌeb xban li Dios saꞌ li hu tzꞌi̱banbil cuiꞌ xcꞌabaꞌeb chixjunileb li colbileb.

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Miqueas 7:8

La̱ex, li xicꞌ nequex-iloc ke, misahoꞌ e̱chꞌo̱l chikilbal nak yo̱co chixcꞌulbal li raylal. Usta totꞌanekꞌ, abanan la̱o tocuacli̱k cuiꞌchic. Usta chanchan nak cua̱nko saꞌ kꞌojyi̱n xban li ma̱c, abanan li Dios tixcutanobresi cuiꞌchic li kabe.

Salmos 18:34

Li Dios naqꞌuehoc innaꞌleb re nak tinpletik joꞌ soldado. Aꞌan naqꞌuehoc inmetzꞌe̱u re nak ta̱ru̱k tincut li tzimaj chꞌi̱chꞌ.

Li xHu LAJ JOB 20:5

lix sahil xchꞌo̱leb li incꞌaꞌ useb xnaꞌleb moco najt ta nacuan? Junpa̱t ajcuiꞌ.

1 Samuel 4:5

Cꞌajoꞌ nak queꞌsahoꞌ saꞌ xchꞌo̱leb laj Israel nak quicuulac li Lokꞌlaj Ca̱x riqꞌuineb. Qui-ecꞌan li chꞌochꞌ nak queꞌxjap reheb xban xsahil xchꞌo̱leb.

Jueces 16:24

Nak queꞌril ru laj Sansón, eb li tenamit queꞌxlokꞌoni laj Dagón lix dioseb, ut queꞌxye: —Li kadios xkꞌaxtesi saꞌ kukꞌ laj Sansón, li xicꞌ na-iloc ke. Aꞌan li quicamsin reheb nabal li kacomon ut aꞌan ajcuiꞌ quisachoc re li katenamit, chanqueb.

Jueces 16:12

Ut lix Dalila quixsicꞌ li laso toj acꞌ ut quixbacꞌ laj Sansón. Tojoꞌnak quixye: —At Sansón, xeꞌchal laj filisteo cha̱chapbal, chan. Ac cuanqueb aj filisteo mukmu̱queb chak saꞌ li rochoch lix Dalila roybeninquil nak teꞌxchap laj Sansón. Abanan laj Sansón quixtꞌupi li laso. Chanchan nokꞌ nak quixtꞌupi.

Jueces 16:9

Ac cuanqueb cui̱nk mukmu̱queb saꞌ rochoch lix Dalila nak quixbacꞌ laj Sansón. Quixjap re chixyebal: —At Sansón, xeꞌchal laj filisteo cha̱chapbal, chan. Abanan laj Sansón quixtꞌupi lix cꞌa̱mal li tzimaj. Chanchan cꞌatbil cꞌa̱m nak queꞌtꞌupeꞌ. Ut incꞌaꞌ ajcuiꞌ queꞌxnau chanru nak kꞌaxal cau rib laj Sansón.

Jueces 5:30

Queꞌxye re, “¿Ma incꞌaꞌ ta biꞌ yo̱queb chixjeqꞌuinquil chi ribileb rib li queꞌre̱chani saꞌ li ple̱t? Jun malaj cuib chi ixk li teꞌxcꞌul li junju̱nk chi soldado. Laj Sísara tixcꞌul li cha̱bil tꞌicr li cuan xsahob ru li nabal xbonol. Teꞌxcꞌul li tꞌicr li yi̱banbil chi us saꞌ xcaꞌ pacꞌalil eb li queꞌtaklan saꞌ xbe̱neb li soldados saꞌ li ple̱t.”

Éxodo 14:5

Nak quirabi nak ac xeꞌel laj Israel, laj faraón joꞌ eb ajcuiꞌ laj cꞌanjel chiru queꞌyotꞌeꞌ xchꞌo̱l nak queꞌxcanabeb chi xic. Eb aꞌan queꞌxye: —¿Ma us ta biꞌ nak xkacanabeb chi xic ut xocana chi ma̱cꞌaꞌ chic kamo̱s? chanqueb.

Éxodo 14:3

Laj faraón tixye nak xsach li be chiruheb saꞌ li chaki chꞌochꞌ. Aran incꞌaꞌ naru teꞌnumekꞌ, chaꞌak.

Jueces 15:13

Queꞌxye re: —Incꞌaꞌ tatkacamsi. Caꞌaj cuiꞌ tatkabacꞌ ut tatkakꞌaxtesi saꞌ rukꞌeb, chanqueb. Ut queꞌxbacꞌ riqꞌuin cuib li laso toj acꞌ ut queꞌrisi saꞌ li ochoch pec.

Jueces 15:9

Ut eb laj filisteo queꞌco̱eb Judá. Aran queꞌxyi̱b lix muheba̱leb ut queꞌxjeqꞌui ribeb ut queꞌcuulac toj saꞌ li naꞌajej Lehi.

1 Samuel 10:6

Ut la̱at ta̱cuecꞌa lix cuanquil lix musikꞌ li Dios nak ta̱cha̱lk saꞌ a̱be̱n. Tat-oc chi lokꞌoni̱nc rochbeneb. Ut chalen saꞌ li cutan aꞌan jalanak chic la̱ naꞌleb.

1 Samuel 10:10

Mokon nak laj Saúl quicuulac Gabaa rochben lix mo̱s, queꞌxcꞌul li jun chꞌu̱tal li profetas yo̱queb chi cubec saꞌ li tzu̱l. Yo̱queb chixlokꞌoninquil li Ka̱cuaꞌ. Ut laj Saúl quirecꞌa lix cuanquil li Dios nak quichal saꞌ xbe̱n ut qui-oc chi yehoc ra̱tin profeta rochbeneb.