Jueces 14:9 - Li Santil hu

⁹ Quirisi li xyaꞌal cab riqꞌuin rukꞌ ut yo̱ chixloubal nak yo̱ chi xic. Nak quixtauheb lix naꞌ xyucuaꞌ, quixqꞌue li xyaꞌal cab reheb aꞌan. Ut queꞌxlou ajcuiꞌ eb aꞌan, abanan laj Sansón incꞌaꞌ quixye reheb nak xrisi saꞌ xsaꞌ li cakcoj li quixcamsi.

Q'eqchi Bible

⁹ Kixchap chi ruq', ut yo chi xlowb'al li xya'al kab', naq yo chi xik. Naq kiwulak wankeb' wi' li xna' xyuwa', kixk'e xya'al kab'eb' ut ke'xlow, ab'anan ink'a' kixye naq sa' xkakaaxt b'aqel kaqkoj kixxok.

Jueces 14:9 ပူးပေါင်းရင်းမြစ်များ

Proverbios 25:15

Li ani nim xcuyum naxcubsi xjoskꞌil li cuan xcuanquil. Li kꞌunil a̱tin naxtenkꞌa xjalbal xcꞌaꞌux junak li kꞌaxal cau xchꞌo̱l.

Jueces 14:8

Nak quinumeꞌ cuib oxib cutan, laj Sansón co̱ chi sumla̱c riqꞌuin li ixk. Nak yo̱ chi xic, quinumeꞌril li cakcoj camenak. Nak quicuulac aran, quixqꞌue retal nak saꞌ xsaꞌ li cakcoj camenak cuan xsoc li cꞌap ut cuan ajcuiꞌ xyaꞌal cab.

Jueces 14:10

Lix yucuaꞌ co̱ saꞌ rochoch li ixk ut laj Sansón quixba̱nu jun li ninkꞌe aran joꞌ cꞌaynakeb xba̱nunquil li sa̱j cui̱nk li oqueb re chi sumla̱c.

1 Samuel 10:16

Laj Saúl quixye re: —Laj Samuel xye ke nak ac xeꞌtauheꞌ lix bu̱r lin yucuaꞌ, chan. Abanan incꞌaꞌ quixye re li rican nak laj Samuel quixye nak aꞌan ta̱oc chokꞌ xreyeb laj Israel.

1 Samuel 14:1

Saꞌ jun li cutan laj Jonatán quixye re lix mo̱s li nacꞌamoc re lix chꞌi̱chꞌ li napletic cuiꞌ: —Yoꞌo. Numeko jun pacꞌal li nimaꞌ re topletik riqꞌuineb lix solda̱deb aj filisteo li yo̱queb chi cꞌacꞌale̱nc saꞌ li naꞌajej aꞌan, chan. Ut laj Jonatán incꞌaꞌ quixye re laj Saúl lix yucuaꞌ nak ta̱xic.

Proverbios 24:13

Ex cualal incꞌajol, chetzaca li xyaꞌal cab xban nak cha̱bil ut sa xtzacanquil.