Jueces 14:4 - Li Santil hu

⁴ Lix naꞌ xyucuaꞌ incꞌaꞌ nequeꞌxnau nak li Ka̱cuaꞌ yo̱ chixcꞌutbal li ixk aꞌan chiru laj Sansón. Saꞌ eb li cutan aꞌan eb laj filisteo yo̱queb chi takla̱nc saꞌ xbe̱neb laj Israel ut li Ka̱cuaꞌ yo̱ chixsicꞌbal chanru nak eb laj Israel teꞌpletik riqꞌuineb.

Q'eqchi Bible

⁴ Li xna' xyuwa' ink'a' neke'xnaw naq li na'leb' a'in rik'in li Qaawa' chalenaq chaq, xb'aan naq sa'eb' li kutan a'an eb' laj Filistea neke'taqlank sa' xb'eeneb' laj Israel ut li Yos yo chi xsik'b'al chanru naq eb' laj Israel te'ok chi yalok rik'ineb'.

Jueces 14:4 ပူးပေါင်းရင်းမြစ်များ

Josué 11:20

Li Ka̱cuaꞌ quixcacuubresi lix chꞌo̱leb li tenamit li cuanqueb Canaán re nak teꞌpletik, re nak teꞌsachekꞌ ruheb chixjunileb xbaneb laj Israel. Li Ka̱cuaꞌ Dios ac quixye re laj Moisés nak incꞌaꞌ teꞌril xtokꞌoba̱l ruheb. Teꞌxcamsiheb ban chixjunileb.

Salmos 115:3

Li kaDios, aꞌan cuan saꞌ choxa ut aꞌan naxba̱nu li cꞌaꞌru naraj.

Jueces 13:1

Eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb rubel xcuanquileb laj filisteo chiru caꞌcꞌa̱l (40) chihab.

2 Crónicas 22:7

Ac cuan saꞌ xchꞌo̱l li Dios nak laj Ocozías ta̱ca̱mk nak ta̱xic chirilbal laj Joram. Tojeꞌ ajcuiꞌ ta̱cuulak nak qui-el rochben laj Joram chixcꞌulbal laj Jehú li ralal laj Nimsi, li ac sicꞌbil ru xban li Dios chixsachbaleb ru chi junaj cua li ralal xcꞌajol laj Acab.

2 Crónicas 10:15

Li rey incꞌaꞌ quixba̱nu li queꞌxtzꞌa̱ma li tenamit xban nak ac joꞌcan chak saꞌ xchꞌo̱l li Dios. Ut re ajcuiꞌ nak ta̱tzꞌaklok ru li cꞌaꞌru quiyeheꞌ re laj Jeroboam li ralal laj Nabat xban li profeta Ahías Silo xtenamit nak quixye re li cꞌaꞌru quixye li Dios.

2 Reyes 6:33

Toj yo̱ ajcuiꞌ chi a̱tinac li profeta Eliseo nak lix takl li rey quicuulac riqꞌuin ut quixye re: —Relic chi ya̱l li Ka̱cuaꞌ Dios xtakla li raylal aꞌin saꞌ kabe̱n. ¿Cꞌaꞌ aj e nak tincuoybeni re nak li Ka̱cuaꞌ toxtenkꞌa? chan.

1 Reyes 12:15

Li rey incꞌaꞌ quixba̱nu li queꞌxtzꞌa̱ma li tenamit xban nak ac joꞌcan chak saꞌ xchꞌo̱l li Dios. Ut re ajcuiꞌ nak ta̱tzꞌaklok ru li cꞌaꞌru quiyeheꞌ re laj Jeroboam, li ralal laj Nabat xban li profeta Ahías Silo xtenamit nak quixye re li cꞌaꞌru quixye li Dios.

2 Crónicas 25:20

Laj Amasías incꞌaꞌ qui-abin chiru xban nak ac cuan saꞌ xchꞌo̱l li Dios nak tixkꞌaxtesi laj Amasías saꞌ rukꞌ li rey Joás. Quixba̱nu chi joꞌcan xban nak quixtiquib xlokꞌoninquil li jalanil dios li queꞌxlokꞌoni eb laj Edom.

Jueces 15:11

Oxib mil li cui̱nk xcomoneb laj Judá queꞌco̱eb saꞌ li ochoch pec aran Etam chi a̱tinac riqꞌuin laj Sansón. Queꞌxye re: —¿Ma incꞌaꞌ nacanau nak eb laj filisteo nequeꞌtaklan saꞌ kabe̱n? ¿Cꞌaꞌut nak xabok raylal saꞌ kabe̱n? chanqueb. Ut laj Sansón quixye: —La̱in xinba̱nu reheb joꞌ xeꞌxba̱nu cue la̱in, chan.

Deuteronomio 28:48

Joꞌcan nak la̱ex texcꞌanjelak chiruheb li xicꞌ nequeꞌiloc e̱re li tixtakla chak li Ka̱cuaꞌ. Textzꞌoca̱k ut ta̱chakik e̱re ut ma̱cꞌaꞌak le̱ rakꞌ. Ut ma̱cꞌaꞌak chic cꞌaꞌru e̱re. Li Ka̱cuaꞌ texqꞌue chi cꞌanjelac chokꞌ rahobtesinbil mo̱s chiruheb li xicꞌ nequeꞌiloc e̱re toj retal nak tex-osokꞌ.

Jueces 14:5

Joꞌcan nak laj Sansón co̱ Timnat rochbeneb lix naꞌ xyucuaꞌ. Nak yo̱queb chi numecꞌ saꞌ xnaꞌaj li acui̱mk uvas, laj Sansón quirabi jun li cakcoj sa̱j yo̱ chixjapbal re ut yo̱ chi cha̱lc riqꞌuin laj Sansón.

Daniel 6:4

Ut eb li gobernador ut eb li nequeꞌtaklan saꞌ li tenamit, queꞌoc chixcakalinquil laj Daniel. Queꞌoc chixsicꞌbal chanru nak ta̱paltok re nak ta̱ru̱k teꞌjitok chirix chiru li rey. Abanan incꞌaꞌ queꞌxtau chanru nak teꞌjitok chirix xban nak laj Daniel ti̱c xchꞌo̱l ut ma̱cꞌaꞌ xma̱c, chi moco quixbalakꞌiheb li tenamit.

Jueces 15:3

Laj Sansón quixye re: —La̱in ma̱cꞌaꞌ inma̱c cui cꞌaꞌru incꞌaꞌ us tinba̱nu reheb laj filisteo, chan.

1 Reyes 12:24

Ta̱ye reheb, “Joꞌcaꞌin xye li Ka̱cuaꞌ. Mexxic chi pletic riqꞌuineb laj Israel le̱ rech tenamitil. Sukꞌinkex ban saꞌ le̱ rochoch che̱junilex xban nak la̱in xinba̱nun re li cꞌaꞌru quicꞌulman,” chan li Dios. Ut eb aꞌan queꞌxba̱nu li quixye li Ka̱cuaꞌ. Queꞌsukꞌi saꞌ rochocheb joꞌ quiyeheꞌ reheb xban li Dios.