Jueces 14:2 - Li Santil hu

² Co̱ cuiꞌchic saꞌ rochoch ut quixye re lix naꞌ ut lix yucuaꞌ: —Xcuil ru jun li sa̱j ixk aj filisteo aran Timnat. Nintzꞌa̱ma che̱ru nak te̱tzꞌa̱ma chak chokꞌ cuixakil, chan.

Q'eqchi Bible

² ut naq kisutq'iik chaq, kixye re li xna' xyuwa': “Aran Timná xwil chaq jun li ixq aj Filistea. Nintz'aama usilal cheru, teetz'aama chaq li ixq a'an cho'q wixaqil”, chan.

Jueces 14:2 ပူးပေါင်းရင်းမြစ်များ

Génesis 34:4

Laj Siquem quia̱tinac riqꞌuin laj Hamor lix yucuaꞌ ut quixye re, —Ba̱nu usilal cue, tzꞌa̱ma chokꞌ cuixakil li xkaꞌal aꞌan. La̱in tincuaj sumla̱c riqꞌuin, chan re.

Génesis 21:21

Laj Ismael quicuan saꞌ li chaki chꞌochꞌ Parán. Aran quisumuba̱c xban lix naꞌ riqꞌuin jun li ixk aj Egipto.

2 Reyes 14:9

Abanan laj Joás lix reyeb laj Israel quixtakla xyebal re laj Amasías lix reyeb laj Judá chi joꞌcaꞌin: —Saꞌ jun li cutan jun li to̱n qꞌuix cuan aran Líbano quixtakla xyebal re li cheꞌ cedro li a̱tin aꞌin, “Qꞌue la̱ rabin chokꞌ rixakil li cualal,” chan. Ut jun li joskꞌ aj xul quinumeꞌ ut quixyekꞌi saꞌ rok li jun to̱n chi qꞌuix.

Génesis 38:6

Laj Judá quixsumub laj Er li xbe̱n ralal riqꞌuin jun li ixk xTamar xcꞌabaꞌ.

Jueces 14:1

Saꞌ jun li cutan laj Sansón co̱ saꞌ li tenamit Timnat. Ut aran quiril jun li sa̱j ixk xcomoneb laj filisteo.

Jueces 14:3

Ut lix naꞌ xyucuaꞌ queꞌxye re: —¿Cꞌaꞌut nak tatxic xsicꞌbal la̱ cuixakil saꞌ xya̱nkeb li incꞌaꞌ nequeꞌxpa̱b li Dios? ¿Ma ma̱cꞌaꞌ ta biꞌ ixk saꞌ kaya̱nk la̱o? ¿Ma ma̱cꞌaꞌ ta biꞌ ixk saꞌ li katenamit? chanqueb. Abanan laj Sansón quixye cuiꞌchic reheb: —Aꞌ li ixk aꞌan, aꞌan li nacuulac chicuu. Te̱tzꞌa̱ma aꞌan chokꞌ cuixakil, chan.

Jeremías 29:6

Chexsumla̱k re teꞌcua̱nk e̱ralal e̱cꞌajol. Sicꞌomak li rixakileb le̱ ralal ut qꞌuehomakeb le̱ rabin chi sumla̱c re nak teꞌcua̱nk ajcuiꞌ li ralal xcꞌajoleb. Chexnabalokꞌ ut chexqꞌuia̱nk.