Jueces 14:19 - Li Santil hu

¹⁹ Ut lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Co̱ saꞌ li tenamit Ascalón. Aran quixcamsi laje̱b xcaꞌcꞌa̱l chi cui̱nk ut quixcꞌam li cha̱bil akꞌ li cuan chirixeb. Ut coxqꞌue li rakꞌ reheb li cui̱nk li queꞌyehoc cꞌaꞌru lix ya̱lal li serakꞌ li quixye. Chirix aꞌan co̱ cuiꞌchic saꞌ rochoch ut cꞌajoꞌ lix joskꞌil xban li cꞌaꞌru quicꞌulman.

Q'eqchi Bible

¹⁹ Tikto ki'eechaniik xb'aan xMusiq' li Qaawa', koho Askalón ut aran kixkamsi lajeeb' xka'k'aal chi winq: kirisi li raq'eb' ut kixq'axtesiheb' reheb' li ke'q'ehink. Chirix a'an koho wi' chik sa' rochoch li xyuwa' chi k'ajo' xjosq'il,

Jueces 14:19 ပူးပေါင်းရင်းမြစ်များ

1 Samuel 11:6

Laj Saúl quirecꞌa nak lix musikꞌ li Dios quichal saꞌ xbe̱n ut cꞌajoꞌ nak quijoskꞌoꞌ nak quirabi li queꞌxye li takl.

Jueces 3:10

Lix musikꞌ li Ka̱cuaꞌ cuan riqꞌuin laj Otoniel ut aꞌan chic laj cꞌamol be chiruheb laj Israel. Laj Otoniel quipletic riqꞌuin laj Cusan-risataim. Ut li Ka̱cuaꞌ quixtenkꞌa laj Otoniel chi numta̱c saꞌ xbe̱neb.

Jueces 13:25

Ut lix musikꞌ li Ka̱cuaꞌ li Dios qui-oc chirecꞌasinquil xchꞌo̱l laj Sansón nak cuan saꞌ li naꞌajej li cuanqueb cuiꞌ lix muheba̱leb li ralal xcꞌajol laj Dan, li cuan saꞌ xyiheb li cuib chi tenamit Zora ut Estaol.

Jueces 15:14

Nak queꞌxcꞌam aran Lehi, eb laj filisteo japjo̱queb re nak queꞌco̱eb chixcꞌulbal laj Sansón. Abanan lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixtꞌupi li laso li bacꞌbo cuiꞌ li rukꞌ. Chanchan cꞌatbil li cꞌa̱m nak quixtꞌupi.

Jueces 14:6

Lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixchap li cakcoj ut quixpedasi riqꞌuin rukꞌ. Chanchan jun li chꞌina chiba̱t chiru. Ut laj Sansón co̱ cuiꞌchic riqꞌuin lix naꞌ xyucuaꞌ, abanan incꞌaꞌ quixye reheb li cꞌaꞌru quixba̱nu.

Jueces 14:18

Saꞌ xcuuk li cutan nak toj ma̱jiꞌ na-oc li kꞌojyi̱n, eb li cui̱nk queꞌxye re laj Sansón: —¿Cꞌaꞌru kꞌaxal quiꞌ chiru li xyaꞌal cab? ¿Cꞌaꞌru mas cau rib chiru li cakcoj? chanqueb. Laj Sansón quixye reheb: —Cui ta incꞌaꞌ xeqꞌue chi cꞌanjelac lin tukꞌ ixk ba̱c, incꞌaꞌ raj xenau xsumenquil li serakꞌ aꞌan, chan.

Jueces 1:18

Eb li ralal xcꞌajol laj Judá queꞌre̱chaniheb li tenamit Gaza, Ascalón ut Ecrón rochbeneb li naꞌajej li cuanqueb chi xjun sutam.

1 Samuel 6:4

Li tenamit queꞌxye reheb: —¿Cꞌaꞌru takatakla re xtojbal rix li kama̱c? chanqueb. Eb laj tij ut laj kꞌe queꞌxye: —Te̱takla o̱b retalil li tumor yi̱banbil riqꞌuin oro ut o̱b li chꞌo yi̱banbil riqꞌuin oro. Jun reheb li junju̱nk le̱ rey xban nak juntakꞌe̱t li raylal li xqꞌue saꞌ e̱be̱n la̱ex joꞌ ajcuiꞌ le̱ rey.

1 Samuel 6:17

Li o̱b chi retalil li tumor yi̱banbil riqꞌuin oro quitakla̱c xbaneb laj filisteo saꞌ xcꞌabaꞌ li o̱b chi tenamit Asdod, Gaza, Ascalón, Gat ut Ecrón. Quitakla̱c re xtojbal rix lix ma̱queb chiru li Ka̱cuaꞌ lix Dioseb laj Israel.