Jueces 14:14 - Li Santil hu

¹⁴ Laj Sansón quixye reheb: —Saꞌ xsaꞌ li nacuaꞌac quichal li nacuaꞌeꞌ. Ut saꞌ xsaꞌ li kꞌaxal cau rib quichal li quiꞌ, chan. Ac xnumeꞌ oxib cutan ut eb li sa̱j cui̱nk aꞌin ma̱jiꞌ nequeꞌxtau ru cꞌaꞌru xya̱lal li serakꞌ aꞌan.

Q'eqchi Bible

¹⁴ Tikto laj Sansón kixye reheb': “Rik'in li nawa'ak ki'elk tzekemq, ut rik'in li q'axal kaw rib' kichalk li jwal ki'”, chan. Kinume'k oxib' kutan ut eb' li saaj winq toj maji' neke'ruuk xsumenkil k'aru xyaalal li aatin a'an.

Jueces 14:14 ပူးပေါင်းရင်းမြစ်များ

1 Reyes 17:6

Ut eb li tzꞌok nequeꞌxcꞌam lix cua ut lix tib rajlal ekꞌela ut rajlal ecuu. Ut laj Elías quirucꞌ li haꞌ li cuan saꞌ li rok haꞌ Querit.

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

2 Corintios 4:17

Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

Hechos 8:31

Ut li cui̱nk quixye: —¿Chanru nak tintau ru cui ma̱ ani junak ta̱cꞌutuk lix ya̱lal chicuu?— Ut quixtzꞌa̱ma chiru laj Felipe nak ta̱takekꞌ saꞌ li carruaje ut ta̱cꞌojla̱k chixcꞌatk.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

Proverbios 24:7

Li incꞌaꞌ naxtau xya̱lal incꞌaꞌ naxnau cꞌaꞌru tixsume cuiꞌ nak cuan chiru laj rakol a̱tin xban nak ma̱cꞌaꞌ xnaꞌleb.

2 Crónicas 20:25

Laj Josafat ut eb lix soldado queꞌco̱eb chixxocbal li cꞌaꞌru queꞌre̱chani saꞌ li ple̱t. Nabal li cꞌanjeleba̱l ut li cha̱bil tꞌicr ut li cꞌaꞌak re ru li queꞌre̱chani. Oxib cutan queꞌbay xxocbal chixjunil.

2 Crónicas 20:2

Queꞌcuulac li takl riqꞌuin laj Josafat ut queꞌxye re: —Nabaleb li yo̱queb chak chi cha̱lc chi pletic a̱cuiqꞌuin. Yo̱queb chi cha̱lc li cuanqueb jun pacꞌal li palau Mar Muerto ut yo̱queb chi cha̱lc li cuanqueb Siria. Ac cuanqueb Hazezon-tamar. Li naꞌajej aꞌan nequeꞌxye “En-gadi” re, chanqueb.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

Jueces 14:13

Cui la̱ex incꞌaꞌ te̱ye cue cꞌaꞌru xya̱lal li tinye e̱re, tento nak la̱ex te̱qꞌue cue laje̱b xcaꞌcꞌa̱l li cha̱bil akꞌej ut laje̱b xcaꞌcꞌa̱l li cha̱bil tꞌicr lino, chan laj Sansón. Ut queꞌxye re: —Ye ke li serakꞌ aꞌan, li chꞌaꞌaj xtaubal ru. Nakaj rabinquil, chanqueb.

Jueces 14:15

Saꞌ xca̱ li cutan queꞌco̱eb riqꞌuin li rixakil laj Sansón ut queꞌxye re: —Ye re la̱ be̱lom nak tixye a̱cue cꞌaꞌru xya̱lal li serakꞌ aꞌan ut ta̱ye ke la̱o. Cui incꞌaꞌ naxba̱nu, takacꞌat li rochoch la̱ yucuaꞌ ut tatkacꞌat ajcuiꞌ la̱at. ¿Ma xoe̱bok arin re xmakꞌbal chiku li cꞌaꞌru cuan ke? chanqueb.