Jueces 14:12 - Li Santil hu

¹² Laj Sansón quixye reheb: —La̱in tinye e̱re jun li serakꞌ chꞌaꞌaj xtaubal ru. Cui la̱ex te̱ye cue cꞌaꞌru lix ya̱lal chiru li cuukub cutan nak yo̱co chi ninkꞌei̱c, la̱in tinqꞌue junju̱nk le̱ rakꞌ lino, ut tinqꞌue ajcuiꞌ junju̱nk le̱ cha̱bil akꞌ re li ninkꞌe.

Q'eqchi Bible

¹² Toja' naq laj Sansón kixye reheb': “Tinye junaq aatin re teeq'ehi. Wi teeye we k'aru li xyaalal chiru li wuqub' kutan naq yooko chi ninq'ehik, tink'e eere lajeeb' xka'k'aal chi jut-aq' ut lajeeb' xka'k'aal chi chaab'il b'aatal.

Jueces 14:12 ပူးပေါင်းရင်းမြစ်များ

Ezequiel 17:2

—At ralal cui̱nk, ta̱serakꞌi jun li jaljo̱quil ru a̱tin reheb li ralal xcꞌajol laj Israel.

1 Reyes 10:1

Li reina li cuan aran Sabá quirabi resil nak kꞌaxal cuan xnaꞌleb laj Salomón xban nak naxqꞌue xlokꞌal li Dios. Joꞌcan nak co̱ aran Jerusalén chi patzꞌoc riqꞌuin re rilbal ma tixsume tana li patzꞌoc li kꞌaxal chꞌaꞌaj xsumenquil.

Génesis 45:22

Ut quixqꞌueheb rakꞌ li junju̱nk. Laj Benjamín quixqꞌue o̱b sumal li rakꞌ ut quixqꞌue ajcuiꞌ oxib ciento lix tumin plata.

2 Reyes 5:22

Laj Giezi quixye re: —Ma̱cꞌaꞌ nakacꞌul. Lin patrón xinixtakla chixyebal a̱cue nak xeꞌcuulac riqꞌuin cuibeb li profeta sa̱jeb. Xeꞌchal chak saꞌ lix naꞌajeb li ralal xcꞌajol laj Efraín, li tzu̱l ru. Naxtzꞌa̱ma cha̱cuu nak ta̱qꞌue reheb oxib mil li tumin plata ut cuib sumal li tꞌicr, chan.

2 Reyes 5:5

Ut li rey quixye re: —Ayu riqꞌuin lix reyeb laj Israel. La̱in tintakla jun li hu cha̱cuix re ta̱qꞌue re li rey aꞌan, chan. Joꞌcan ut nak co̱ laj Naamán. Quixcꞌam laje̱b xcaꞌcꞌa̱l mil (30,000) chi tumin plata ut cuakib mil chi tumin oro. Ut quixcꞌam ajcuiꞌ laje̱b sumal li cha̱bil tꞌicr.

Proverbios 1:6

Ut re ajcuiꞌ nak tixtau ru li a̱tin li nequeꞌxye li cuanqueb xnaꞌleb, li a̱tin li chꞌaꞌaj xtaubal ru.

Santiago 5:2

Le̱ biomal ta̱osokꞌ. Ma̱cꞌaꞌ chic ta̱oc cuiꞌ. Joꞌcan ajcuiꞌ le̱ cha̱bil akꞌ ta̱cꞌuxekꞌ xban li xulel.

1 Corintios 13:12

Anakcuan caꞌchꞌin ajcuiꞌ nakanau. Chanchan nak noco-iloc saꞌ junak lem moymoy ru. Abanan saꞌ jun cutan takil ru li Dios ut takanau chic chixjunil chi tzꞌakal joꞌ nak li Dios naxnau ku la̱o.

San Juan 16:29

Ut eb lix tzolom queꞌxye re: —Anakcuan yo̱cat chi a̱tinac riqꞌuin a̱tin incꞌaꞌ chꞌaꞌaj xtaubal ru. Incꞌaꞌ chic xaye ke riqꞌuin jaljo̱quil ru a̱tin.

San Lucas 14:7

Li Jesús quixqꞌue retal nak li bokbileb chi cuaꞌac saꞌ li cab aꞌan yo̱queb chixsicꞌbal ru li naꞌajej li nequeꞌqꞌueheꞌ cuiꞌ li cuanqueb xcuanquil. Joꞌcan nak quixye jun li jaljo̱quil ru a̱tin reheb. Quixye:

San Mateo 27:28

Queꞌrisi li rakꞌ ut queꞌxqꞌue jun caki tꞌicr chirix joꞌ nequeꞌrocsi li rey.

San Mateo 13:34

Chixjunil aꞌin saꞌ jaljo̱quil ru a̱tin quixye li Jesús reheb li qꞌuila tenamit. Ut ma̱cꞌaꞌ quixye reheb chi ma̱cuaꞌ ta saꞌ jaljo̱quil ru a̱tin.

San Mateo 13:13

Joꞌcan nak nina̱tinac riqꞌuineb saꞌ jaljo̱quil ru a̱tin xban nak usta yo̱queb chi iloc, abanan incꞌaꞌ teꞌxqꞌue retal. Usta yo̱queb chi abi̱nc, abanan incꞌaꞌ teꞌxtau xya̱lal.

San Mateo 6:19

Me̱qꞌue e̱chꞌo̱l chixcꞌu̱lanquil e̱biomal saꞌ ruchichꞌochꞌ bar cuiꞌ namaxen ut nakꞌolen ru ut bar cuiꞌ nequeꞌoc laj e̱lkꞌ chi elkꞌac.

Ezequiel 20:49

Ut la̱in ra quicuecꞌa ut quinye re: —At nimajcual Dios, chixjunileb nequeꞌxye nak li cꞌaꞌru ninye, aꞌan jaljo̱quil ru a̱tin ut incꞌaꞌ nequeꞌxtau ru, chanquin.

Salmos 49:4

Tinye e̱re lix ya̱lal jun li naꞌleb chꞌaꞌaj xtaubal ru. Tinbicha̱nk riqꞌuin li arpa nak tinchꞌolob lix ya̱lal che̱ru.

2 Crónicas 7:8

Saꞌ eb li cutan aꞌan laj Salomón quixba̱nu jun li ninkꞌe chiru cuukub cutan rochbeneb chixjunileb laj Israel. Kꞌaxal nabaleb li chꞌutchꞌu̱queb aran. Eb aꞌan queꞌchal chak saꞌ eb li naꞌajej Hamat ut toj cuan cuiꞌ li nimaꞌ re Egipto.

Jueces 14:11

Nak eb laj filisteo queꞌxqꞌue retal li ninkꞌe, queꞌxtakla laje̱b xcaꞌcꞌa̱l (30) li sa̱j cui̱nk riqꞌuineb saꞌ li ninkꞌe.

Jueces 14:13

Cui la̱ex incꞌaꞌ te̱ye cue cꞌaꞌru xya̱lal li tinye e̱re, tento nak la̱ex te̱qꞌue cue laje̱b xcaꞌcꞌa̱l li cha̱bil akꞌej ut laje̱b xcaꞌcꞌa̱l li cha̱bil tꞌicr lino, chan laj Sansón. Ut queꞌxye re: —Ye ke li serakꞌ aꞌan, li chꞌaꞌaj xtaubal ru. Nakaj rabinquil, chanqueb.

Proverbios 31:24

Li ixk aꞌan naxquem li tꞌicr lino ut naxquem li cꞌa̱mal saꞌ ut naxcꞌayi reheb laj cꞌay.