Jueces 13:8 - Li Santil hu

⁸ Ut laj Manoa quitijoc ut quixye re li Ka̱cuaꞌ: —At Ka̱cuaꞌ, at inDios, nintzꞌa̱ma cha̱cuu nak ta̱takla cuiꞌchic li cui̱nk aꞌan. Chicꞌulu̱nk taxak kiqꞌuin re nak tixchꞌolob chiku chanru takaba̱nu riqꞌuin li cꞌulaꞌal li ta̱yoꞌla̱k, chan.

Q'eqchi Bible

⁸ Toja' naq laj Manóhaj kixyaab'a li xk'ab'a' li Qaawa' ut kixye: “Nintz'aama chawu, at Qaawa', taataqla wi' chik li winq a'an qik'in re naq tixch'olob' chiqu k'aru tqab'aanu rik'in li k'uula'al naq taayo'laaq”, chan.

Jueces 13:8 ပူးပေါင်းရင်းမြစ်များ

Hechos 9:6

Nasicsot xban xxiu laj Saulo nak quixye: —Ka̱cuaꞌ, ¿cꞌaꞌru ta̱cuaj tinba̱nu? chan. Ut li Ka̱cuaꞌ quixye: —Cuaclin ut ayu saꞌ li tenamit, ut aran ta̱yehekꞌ a̱cue cꞌaꞌru us ta̱ba̱nu, chan.

Li xHu LAJ JOB 34:32

¿Ma xaye re nak tixcꞌut cha̱cuu cꞌaꞌru li ma̱c li toj ma̱ji nacaqꞌue retal? ¿Ma xaye re nak cui incꞌaꞌ us xaba̱nu, incꞌaꞌ chic ta̱ba̱nu?

Jueces 13:3

Jun x-ángel li Ka̱cuaꞌ quixcꞌutbesi rib chiru li ixk ut quixye re: —La̱at ma̱ jun a̱cocꞌal cuanjenak xban nak incꞌaꞌ nacatqꞌuiresin. Abanan anakcuan tatcana̱k chi yaj aj ixk ut ta̱cua̱nk jun a̱cꞌulaꞌal chꞌina te̱lom.

Jueces 13:6

Ut li ixk quixserakꞌi re lix be̱lom li cꞌaꞌru quiyeheꞌ re xban li ángel. Quixye re: —Jun li cui̱nk taklanbil xban li Dios xcuulac cuiqꞌuin. Cꞌajoꞌ nak x-oc incꞌaꞌux xban. Joꞌ li aꞌan x-ángel li Ka̱cuaꞌ nak xcuil, ut la̱in incꞌaꞌ xinpatzꞌ re bar xchal chak ut ani, chi moco aꞌan xye cue ani xcꞌabaꞌ.

Jueces 13:7

Aꞌan quixye cue nak ta̱cua̱nk jun incꞌulaꞌal chꞌina te̱lom. Quixye ajcuiꞌ cue nak chalen anakcuan incꞌaꞌ tin-ucꞌak vino chi moco tincuucꞌ li cꞌaꞌru nacaltesin ut incꞌaꞌ tintzaca li cꞌaꞌak re ru incꞌaꞌ naru xtzacanquil joꞌ quixye li Dios, xban nak li cꞌulaꞌal li ta̱yoꞌla̱k aj nazareo. Kꞌaxtesinbilak re li Ka̱cuaꞌ chalen saꞌ xyoꞌlajic ut toj chalen nak ta̱ca̱mk, chan li ixk.

Jueces 13:9

Ut li Dios quixsume lix tij laj Manoa. Saꞌ jun li cutan nak li ixakilbej cuan saꞌ cꞌaleba̱l xjunes, lix ángel li Ka̱cuaꞌ quixcꞌutbesi cuiꞌchic rib chiru. Abanan laj Manoa lix be̱lom ma̱ ani rochben.

Jueces 13:11

Laj Manoa co̱ chirix li rixakil chirilbal li cui̱nk. Ut quixye re: —¿Ma la̱at li cat-a̱tinac riqꞌuin li cuixakil? chan. Ut lix ángel li Ka̱cuaꞌ Dios quixye: —La̱in.—