Jueces 13:6 - Li Santil hu

⁶ Ut li ixk quixserakꞌi re lix be̱lom li cꞌaꞌru quiyeheꞌ re xban li ángel. Quixye re: —Jun li cui̱nk taklanbil xban li Dios xcuulac cuiqꞌuin. Cꞌajoꞌ nak x-oc incꞌaꞌux xban. Joꞌ li aꞌan x-ángel li Ka̱cuaꞌ nak xcuil, ut la̱in incꞌaꞌ xinpatzꞌ re bar xchal chak ut ani, chi moco aꞌan xye cue ani xcꞌabaꞌ.

Q'eqchi Bible

⁶ Koho li ixq chi xyeeb'al re li xb'eelom: “Jun li xtaql li Yos xk'ulunk wik'in. K'ajo' naq x'ok ink'a'uxl xb'aan! Kama' li x'ánjel li Yos na'ilok. Moko xinpatz' ta b'ar xchalk chaq chi moko a'an xye we li xk'ab'a'.

Jueces 13:6 ပူးပေါင်းရင်းမြစ်များ

1 Samuel 9:6

Li mo̱s quixye re: —Saꞌ li tenamit aꞌin cuan jun li profeta naꞌno ru xban nak chixjunil li cꞌaꞌru naxye nacꞌulman. Toxic chirilbal. Ma̱re aꞌan tixye ke bar takatau eb li bu̱r, chan.

Deuteronomio 33:1

Laj Moisés, li sicꞌbil ru xban li Dios, quixtzꞌa̱ma li rosobtesinquileb laj Israel chiru li Dios nak toj ma̱jiꞌ nacam.

Apocalipsis 1:17

Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

Hechos 6:15

Ut chixjunileb li nequeꞌtaklan saꞌ xbe̱neb laj judío li cꞌojcꞌo̱queb aran queꞌril laj Esteban ut queꞌxqꞌue retal nak nalemtzꞌun li riloba̱l. Chanchan na-iloc jun li ángel.

San Lucas 9:29

Nak yo̱ chi tijoc li Jesús, quijalanoꞌ li riloba̱l chiruheb. Ut li rakꞌ sak sak ut nalemtzꞌun.

San Lucas 1:19

Ut li ángel quixye: —La̱in li ángel Gabriel li nincꞌanjelac chiru li Dios. Ut aꞌan xtaklan chak cue xyebal a̱cue li cha̱bil esilal aꞌin.

Daniel 10:11

Ut quixye cue: —At Daniel, la̱at raro̱cat xban li Dios. Qꞌue retal li oc cue chixyebal a̱cue ut xaklin xban nak taklanbilin chi a̱tinac a̱cuiqꞌuin, chan cue. Ut la̱in ninsicsot xban inxiu nak quinxakli.

Daniel 10:5

Nak quin-iloc takecꞌ quicuil jun li cui̱nk. Li rakꞌ yi̱banbil riqꞌuin li cha̱bil tꞌicr lino ut lix cꞌa̱mal xsaꞌ yi̱banbil riqꞌuin tzꞌakal oro li nachal chak aran Ufaz.

Daniel 8:17

Laj Gabriel quijiloc ut quixakli chincꞌatk. Cꞌajoꞌ nak quinxucuac ut quincut cuib saꞌ chꞌochꞌ. Ut quixye cue: —At ralal cui̱nk, chatauhak taxak ru xban nak li xacuil saꞌ li visión, aꞌan talajeꞌcꞌulma̱nk saꞌ rosoꞌjiqueb li cutan, chan.

2 Reyes 4:9

Ut li ixk quixye re lix be̱lom, —La̱in ninqꞌue retal nak li cui̱nk li nanumeꞌ rajlal chi cuaꞌac kiqꞌuin, aꞌan jun xsantil profeta li Dios.

1 Timoteo 6:11

Ut la̱at, at Timoteo, la̱at aj cꞌanjel chiru li Dios. Ma̱ba̱nu li ma̱usilal li nequeꞌxba̱nu eb aꞌan. Qꞌue ban a̱chꞌo̱l chi cua̱nc saꞌ ti̱quilal. Chara li Dios ut chatpa̱ba̱nk chiru. Charaheb la̱ cuas a̱cui̱tzꞌin. Chacuy li raylal ut chatcua̱nk saꞌ tu̱lanil.

2 Reyes 4:16

Ut laj Eliseo quixye re: —Joꞌcaꞌin saꞌ jun chihab la̱at ac cuan chic junak a̱cꞌulaꞌal te̱lom yo̱kat chixkꞌalunquil, chan. Ut li ixk quixye re: —Ka̱cuaꞌ, la̱at xprofeta li Dios. Ba̱nu usilal, mina̱balakꞌi, chan.

1 Reyes 17:24

Ut li xma̱lcaꞌan quixye re: —Riqꞌuin aꞌin ninqꞌue retal nak la̱at xprofeta li Dios ut chixjunil li nacaye, aꞌan ya̱l xban nak li Ka̱cuaꞌ naxcꞌut cha̱cuu, chan.

1 Reyes 17:18

Li naꞌbej quixye re laj Elías: —¿Cꞌaꞌru inma̱c cha̱cuu, at xprofeta li Dios? ¿Ma xatchal cuiqꞌuin chixjulticanquil lin ma̱c ut chixcamsinquil lin chꞌina yum? chan.

1 Samuel 2:27

Jun lix profeta li Dios quicuulac riqꞌuin laj Elí ut quixye re: —Joꞌcaꞌin xye li Ka̱cuaꞌ: “La̱in quincꞌutbesi cuib chiru laj Aarón, la̱ xeꞌto̱nil yucuaꞌ, nak aꞌan joꞌ eb ajcuiꞌ lix comon cuanqueb chak chokꞌ rahobtesinbil mo̱s aran Egipto.

Jueces 13:22

Laj Manoa quixye re li rixakil: —Relic chi ya̱l nak toca̱mk xban nak xkil ru li Dios, chan.

Jueces 13:8

Ut laj Manoa quitijoc ut quixye re li Ka̱cuaꞌ: —At Ka̱cuaꞌ, at inDios, nintzꞌa̱ma cha̱cuu nak ta̱takla cuiꞌchic li cui̱nk aꞌan. Chicꞌulu̱nk taxak kiqꞌuin re nak tixchꞌolob chiku chanru takaba̱nu riqꞌuin li cꞌulaꞌal li ta̱yoꞌla̱k, chan.

Josué 14:6

Saꞌ jun li cutan queꞌcuulac Gilgal li ralal xcꞌajol laj Judá chi a̱tinac riqꞌuin laj Josué. Laj Caleb, li ralal laj Jefone, Cenaz xtenamit, quixye re laj Josué: —La̱at ac nacanau li cꞌaꞌru quixye li Ka̱cuaꞌ re laj Moisés, laj cꞌanjel chiru, nak quia̱tinac riqꞌuin saꞌ li naꞌajej Cades-barnea cha̱cuix la̱at ut chicuix ajcuiꞌ la̱in.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Éxodo 3:2

Aran quixcꞌutbesi rib lix ángel li Ka̱cuaꞌ Dios chiru laj Moisés saꞌ rakꞌ li xam saꞌ li jun to̱n chi qꞌuix. Laj Moisés quiril nak yo̱ xxamlel ut incꞌaꞌ na-osoꞌ li qꞌuix.

Génesis 32:29

Ut laj Jacob quixye re: —Ba̱nu usilal ye cue ani a̱cꞌabaꞌ la̱at, chan. Ut lix takl li Dios quixye re laj Jacob: —¿Cꞌaꞌut nak ta̱cuaj ta̱nau ani incꞌabaꞌ? chan. Ut lix takl li Dios quirosobtesi laj Jacob saꞌ li naꞌajej aꞌan.

Génesis 18:2

Laj Abraham quiril nak xaka̱mileb oxibeb li cui̱nk chiru. Saꞌ junpa̱t qui-el chixcꞌulbaleb. Quixcuikꞌib rib ut quixxulub lix jolom saꞌ chꞌochꞌ, ut quixye:

Jueces 6:11

Ut quichal lix ángel li Ka̱cuaꞌ ut quicꞌojla rubel jun to̱n li ji cuan saꞌ li tenamit Ofra. Li naꞌajej aꞌan re laj Joás xcomoneb li ralal xcꞌajol laj Abiezer. Laj Gedeón, li ralal laj Joás, yo̱ chixpuxinquil ru li trigo saꞌ li naꞌajej bar nequeꞌxyatzꞌ cuiꞌ li uvas re nak incꞌaꞌ ta̱ilekꞌ xbaneb laj Madián.

Jueces 13:3

Jun x-ángel li Ka̱cuaꞌ quixcꞌutbesi rib chiru li ixk ut quixye re: —La̱at ma̱ jun a̱cocꞌal cuanjenak xban nak incꞌaꞌ nacatqꞌuiresin. Abanan anakcuan tatcana̱k chi yaj aj ixk ut ta̱cua̱nk jun a̱cꞌulaꞌal chꞌina te̱lom.

Jueces 13:7

Aꞌan quixye cue nak ta̱cua̱nk jun incꞌulaꞌal chꞌina te̱lom. Quixye ajcuiꞌ cue nak chalen anakcuan incꞌaꞌ tin-ucꞌak vino chi moco tincuucꞌ li cꞌaꞌru nacaltesin ut incꞌaꞌ tintzaca li cꞌaꞌak re ru incꞌaꞌ naru xtzacanquil joꞌ quixye li Dios, xban nak li cꞌulaꞌal li ta̱yoꞌla̱k aj nazareo. Kꞌaxtesinbilak re li Ka̱cuaꞌ chalen saꞌ xyoꞌlajic ut toj chalen nak ta̱ca̱mk, chan li ixk.

Jueces 13:10

Co̱ saꞌ junpa̱t li ixakilbej chixbokbal lix be̱lom. Quixye re: —Quim. Xcꞌulun cuiꞌchic li cui̱nk li quia̱tinac cuiqꞌuin saꞌ li cutan quinumeꞌ, chan.