Jueces 13:5 - Li Santil hu

⁵ Ta̱cua̱nk jun la̱ cꞌulaꞌal te̱lom. Incꞌaꞌ ta̱besma̱nk rismal, xban nak chalen saꞌ xyoꞌlajic li cꞌulaꞌal aꞌan aj nazareo. Ac kꞌaxtesinbil re li Dios ut aꞌan ta̱oc chi coloc reheb laj Israel saꞌ rukꞌeb laj filisteo, chan li ángel.

Q'eqchi Bible

⁵ xb'aan naq tatsiyanq ut taawanq jun aak'uula'al. Ink'a' taab'esmanq li rismal li xjolom xb'aan naq q'axtesinb'ilaq re li Yos cho'q nasireo, chalen sa' xsiyajik rik'in li xna'. A'an taatikib'anq xkolb'aleb' laj Israel sa' ruq'eb' laj Filistea”, chan.

Jueces 13:5 ပူးပေါင်းရင်းမြစ်များ

Números 6:5

Joꞌ najtil ta̱cua̱nk chokꞌ aj nazareo incꞌaꞌ naru tixbes li rismal xjolom. Tixcanab ban chi chamocꞌ li rismal toj ta̱rakekꞌ li cutan nak qui-oc chokꞌ aj nazareo chiru li Ka̱cuaꞌ.

1 Samuel 1:11

Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

1 Crónicas 18:1

Mokon chic li rey David quipletic cuiꞌchic riqꞌuineb laj filisteo ut quinumta saꞌ xbe̱neb. Quirisi xcuanquileb ut quixmakꞌ chiruheb li tenamit Gat joꞌ eb ajcuiꞌ li cocꞌ cꞌaleba̱l cuanqueb chi xjun sutam.

1 Samuel 7:13

Joꞌcaꞌin nak queꞌnumta laj Israel saꞌ xbe̱neb laj filisteo. Incꞌaꞌ chic queꞌoc saꞌ lix tenamiteb laj Israel chi pletic. Joꞌ najtil yoꞌyo laj Samuel, li Ka̱cuaꞌ incꞌaꞌ quixcanabeb laj filisteo chi oc saꞌ lix naꞌajeb.

2 Samuel 8:1

Mokon chic li rey David quipletic cuiꞌchic riqꞌuineb laj filisteo ut quinumta saꞌ xbe̱neb. Joꞌcan nak queꞌsach xcuanquileb laj filisteo saꞌ li naꞌajej Meteg-ama.

San Lucas 1:15

La̱ cualal li ta̱yoꞌla̱k ta̱qꞌuehekꞌ xcuanquil xban li Dios. Aꞌan incꞌaꞌ ta̱ucꞌak vino chi moco li haꞌ li nacaltesin. Ut ac cua̱nk chak li Santil Musikꞌej riqꞌuin nak toj ma̱jiꞌak nayoꞌla.

Jueces 16:17

Ut quixye lix ya̱lal re: —La̱in ma̱ jun sut quibeseꞌ injolom xban nak la̱in aj nazareo. Ac kꞌaxtesinbilin re li Dios nak toj ma̱jiꞌ ninyoꞌla. Cui ta̱besekꞌ li cuismal, ma̱cꞌaꞌ chic inmetzꞌe̱u tincana̱k. Chanchanakin chic joꞌ chixjunileb li cui̱nk, chan.

Amós 2:11

Saꞌ xya̱nkeb le̱ ralal e̱cꞌajol la̱ex aj Israel xinsiqꞌueb ru li teꞌcua̱nk chokꞌ profeta ut xinsiqꞌueb ru li toj sa̱jeb li queꞌxkꞌaxtesi rib chi cꞌanjelac chicuu chokꞌ Nazareo. ¿Ma incꞌaꞌ ta biꞌ ya̱l nak joꞌcan quinba̱nu? chan li Ka̱cuaꞌ.