Jueces 13:23 - Li Santil hu

²³ Abanan li rixakil quixye re: —Incꞌaꞌ toca̱mk. Cui ta li Dios kacamsinquil ta̱raj, incꞌaꞌ raj xcꞌul li kacꞌatbil mayej chi moco quixcꞌul raj li mayej li xkaqꞌue. Ut incꞌaꞌ raj xcꞌutbesi chiku chixjunil li cꞌaꞌak re ru aꞌin, ut incꞌaꞌ raj xye ke li cꞌaꞌru ta̱cꞌulma̱nk, chan.

Q'eqchi Bible

²³ Ab'an li ixq kixye: “Wi xraj ta qakamsinkil li Qaawa', ink'a' raj xk'ul li qak'atb'il mayej chi moko li qayeechi'om. Ink'a' raj xk'ut chiqu chixjunil li k'a'aq re ru a'in chi moko xye raj qe jo'nimal toja' xqab'i”, chan.

Jueces 13:23 ပူးပေါင်းရင်းမြစ်များ

1 Corintios 12:21

Cui naru raj ta̱a̱tinak li xnakꞌ u incꞌaꞌ naru tixye re li ukꞌej: la̱at incꞌaꞌ nacatcꞌanjelac chicuu. Chi moco naru tixye li jolomej re li okej: la̱ex incꞌaꞌ nequexcꞌanjelac chicuu.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

San Juan 15:15

La̱ex ma̱cuaꞌakex chic yal aj cꞌanjel xban nak junak laj cꞌanjel incꞌaꞌ naxnau cꞌaꞌru yo̱ lix patrón. Abanan la̱in xinye e̱re chixjunil li naxye cue lin Yucuaꞌ. Aꞌan naxcꞌut nak raro̱quex inban.

San Juan 14:20

Toj saꞌ li cutan aꞌan la̱ex te̱qꞌue retal nak li Yucuaꞌbej cuan cuiqꞌuin ut la̱in cuanquin riqꞌuin aꞌan. Junaj ku chi kibil kib. Ut la̱ex cua̱nkex cuiqꞌuin ut la̱in cua̱nkin e̱riqꞌuin.

Salmos 86:17

Chacꞌutbesi taxak junak li retalil la̱ cuusilal, at Ka̱cuaꞌ, re nak teꞌxqꞌue retal li xicꞌ nequeꞌiloc cue. Xuta̱nal teꞌe̱lk nak teꞌxqꞌue retal nak la̱at xattenkꞌan cue ut xacꞌojob inchꞌo̱l.

Proverbios 3:32

Li Ka̱cuaꞌ xicꞌ narileb li nequeꞌxba̱nu li incꞌaꞌ us, ut cuan chi sum a̱tin riqꞌuineb li cuanqueb saꞌ ti̱quilal.

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

Salmos 27:13

Abanan la̱in ninnau nak tincꞌul li rusilal li Dios nak toj cua̱nkin saꞌ ruchichꞌochꞌ.

Jueces 13:24

Ut li ixk quicuan jun lix cꞌulaꞌal te̱lom. Aj Sansón quixqꞌue chokꞌ xcꞌabaꞌ. Li cꞌulaꞌal quiniman ut li Ka̱cuaꞌ qui-osobtesin re.

Salmos 20:4

Aꞌ taxak li Dios chiqꞌuehok a̱cue chixjunil li nacacuaj ut tatxtenkꞌa taxak re nak ta̱e̱lk chi us chixjunil li cꞌaꞌru nacacꞌoxla xba̱nunquil.