Jueces 13:20 - Li Santil hu

²⁰ Nak yo̱ chi cꞌatc li mayej saꞌ li artal, laj Manoa ut li rixakil queꞌril lix ángel li Dios yo̱ chi takecꞌ saꞌ choxa saꞌ xxamlel li mayej. Laj Manoa ut li rixakil queꞌxhupub ribeb saꞌ chꞌochꞌ.

Q'eqchi Bible

²⁰ Ut kik'ulmank a'in chiru laj Manóhaj ut li rixaqil: naq li raq'xam li na'elk sa' xb'een li artal kitaqe'k sa' choxa, li x'ánjel li Qaawa' yo chi xik sa' li raq'xam. Toja' naq laj Manóhaj ut li rixaqil ke'xhupub' rib' sa' ch'och' chi loq'onink.

Jueces 13:20 ပူးပေါင်းရင်းမြစ်များ

Levítico 9:24

Ut li Ka̱cuaꞌ quixtakla li xam ut quixcꞌat li mayej ut li xe̱b li cuan saꞌ xbe̱n li artal. Nak eb li tenamit queꞌril li xam queꞌxhupub ribeb saꞌ chꞌochꞌ ut queꞌxlokꞌoni li Dios.

1 Crónicas 21:16

Laj David qui-iloc takecꞌ ut quiril lix ángel li Ka̱cuaꞌ xakxo saꞌ xyi li choxa ut li ruchichꞌochꞌ. Ac cauresinbil lix chꞌi̱chꞌ saꞌ rukꞌ re xsachbal ru li tenamit Jerusalén. Laj David ut eb li nequeꞌcꞌamoc be saꞌ xya̱nkeb laj Israel queꞌxhupub ribeb saꞌ chꞌochꞌ. Ut cuan li kꞌes ru tꞌicr chirixeb.

2 Reyes 2:11

Yo̱queb chi xic ut yo̱queb chi a̱tinac chi ribileb rib. Saꞌ junpa̱t quichal jun li carruaje chanchan xam ut quelonbil xbaneb li cacua̱y chanchaneb xam. Li carruaje quinumeꞌ saꞌ xyiheb ut laj Elías quicꞌameꞌ saꞌ choxa saꞌ jun li ikꞌ yo̱ chixsutinquil rib.

Ezequiel 1:28

Nalemtzꞌun lix lokꞌal li Dios nak quicuil. Chanchan li xo̱quikꞌab li naxqꞌue rib saꞌ li chok nak yo̱ li hab. Nak quicuil lix lokꞌal li Dios, quincut cuib saꞌ chꞌochꞌ ut quicuabi xya̱b xcux nak qui-oc chi a̱tinac.

San Mateo 17:6

Nak queꞌrabi aꞌan, kꞌaxal nak queꞌxucuac lix tzolom ut queꞌxcut rib saꞌ chꞌochꞌ ut huphu queꞌcana.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

1 Crónicas 21:26

Laj David quixyi̱b li artal saꞌ li naꞌajej aꞌan re xlokꞌoninquil li Dios. Quixqꞌue lix mayej re xcꞌambal rib saꞌ usilal riqꞌuin li Dios ut quixqꞌue lix cꞌatbil mayej. Ut quixya̱ba xcꞌabaꞌ li Ka̱cuaꞌ. Ut li Ka̱cuaꞌ quirabi li cꞌaꞌru quixtzꞌa̱ma chiru ut quixtakla chak li xam saꞌ choxa saꞌ li artal.

Génesis 17:3

Laj Abram quicuikꞌla ut quixxulub lix jolom saꞌ chꞌochꞌ.

Daniel 10:9

Quicuabi lix ya̱b xcux nak qui-oc chi a̱tinac ut quisach innaꞌleb ut quintꞌaneꞌ chi huphu saꞌ chꞌochꞌ. Chanchan cua̱rc yo̱quin.

Ezequiel 1:26

Ut saꞌ xbe̱n li chanchan choxa li cuan saꞌ xbe̱neb li chanchaneb ángel, quicꞌutun jun li cꞌojariba̱l yi̱banbil riqꞌuin li cha̱bil raxi pec zafiro. Ut saꞌ li cꞌojariba̱l aꞌan chunchu jun li chanchan cui̱nk.

Salmos 47:5

Queꞌxya̱basi li trompeta ut japjo̱queb re xban xsahileb saꞌ xchꞌo̱l re xqꞌuebal xlokꞌal li Ka̱cuaꞌ nak quitakeꞌ saꞌ lix nimajcual naꞌaj.

Jueces 6:19

Ut laj Gedeón co̱ saꞌ rochoch ut quixcamsi jun li chiba̱t toj sa̱j ut quixchik. Riqꞌuin junmay litro li harina quixyi̱b li caxlan cua ma̱cꞌaꞌ xchꞌamal. Quixqꞌue li tib saꞌ jun li chacach ut quixqꞌue li caldo saꞌ jun li ucꞌal. Quixcꞌam chixjunil aran rubel li cheꞌ ji ut quixqꞌue re li ángel.

Jueces 6:21

Ut li ángel quixchꞌeꞌ li tib ut li caxlan cua riqꞌuin li ruꞌuj li xukꞌ li cuan saꞌ rukꞌ. Ut quiloch xxamlel li pec ut quixcꞌat li tib ut li caxlan cua. Ut incꞌaꞌ chic qui-ileꞌ ru li ángel xban laj Gedeón.

1 Crónicas 21:21

Nak laj Ornán quiril nak yo̱ chi cha̱lc laj David, qui-el saꞌ li naꞌajej li narisi cuiꞌ rix lix trigo ut co̱ chixcꞌulbal. Ut quixcuikꞌib rib saꞌ chꞌochꞌ chiru.