Jueces 13:18 - Li Santil hu

¹⁸ Lix ángel li Ka̱cuaꞌ quixye re: —¿Cꞌaꞌut nak ta̱cuaj ta̱nau ani incꞌabaꞌ? La̱at incꞌaꞌ naru ta̱nau xban nak lin cꞌabaꞌ la̱in kꞌaxal lokꞌ, chan.

Q'eqchi Bible

¹⁸ Kichaq'ok li x'ánjel li Qaawa': “K'a' naq nakapatz' we link'ab'a'? A'an q'axal loq'”, chan.

Jueces 13:18 ပူးပေါင်းရင်းမြစ်များ

Génesis 32:29

Ut laj Jacob quixye re: —Ba̱nu usilal ye cue ani a̱cꞌabaꞌ la̱at, chan. Ut lix takl li Dios quixye re laj Jacob: —¿Cꞌaꞌut nak ta̱cuaj ta̱nau ani incꞌabaꞌ? chan. Ut lix takl li Dios quirosobtesi laj Jacob saꞌ li naꞌajej aꞌan.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Jueces 13:6

Ut li ixk quixserakꞌi re lix be̱lom li cꞌaꞌru quiyeheꞌ re xban li ángel. Quixye re: —Jun li cui̱nk taklanbil xban li Dios xcuulac cuiqꞌuin. Cꞌajoꞌ nak x-oc incꞌaꞌux xban. Joꞌ li aꞌan x-ángel li Ka̱cuaꞌ nak xcuil, ut la̱in incꞌaꞌ xinpatzꞌ re bar xchal chak ut ani, chi moco aꞌan xye cue ani xcꞌabaꞌ.

Génesis 32:30

Laj Jacob quixqꞌue chokꞌ xcꞌabaꞌ li naꞌajej aꞌan Peniel. Quixqꞌue lix cꞌabaꞌ aꞌin xban nak quixye: —Saꞌ li naꞌajej aꞌin xcuil ru li Ka̱cuaꞌ Dios ut toj yoꞌyo̱quin, chan.

Éxodo 23:21

Chex-abi̱nk chiru ut cheba̱nu li cꞌaꞌru naxye. Me̱kꞌetkꞌeti e̱rib chiru xban nak aꞌan incꞌaꞌ tixcuy e̱ma̱c. Li cꞌaꞌru tixba̱nu aꞌan, tixba̱nu saꞌ incꞌabaꞌ la̱in.

Nehemías 9:5

Laj Jesúa, laj Cadmiel, laj Bani, laj Hasabnías, laj Serebías, laj Hodías, laj Sebanías, ut laj Petaías queꞌxye reheb li tenamit: —Cuaclinkex. Qꞌuehomak xlokꞌal li Ka̱cuaꞌ li kaDios, li kꞌaxal nim xcuanquil. Qꞌuehomak xlokꞌal chi junelic. Chiqꞌuehekꞌ taxak xlokꞌal lix lokꞌlaj cꞌabaꞌ ut chinima̱k taxak ru chi junelic kꞌe cutan.—

Isaías 9:5

Ta̱cꞌatekꞌ lix xa̱beb li soldados ut ta̱cꞌatekꞌ ajcuiꞌ li rakꞌeb li osoꞌjenak saꞌ quicꞌ.