Jueces 13:16 - Li Santil hu

¹⁶ Abanan li ángel quixye re: —Usta tincana̱k e̱riqꞌuin junpa̱tak, incꞌaꞌ tintzaca li cꞌaꞌru nacayi̱b. Abanan cui nacacuaj xba̱nunquil, ta̱mayeja li xul aꞌan chiru li Ka̱cuaꞌ, chan. Laj Manoa incꞌaꞌ quixnau nak li cui̱nk aꞌan x-ángel li Ka̱cuaꞌ.

Q'eqchi Bible

¹⁶ Ab'an li x'ánjel li Qaawa' kichaq'ok ut kixye: “Us ta taamin wu chi kanaak, moko truuq ta tinyal laatzekemq. Ab'anan wi taawaj xkawresinkil junaq aak'atb'il mayej, yeechi'i chiru li Qaawa'”, chan. Xb'aan naq laj Manóhaj ink'a' naxnaw naq a'an li x'ánjel li Qaawa'.

Jueces 13:16 ပူးပေါင်းရင်းမြစ်များ

Jueces 13:23

Abanan li rixakil quixye re: —Incꞌaꞌ toca̱mk. Cui ta li Dios kacamsinquil ta̱raj, incꞌaꞌ raj xcꞌul li kacꞌatbil mayej chi moco quixcꞌul raj li mayej li xkaqꞌue. Ut incꞌaꞌ raj xcꞌutbesi chiku chixjunil li cꞌaꞌak re ru aꞌin, ut incꞌaꞌ raj xye ke li cꞌaꞌru ta̱cꞌulma̱nk, chan.

Jueces 6:26

Ut ta̱yi̱b chi cha̱bil jun chic li artal saꞌ xbe̱n li bol aꞌin re inlokꞌoninquil la̱in li Ka̱cuaꞌ la̱ Dios. Ut saꞌ li artal li ta̱yi̱b, ta̱cꞌat li toro chokꞌ a̱mayej. Lix cheꞌel li dios Asera li xayocꞌ, aꞌan li ta̱cꞌanjelak chokꞌ a̱siꞌ re xcꞌatbal li toro, chan li Ka̱cuaꞌ.

Jueces 6:20

Ut lix ángel li Ka̱cuaꞌ quixye re: —Qꞌue li tib ut li caxlan cua saꞌ xbe̱n li pec aꞌin ut ta̱hoy li caldo saꞌ xbe̱n, chan. Ut laj Gedeón quixba̱nu joꞌ quiyeheꞌ re.

Génesis 18:5

Xban nak xexcꞌulun cuiqꞌuin, tincꞌam chak caꞌchꞌinak le̱ tzacae̱mk re nak sahak saꞌ le̱ chꞌo̱l nak texxic, chan laj Abraham. Ut eb aꞌan queꞌchakꞌoc ut queꞌxye re: —Us, bantiox a̱cue.

Jueces 13:21

Laj Manoa quixqꞌue retal nak aꞌan x-ángel li Ka̱cuaꞌ. Chalen aꞌan lix ángel li Dios incꞌaꞌ chic quixcꞌutbesi rib chiruheb, chi moco chiru li cui̱nk, chi moco chiru li rixakil.