Jueces 13:12 - Li Santil hu

¹² Laj Manoa quixye re: —Nak ta̱cuulak xkꞌehil xyoꞌlajic li cꞌulaꞌal li xaye, ¿chanru nak takaqꞌuiresi? Ut, ¿chanru nak ta̱cua̱nk? chan.

Q'eqchi Bible

¹² Toja' naq laj Manóhaj kixye re: “Naq taatz'aqloq ru laawaatin, k'aru tqab'aanu re li k'uula'al ut chanru naq tqak'iiresi?”, chan.

Jueces 13:12 ပူးပေါင်းရင်းမြစ်များ

Efesios 6:4

Ex naꞌbej ex yucuaꞌbej, me̱chikꞌ xjoskꞌileb le̱ ralal e̱cꞌajol chi ma̱cꞌaꞌ rajbal. Cheqꞌuiresihakeb ban saꞌ xya̱lal riqꞌuin xkꞌusbaleb ut riqꞌuin xtijbaleb saꞌ xcꞌabaꞌ li Ka̱cuaꞌ Jesucristo.

Proverbios 22:6

Nak toj coqꞌueb li cocꞌal, us xcꞌutbal chiruheb chanru li cua̱nc saꞌ ti̱quilal ut nak ac xeꞌni̱nkan incꞌaꞌ teꞌxcanab xba̱nunquil.

Proverbios 4:4

Ut lin yucuaꞌ nak quixqꞌue chak innaꞌleb quixye cue chi joꞌcaꞌin: —Chicana̱k taxak saꞌ a̱chꞌo̱l la̱ kꞌusbal li yo̱quin xqꞌuebal a̱cue. Ut chaba̱nuhak taxak li cꞌaꞌru yo̱quin xyebal a̱cue re nak us tatcua̱nk saꞌ ruchichꞌochꞌ.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

Jueces 13:11

Laj Manoa co̱ chirix li rixakil chirilbal li cui̱nk. Ut quixye re: —¿Ma la̱at li cat-a̱tinac riqꞌuin li cuixakil? chan. Ut lix ángel li Ka̱cuaꞌ Dios quixye: —La̱in.—

Jueces 13:13

Lix ángel li Dios quixye re: —Tento nak la̱ cuixakil tixba̱nu chi tzꞌakal re ru chixjunil li xinye re.

Salmos 143:8

Rajlal taxak ekꞌela ta̱cꞌut chicuu nak nacacuuxta̱na cuu xban nak la̱in cꞌojcꞌo inchꞌo̱l a̱cuiqꞌuin. Chacꞌut taxak chicuu cꞌaꞌru tinba̱nu xban nak caꞌaj cuiꞌ la̱at nacatqꞌuehoc innaꞌleb.