Jueces 13:1 - Li Santil hu

¹ Eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb rubel xcuanquileb laj filisteo chiru caꞌcꞌa̱l (40) chihab.

Q'eqchi Bible

¹ Eb' laj Israel ke'xb'aanu wi' chik li k'aru ink'a' nawulak chiru li Qaawa', ut li Qaawa' kixq'axtesiheb' sa' ruq'eb' laj Filistea chiru ka'k'aal chihab'.

Jueces 13:1 ပူးပေါင်းရင်းမြစ်များ

1 Samuel 12:9

Abanan eb le̱ xeꞌto̱nil yucuaꞌ queꞌxtzꞌekta̱na li Ka̱cuaꞌ lix Dioseb. Joꞌcan nak li Dios quixkꞌaxtesiheb saꞌ rukꞌ laj Sísara li nataklan saꞌ xbe̱neb lix soldado laj Jabín lix reyeb laj Hazor. Quixcanabeb ajcuiꞌ rubel xcuanquileb laj filisteo ut rubel xcuanquileb lix reyeb laj Moab. Queꞌpletic riqꞌuineb le̱ xeꞌto̱nil yucuaꞌ ut queꞌnumta saꞌ xbe̱neb.

Jueces 6:1

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb saꞌ rukꞌeb laj Madián chiru cuukub chihab.

Romanos 2:6

Saꞌ li cutan aꞌan li Dios tixqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.

Jueces 3:7

Eb laj Israel queꞌxba̱nu li ma̱usilal chiru li Ka̱cuaꞌ. Queꞌxcanab xlokꞌoninquil li Ka̱cuaꞌ lix Dioseb. Aꞌ chic eb li yi̱banbil dios Baal ut eb li yi̱banbil dios Asera queꞌxlokꞌoni.

Jueces 2:11

Ut queꞌxba̱nu li incꞌaꞌ us chiru li Ka̱cuaꞌ. Queꞌoc chixlokꞌoninquileb li yi̱banbil dios Baal.

Jueces 10:6

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ Dios. Queꞌxlokꞌoniheb li yi̱banbil dios Baal ut Astarot. Ut queꞌxlokꞌoniheb ajcuiꞌ lix dioseb laj Siria, ut lix dioseb laj Sidón, joꞌ ajcuiꞌ lix dioseb laj Moab. Ut queꞌxlokꞌoniheb lix dioseb laj Amón ut eb laj filisteo. Eb laj Israel queꞌxtzꞌekta̱na li Ka̱cuaꞌ Dios ut incꞌaꞌ chic queꞌcꞌanjelac chiru.

Jueces 4:1

Nak ac xcam laj Aod, eb laj Israel queꞌoc cuiꞌchic chixba̱nunquil li incꞌaꞌ us chiru li Ka̱cuaꞌ.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

Hebreos 11:32

Toj cuan raj nabal tinserakꞌi e̱re, aban incꞌaꞌ ta̱tzꞌaklok li cutan re tinserakꞌik chirix lix pa̱ba̱leb laj Gedeón, laj Barac, laj Sansón, ut laj Jefté; ut tinye ajcuiꞌ raj e̱re chanru lix pa̱ba̱leb laj David, laj Samuel, ut eb li profeta. Aban incꞌaꞌ ta̱tzꞌaklok li cutan.

Jueces 12:15

Nak quicam, laj Abdón ralal laj Hilel quimukeꞌ saꞌ li tenamit Piratón saꞌ xcue̱nteb laj Efraín saꞌ lix naꞌaj laj Amalec, li tzu̱l ru.

Jueces 15:11

Oxib mil li cui̱nk xcomoneb laj Judá queꞌco̱eb saꞌ li ochoch pec aran Etam chi a̱tinac riqꞌuin laj Sansón. Queꞌxye re: —¿Ma incꞌaꞌ nacanau nak eb laj filisteo nequeꞌtaklan saꞌ kabe̱n? ¿Cꞌaꞌut nak xabok raylal saꞌ kabe̱n? chanqueb. Ut laj Sansón quixye: —La̱in xinba̱nu reheb joꞌ xeꞌxba̱nu cue la̱in, chan.

Jueces 15:20

Ut laj Sansón yo̱ chi takla̱nc saꞌ xbe̱neb laj Israel chiru junmay chihab nak cuanqueb rubel xcuanquil eb laj filisteo.

1 Samuel 4:9

Cauhak taxak kachꞌo̱l la̱o aj filisteo. Cau taxak topletik riqꞌuineb re nak incꞌaꞌ teꞌnumta̱k saꞌ kabe̱n. Ma̱re anchal tocana̱k rubel xcuanquileb joꞌ nak xeꞌcuan rubel kacuanquil la̱o, chanqueb.

1 Samuel 7:13

Joꞌcaꞌin nak queꞌnumta laj Israel saꞌ xbe̱neb laj filisteo. Incꞌaꞌ chic queꞌoc saꞌ lix tenamiteb laj Israel chi pletic. Joꞌ najtil yoꞌyo laj Samuel, li Ka̱cuaꞌ incꞌaꞌ quixcanabeb laj filisteo chi oc saꞌ lix naꞌajeb.

Jueces 10:7

Ut li Ka̱cuaꞌ Dios quijoskꞌoꞌ saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj filisteo ut saꞌ rukꞌeb laj Amón.

Jueces 14:4

Lix naꞌ xyucuaꞌ incꞌaꞌ nequeꞌxnau nak li Ka̱cuaꞌ yo̱ chixcꞌutbal li ixk aꞌan chiru laj Sansón. Saꞌ eb li cutan aꞌan eb laj filisteo yo̱queb chi takla̱nc saꞌ xbe̱neb laj Israel ut li Ka̱cuaꞌ yo̱ chixsicꞌbal chanru nak eb laj Israel teꞌpletik riqꞌuineb.