Jueces 12:6 - Li Santil hu

⁶ Cui eb aꞌan teꞌxye nak incꞌaꞌ, quiyeheꞌ reheb nak teꞌxye li a̱tin “Xibolet”. Ut eb laj Efraín queꞌxye “Sibolet” xban nak incꞌaꞌ queꞌru chixyebal chi tzꞌakal li a̱tin aꞌan. Riqꞌuin aꞌan queꞌxnau nak aꞌaneb xcomoneb li ralal xcꞌajol laj Efraín. Queꞌchapeꞌ ut queꞌcamsi̱c saꞌ li naꞌajej li na-ux cuiꞌ numecꞌ jun pacꞌal li nimaꞌ Jordán. Joꞌcan nak queꞌcamsi̱c cuib roxcꞌa̱l (42,000) mil li ralal xcꞌajol laj Efraín.

Q'eqchi Bible

⁶ neke'xpatz' wi' chik re: “Ye b'i' Xibólet”, ut wi a'an naxye Sibólet, xb'aan naq ink'a' naru xyeeb'al chi tz'aqal li aatin a'an, toja' naq neke'xchap ut neke'xch'ot li xjolom aran chire li nima' Jordán. Wiib' roxk'aal mil (42,000) chi winq aj Efraín ke'kamsiik sa' li kutan a'an.

Jueces 12:6 ပူးပေါင်းရင်းမြစ်များ

Gálatas 5:15

Ut cui yo̱quex chixjoskꞌinquil e̱rib ut yo̱quex chixrahobtesinquil e̱rib, chexcꞌoxlak caꞌchꞌinak. Ma̱re anchal te̱poꞌ ru le̱ pa̱ba̱l chi ribil e̱rib.

San Marcos 14:70

Ut laj Pedro quiticꞌtiꞌic cuiꞌchic. Ut ac junpa̱t na chic nak eb li cuanqueb aran queꞌxye cuiꞌchic re laj Pedro: —Ya̱l. La̱at xcomoneb xban nak la̱ cua̱tinoba̱l nacꞌutuc re nak la̱at aj Galilea.—

San Mateo 26:73

Ut junpa̱tak chican, li cuanqueb aran queꞌjiloc riqꞌuin laj Pedro ut queꞌxye re: —Relic chi ya̱l nak la̱at xcomoneb xban nak la̱ cua̱tinoba̱l nacꞌutuc re nak la̱at aj Galilea.—

San Mateo 12:25

Li Jesús quixnau li cꞌaꞌru yo̱queb chixcꞌoxlanquil ut quixye reheb: —Cui cuan jun te̱pak chi tenamit xicꞌ teꞌril rib chi ribileb rib, li jun te̱p chi tenamit aꞌan tixsach xcuanquil xjunes rib. Ut cui cuan ta jun cabalak xicꞌ teꞌril rib chi ribileb rib, li jun cabal aꞌan teꞌxsach xcuanquil lix jun cablal.

Isaías 27:12

Saꞌ li cutan aꞌan li Ka̱cuaꞌ tixchꞌutubeb lix tenamit. Naticla chak cuan cuiꞌ li nimaꞌ Éufrates. Nacuulac toj saꞌ lix nuba̱leb laj Egipto. Li junju̱nk chi aj Israel teꞌchꞌutuba̱k joꞌ nak naxocman ru li trigo.

Eclesiastés 10:12

Li a̱tin li naxye li cuan xnaꞌleb nasukꞌi usilal chokꞌ re. Abanan li cꞌaꞌru naxye li ma̱cꞌaꞌ xnaꞌleb, aꞌan ajcuiꞌ nasachoc re.

Proverbios 18:19

Junak asbej ta̱hobekꞌ, aꞌan li kꞌaxal cuiꞌchic ta̱joskꞌokꞌ. Ta̱cacuu̱k xchꞌo̱l joꞌ junak li tenamit cau rib. Ma̱ ani ta̱ru̱k ta̱tenkꞌa̱nk re xban nak kꞌaxal cau lix chꞌo̱l joꞌ li chꞌi̱chꞌ li natzꞌapoc re li puerta.

Proverbios 17:14

Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.

Salmos 69:15

Mina̱canab chixcꞌam lix cacuil rok li nimaꞌ ut mina̱canab chi subu̱nc saꞌ lix chamal li haꞌ, chi moco tina̱canab chi osocꞌ saꞌ li chamal jul.

Salmos 69:2

Chanchan yo̱quin chi subu̱nc saꞌ lix sa̱b haꞌ ut ma̱ bar chic nintau xnaꞌaj li cuok. Chanchan cuanquin saꞌ xchamal li haꞌ ut yo̱ chincꞌambal lix cacuil rok li nimaꞌ.

Jueces 12:5

Eb laj Galaad queꞌxrameb li naꞌajej li incꞌaꞌ cham cuiꞌ li haꞌ bar nequeꞌru cuiꞌ chi numecꞌ jun pacꞌal li nimaꞌ Jordán re nak eb li ralal xcꞌajol laj Efraín incꞌaꞌ teꞌe̱lelik chiruheb. Nak eb laj Efraín queꞌraj xic saꞌ xnaꞌajeb, tento nak teꞌxpatzꞌ xlese̱ns chi numecꞌ. Ut eb laj Galaad queꞌxpatzꞌ reheb ma aꞌaneb li ralal xcꞌajol laj Efraín.

Jueces 12:7

Laj Jefté quitaklan saꞌ xbe̱neb laj Israel chiru cuakib chihab. Nak quicam, quimukeꞌ saꞌ li tenamit li quiyoꞌla cuiꞌ aran Galaad.