Jueces 12:4 - Li Santil hu

⁴ Ut laj Jefté quixchꞌutubeb chixjunileb li cui̱nk li cuanqueb Galaad. Queꞌpletic riqꞌuineb li ralal xcꞌajol laj Efraín ut queꞌnumta saꞌ xbe̱neb. Queꞌxba̱nu chi joꞌcan xban nak eb li ralal xcꞌajol laj Efraín queꞌxye nak eb laj Galaad, li cuanqueb saꞌ xya̱nkeb laj Efraín ut laj Manasés, queꞌxtzꞌekta̱naheb li ralal xcꞌajol laj Efraín, li rech tenamitil.

Q'eqchi Bible

⁴ Toja' naq laj Jefté kixch'utub' chixjunileb' li xwinqilal Galahad ut ki'ok chi yalok rik'ineb' laj Efraín. Eb' laj Galahad ke'xq'ax ruheb' laj Efraín xb'aan naq eb' a'in neke'xye: “Laa'ex aj Galahad li wankex sa' xyanqeb' laj Efraín ut laj Manasés, xetz'eqtaanaheb' laj Efraín leerech tenamitul”, chankeb'.

Jueces 12:4 ပူးပေါင်းရင်းမြစ်များ

1 Samuel 25:10

Laj Nabal quichakꞌoc ut quixye reheb: —¿Ani li cui̱nk aꞌan? ¿Ani laj David li ralal laj Isaí? Anakcuan cꞌajoꞌeb li lokꞌbil mo̱s yo̱queb chi e̱lelic chiru lix patrón.

Proverbios 15:1

Li ani nasumen riqꞌuin kꞌunil a̱tin naxcubsi xjoskꞌil li ani yo̱ chi a̱tinac saꞌ joskꞌil. Aꞌut li ani nasumen saꞌ joskꞌil, kꞌaxal cuiꞌchic naxnimobresi ru li chꞌaꞌajquilal.

Proverbios 12:13

Eb li incꞌaꞌ useb xnaꞌleb nequeꞌxbok raylal saꞌ xbe̱neb riqꞌuin li ticꞌtiꞌic nequeꞌxba̱nu. Abanan eb li ti̱queb xchꞌo̱l nequeꞌxnau xcolbal ribeb chiru li raylal.

Salmos 78:9

Eb li ralal xcꞌajol laj Efraín cuanqueb xtzimaj re pletic ut cauheb raj xchꞌo̱l. Abanan eb aꞌan queꞌe̱lelic saꞌ xkꞌehil li ple̱t.

Nehemías 4:4

La̱in quintijoc ut quinye re li Dios: —At Ka̱cuaꞌ at inDios chacuabi taxak chanru nak yo̱queb chikahobbal ut yo̱queb chikatzꞌekta̱nanquil. Li tzꞌekta̱na̱nc li yo̱queb chixba̱nunquil ke chisukꞌi̱k taxak saꞌ xbe̱neb. Cheꞌchapekꞌ ta xbaneb li xicꞌ nequeꞌiloc reheb ut cheꞌcꞌamekꞌ ta saꞌ jalan tenamit.

Jueces 11:10

Eb aꞌan queꞌchakꞌoc ut queꞌxye re: —Li Ka̱cuaꞌ nanaꞌoc re nak takaba̱nu li cꞌaꞌru nacacuaj, chanqueb.

Jueces 12:3

Nak xinqꞌue retal nak incꞌaꞌ toe̱tenkꞌa, incꞌaꞌ xinra lin yuꞌam. Xco̱in ban chi pletic riqꞌuineb laj Amón. Ut li Ka̱cuaꞌ Dios quixkꞌaxtesiheb saꞌ cuukꞌ. ¿Cꞌaꞌut nak la̱ex xexchal anakcuan chi pletic kiqꞌuin? chan laj Jefté.

Jueces 12:5

Eb laj Galaad queꞌxrameb li naꞌajej li incꞌaꞌ cham cuiꞌ li haꞌ bar nequeꞌru cuiꞌ chi numecꞌ jun pacꞌal li nimaꞌ Jordán re nak eb li ralal xcꞌajol laj Efraín incꞌaꞌ teꞌe̱lelik chiruheb. Nak eb laj Efraín queꞌraj xic saꞌ xnaꞌajeb, tento nak teꞌxpatzꞌ xlese̱ns chi numecꞌ. Ut eb laj Galaad queꞌxpatzꞌ reheb ma aꞌaneb li ralal xcꞌajol laj Efraín.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.