Jueces 12:3 - Li Santil hu

³ Nak xinqꞌue retal nak incꞌaꞌ toe̱tenkꞌa, incꞌaꞌ xinra lin yuꞌam. Xco̱in ban chi pletic riqꞌuineb laj Amón. Ut li Ka̱cuaꞌ Dios quixkꞌaxtesiheb saꞌ cuukꞌ. ¿Cꞌaꞌut nak la̱ex xexchal anakcuan chi pletic kiqꞌuin? chan laj Jefté.

Q'eqchi Bible

³ Naq xwil naq maajun eere xchalk chintenq'ankil, laa'in ink'a' xinra linyu'am: xkohin sa' xb'eeneb' laj Amón, ut li Qaawa' xq'axtesiheb' sa' wuq'. K'a' put naq xexchalk anaqwan chi yalok wik'in?”, chan.

Jueces 12:3 ပူးပေါင်းရင်းမြစ်များ

Li xHu LAJ JOB 13:14

Cui cꞌaꞌru nincꞌul, chincꞌulak. Abanan la̱in oc cue chixyebal li cꞌaꞌru nacuaj.

1 Samuel 28:21

Li ixk quinachꞌoc riqꞌuin ut quiril nak ma̱cꞌaꞌ chic xmetzꞌe̱u xban xxiu. Quixye re: —At rey, la̱in xinba̱nu li cꞌaꞌru xaye cue, usta naru tincamsi̱k xban.

1 Samuel 19:5

Quixkꞌaxtesi rib chi ca̱mc nak quixcamsi laj Goliat. Ut li Ka̱cuaꞌ quixcoleb laj Israel. La̱at xacuil nak xcamsi laj Goliat ut quisahoꞌ saꞌ a̱chꞌo̱l. ¿Cꞌaꞌut nak tatma̱cobk anakcuan riqꞌuin xcamsinquil laj David? Aꞌan ma̱cꞌaꞌ xma̱c cha̱cuu, chan.

Salmos 119:109

Junelic xiu xiu cuanquin. Abanan incꞌaꞌ nincanab xcꞌoxlanquil la̱ chakꞌrab.

Apocalipsis 12:11

Eb li kech aj pa̱banelil xeꞌnumta saꞌ xbe̱n laj tza saꞌ xcꞌabaꞌ lix quiqꞌuel li Jun li chanchan carner ut xban nak queꞌxchꞌolob xya̱lal nak aꞌan laj Colol reheb. Incꞌaꞌ queꞌxra xyuꞌameb, toj retal queꞌxcꞌul ca̱mc.

Romanos 16:4

Usta xiu xiu chokꞌ reheb xcolbal rix lin yuꞌam, aban queꞌxqꞌue xchꞌo̱leb chintenkꞌanquil. Ninbantioxi chiruheb. Ma̱cuaꞌ caꞌaj cuiꞌ la̱in ninbantioxin chiruheb. Nequeꞌbantioxin aj ban cuiꞌ laj pa̱banel li ma̱cuaꞌeb aj judío.

2 Crónicas 13:12

Cheqꞌuehak retal. Li Dios cuan kiqꞌuin. Aꞌan yo̱ chi cꞌamoc kabe. Ut eb laj tij oqueb re chixya̱basinquil lix trompe̱teb re takatiquib pletic e̱riqꞌuin. Joꞌcan ut, ex ralal xcꞌajol laj Israel, mexpletic riqꞌuin li Ka̱cuaꞌ lix Dioseb le̱ xeꞌto̱nil yucuaꞌ xban nak incꞌaꞌ texnumta̱k saꞌ kabe̱n, chan laj Abías.

Jueces 11:27

La̱o incꞌaꞌ xoma̱cob che̱ru la̱ex. La̱o incꞌaꞌ yo̱co chi pletic e̱riqꞌuin. Abanan la̱ex incꞌaꞌ us yo̱quex nak xexchal chi pletic kiqꞌuin. Li Ka̱cuaꞌ Dios, aꞌan laj rakol a̱tin. Aꞌan li ta̱rakok a̱tin saꞌ kabe̱n la̱o aj Israel ut saꞌ e̱be̱n ajcuiꞌ la̱ex aj Amón, chan laj Jefté.

Jueces 9:17

Laj Gedeón lin yucuaꞌ incꞌaꞌ quixra lix yuꞌam nak co̱ chi pletic riqꞌuineb laj Madián re e̱colbal la̱ex.

Jueces 12:2

Ut laj Jefté quixye reheb: —La̱in ut eb lin tenamit cau xopletic riqꞌuineb laj Amón. Xexkabok re nak toe̱tenkꞌa, abanan incꞌaꞌ xoe̱tenkꞌa chi pletic.

Jueces 12:4

Ut laj Jefté quixchꞌutubeb chixjunileb li cui̱nk li cuanqueb Galaad. Queꞌpletic riqꞌuineb li ralal xcꞌajol laj Efraín ut queꞌnumta saꞌ xbe̱neb. Queꞌxba̱nu chi joꞌcan xban nak eb li ralal xcꞌajol laj Efraín queꞌxye nak eb laj Galaad, li cuanqueb saꞌ xya̱nkeb laj Efraín ut laj Manasés, queꞌxtzꞌekta̱naheb li ralal xcꞌajol laj Efraín, li rech tenamitil.