Jueces 11:39 - Li Santil hu

³⁹ Nak ac xnumeꞌ li cuib po, quisukꞌi riqꞌuin lix yucuaꞌ ut aꞌan quixba̱nu joꞌ quixyechiꞌi re li Dios. Ut lix rabin quicam nak toj tukꞌ ixk ut toj ma̱jiꞌ cuanjenak riqꞌuin cui̱nk.

Q'eqchi Bible

³⁹ Naq ak xnume'k li wiib' po, kisutq'iik chaq rik'in li xyuwa', ut a'in kixb'aanu re jo' chanru yeechi'inb'il chaq chiru li Yos. Li ixqa'al ink'a' wanjenaq rik'in winq.

Jueces 11:39 ပူးပေါင်းရင်းမြစ်များ

Jueces 11:31

Cui ta̱kꞌaxtesiheb saꞌ cuukꞌ, la̱in tinmayeja cha̱cuu li xbe̱n li ta̱e̱lk chak chincꞌulbal nak tinsukꞌi̱k saꞌ cuochoch. Cꞌatbil nak tinmayeja cha̱cuu, chan laj Jefté.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

1 Samuel 2:18

Laj Samuel, li sa̱j al, yo̱ chi cꞌanjelac chiru li Dios, ut quixqꞌue chirix li efod yi̱banbil riqꞌuin lino joꞌ nequeꞌrocsi laj tij.

1 Samuel 1:28

Joꞌcan nak xinchal chixkꞌaxtesinquil chiru li nimajcual Dios li cꞌulaꞌal aꞌin re ta̱cꞌanjelak chiru joꞌ najtil ta̱cua̱nk saꞌ ruchichꞌochꞌ, chan. Ut queꞌxlokꞌoni li Dios.

1 Samuel 1:24

Ut nak ac xmakꞌ xtuꞌ li cꞌulaꞌal, quixcꞌam saꞌ rochoch li Dios aran Silo, usta toj caꞌchꞌin. Quixcꞌam ajcuiꞌ oxib cuacax toj sa̱jeb, jun chacach li cꞌaj ut jun cuc vino.

1 Samuel 1:22

Abanan lix Ana incꞌaꞌ co̱ chirixeb. Joꞌcan nak quixye re lix be̱lom: —La̱in incꞌaꞌ tinxic. Toj tinmakꞌ xtuꞌ lin cꞌulaꞌal, tojoꞌnak tinxic chixkꞌaxtesinquil re li Ka̱cuaꞌ. Ut aran ta̱cana̱k chi junaj cua, chan re.

1 Samuel 1:11

Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

Deuteronomio 12:31

Nak texlokꞌoni̱nk chiru li Ka̱cuaꞌ le̱ Dios, me̱ba̱nu li incꞌaꞌ us joꞌ nequeꞌxba̱nu li jalan xtenamiteb nak nequeꞌxlokꞌoni lix yi̱banbil dioseb. Nequeꞌxba̱nu li ma̱usilal toj retal nak nequeꞌxcꞌat li ralal xcꞌajol chokꞌ xmayejeb chiru lix jalanil dios.

Jueces 11:38

Ut laj Jefté quixcanab chi yoꞌyo cuib po chic re ta̱xic rochbeneb li xkaꞌal chi kꞌaxal ra saꞌ xchꞌo̱l xban nak tento ta̱ca̱mk chi toj ma̱jiꞌ sumsu.

Jueces 11:40

Xban aꞌan, eb li sa̱j ixk nequeꞌxic saꞌ eb li tzu̱l rajlal chihab chi ya̱bac chirix lix camic lix rabin laj Jefté aj Galaad. Ca̱hib cutan nequeꞌcuan chak aran.

2 Crónicas 35:25

Laj Jeremías quixtzꞌi̱ba jun li bich re rahil chꞌo̱lej saꞌ xcꞌabaꞌ li rey Josías. Toj chalen anakcuan chixjunileb li cui̱nk ut li ixk nequeꞌxbicha li bich aꞌin re xjulticanquil lix camic li rey Josías. Anakcuan cꞌaynakeb chixba̱nunquil aꞌan saꞌ li tenamit Israel. Li bich aꞌan tzꞌi̱banbil saꞌ li hu li queꞌtzꞌi̱ba̱c cuiꞌ li bich re rahil chꞌo̱lej.