Jueces 11:36 - Li Santil hu

³⁶ Lix rabin quixye: —At inyucuaꞌ, cui xayechiꞌi re li Ka̱cuaꞌ Dios nak tatmayejak, ba̱nu cuiqꞌuin li cꞌaꞌru xayechiꞌi re li Ka̱cuaꞌ Dios xban nak aꞌan xkꞌaxtesi saꞌ a̱cuukꞌ eb laj Amón, li xicꞌ nequeꞌiloc a̱cue.

Q'eqchi Bible

³⁶ Ut a'an kixsume: “At inyuwa', b'aanu we li k'aru xayeechi'i re li Qaawa', xb'aan naq A'an xk'ehok aawe naq xaq'ax ruheb' laj Amón, li xik' neke'ilok aawe”, chan li xrab'in laj Jefté.

Jueces 11:36 ပူးပေါင်းရင်းမြစ်များ

2 Samuel 18:19

Laj Ahimaas, li ralal laj Sadoc, quixye re laj Joab: —Nintzꞌa̱ma cha̱cuu nak tina̱canab chi xic saꞌ a̱nil chixyebal re li rey nak li Ka̱cuaꞌ quixcol saꞌ rukꞌeb li xicꞌ nequeꞌiloc re, chan.

Filipenses 2:30

Nak yo̱ chi cꞌanjelac chiru li Ka̱cuaꞌ, caꞌchꞌin chic ma̱ quicam. Quixqꞌue rib saꞌ raylal re intenkꞌanquil xban nak ma̱ anihex la̱ex chintenkꞌanquil.

Romanos 16:4

Usta xiu xiu chokꞌ reheb xcolbal rix lin yuꞌam, aban queꞌxqꞌue xchꞌo̱leb chintenkꞌanquil. Ninbantioxi chiruheb. Ma̱cuaꞌ caꞌaj cuiꞌ la̱in ninbantioxin chiruheb. Nequeꞌbantioxin aj ban cuiꞌ laj pa̱banel li ma̱cuaꞌeb aj judío.

Hechos 21:13

Abanan laj Pablo quichakꞌoc ut quixye ke: —¿Cꞌaꞌut nak yo̱quex chi ya̱bac ut chixqꞌuebal xrahil inchꞌo̱l? La̱in cau inchꞌo̱l, moco caꞌaj cuiꞌ ta re tinbaqꞌuekꞌ. Re aj ban cuiꞌ nak tincamsi̱k aran Jerusalén saꞌ xcꞌabaꞌ li Ka̱cuaꞌ Jesús, chan.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

2 Samuel 19:30

Ut laj Mefi-boset quixye: —Cana̱k chokꞌ re laj Siba chixjunil li chꞌochꞌ. Li kꞌaxal us chokꞌ cue la̱in, aꞌan nak xatcꞌulun cuiꞌchic saꞌ la̱ cuochoch chi sa saꞌ a̱chꞌo̱l, chan.

2 Samuel 18:31

Saꞌ ajcuiꞌ li ho̱nal aꞌan quicuulac li cui̱nk laj Etiopía ut quixye re li rey: —At rey, xincꞌam chak cha̱bil esilal chokꞌ a̱cue. Anakcuan li Ka̱cuaꞌ xcoloc a̱cue saꞌ rukꞌeb li xicꞌ nequeꞌiloc a̱cue, chan.

Números 30:2

Cui ani naxyechiꞌi re li Dios nak tixba̱nu li cꞌaꞌak re ru, malaj ut naxba̱nu li juramento, tento nak tixba̱nu li cꞌaꞌru quixyechiꞌi xba̱nunquil.

Josué 12:2

Laj Sehón lix reyeb laj amorreo li cuan saꞌ li tenamit Hesbón, aꞌan nataklan saꞌ xbe̱n li naꞌajej li naticla chak Aroer li cuan chire li nimaꞌ Arnón. Ut yijach re li ru takꞌa ut yijach li naꞌajej re Galaad. Nacuulac cuan cuiꞌ li nimaꞌ Jaboc saꞌ li nuba̱l re lix tenamiteb li ralal xcꞌajol laj Amón.