Jueces 11:31 - Li Santil hu

³¹ Cui ta̱kꞌaxtesiheb saꞌ cuukꞌ, la̱in tinmayeja cha̱cuu li xbe̱n li ta̱e̱lk chak chincꞌulbal nak tinsukꞌi̱k saꞌ cuochoch. Cꞌatbil nak tinmayeja cha̱cuu, chan laj Jefté.

Q'eqchi Bible

³¹ laa'in tinmayeja chawu li xb'een taa'elq chaq sa' li wochoch chink'ulb'al naq tinsutq'iiq chaq sa' tuqtuukilal. K'atb'il mayej naq tinq'axtesi aawe”, chan.

Jueces 11:31 ပူးပေါင်းရင်းမြစ်များ

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

1 Samuel 14:44

Laj Saúl quixye re laj Jonatán: —At Jonatán, li Dios tinixqꞌue chixtojbal inma̱c cui incꞌaꞌ tatca̱mk la̱at anakcuan, chan.

1 Samuel 14:24

Saꞌ li cutan aꞌan tacuajenakeb li soldado aj Israel xban nak laj Saúl ac xba̱nu li juramento ut quixye: —Tzꞌekta̱nanbilak li ani ta̱cuaꞌak nak toj ma̱jiꞌ na-oc li kꞌojyi̱n cui toj ma̱jiꞌ nequeꞌke̱chaniheb laj filisteo, chan. Joꞌcan nak incꞌaꞌ queꞌcuaꞌac eb li soldados aj Israel.

1 Samuel 2:18

Laj Samuel, li sa̱j al, yo̱ chi cꞌanjelac chiru li Dios, ut quixqꞌue chirix li efod yi̱banbil riqꞌuin lino joꞌ nequeꞌrocsi laj tij.

1 Samuel 1:28

Joꞌcan nak xinchal chixkꞌaxtesinquil chiru li nimajcual Dios li cꞌulaꞌal aꞌin re ta̱cꞌanjelak chiru joꞌ najtil ta̱cua̱nk saꞌ ruchichꞌochꞌ, chan. Ut queꞌxlokꞌoni li Dios.

1 Samuel 1:11

Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

Deuteronomio 23:18

Ut incꞌaꞌ naru teꞌxqꞌue chokꞌ xmayej saꞌ lix tabernáculo li Ka̱cuaꞌ le̱ Dios li tumin li nequeꞌxcꞌul li nequeꞌxcꞌayi ribeb. Incꞌaꞌ naru nequeꞌxtoj riqꞌuin li tumin aꞌan li cꞌaꞌru xeꞌxyechiꞌi re li Dios. Li Ka̱cuaꞌ xicꞌ naril li ma̱c aꞌan.

Génesis 28:21

Cui li Ka̱cuaꞌ Dios ta̱tenkꞌa̱nk cue re nak tincuulak cuiꞌchic saꞌ rochoch lin yucuaꞌ, ut cui takacꞌam cuiꞌchic kib saꞌ usilal riqꞌuin li cuas, la̱in tinlokꞌoni li Ka̱cuaꞌ Dios chi anchal inchꞌo̱l.

Jueces 11:30

Ut laj Jefté quixye re li Ka̱cuaꞌ: —Xakꞌaxtesi ta saꞌ cuukꞌ eb li ralal xcꞌajol laj Amón.

Jueces 11:32

Ut laj Jefté quinumeꞌ jun pacꞌal li nimaꞌ chi pletic riqꞌuineb laj Amón. Ut li Ka̱cuaꞌ Dios quixkꞌaxtesiheb laj Amón saꞌ rukꞌeb laj Israel.