Jueces 11:3 - Li Santil hu

³ Joꞌcan nak quie̱lelic laj Jefté chiruheb li ri̱tzꞌin. Co̱ chi cua̱nc saꞌ li naꞌajej Tob. Ut queꞌxchꞌutub ribeb riqꞌuin jun chꞌu̱tal li cui̱nk li nequeꞌcuulac chiru pletic ut aꞌan chic nataklan saꞌ xbe̱neb.

Q'eqchi Bible

³ Jo'kan naq laj Jefté koho chi najt ut koxkanaaq sa' li na'ajej Tob. Aran ke'xch'utub' rib' rik'in laj Jefté jun ch'uut chi winq maak'a' xk'anjeleb', li neke'xik yalaq b'ar chi elq'ak rochb'een a'an.

Jueces 11:3 ပူးပေါင်းရင်းမြစ်များ

Jueces 9:4

Queꞌrisi laje̱b xca̱cꞌa̱l chi tumin plata saꞌ li rochoch li yi̱banbil dios Baal-berit ut queꞌxsi re laj Abimelec. Laj Abimelec quixsiqꞌueb li cui̱nk li incꞌaꞌ useb xnaꞌleb, li junes subuc cutan nequeꞌxba̱nu, ut riqꞌuin li tumin aꞌan quixtojeb chixtenkꞌanquil.

2 Samuel 10:8

Eb li ralal xcꞌajol laj Amón queꞌco̱eb chi pletic ut queꞌxxakab ribeb saꞌ li oqueba̱l re li tenamit. Ut eb li soldados aj Siria li queꞌcuan saꞌ eb li tenamit Soba ut Rehob rochbeneb lix soldados laj Maaca ut eb li re Is-tob cuanqueb saꞌ cꞌaleba̱l.

2 Samuel 10:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

1 Samuel 22:2

Eb li rahobtesinbileb, li cuanqueb xcꞌas ut eb li cuanqueb saꞌ raylal queꞌco̱eb riqꞌuin. Ca̱hib ciento (400) na chi cui̱nk li cuanqueb rochben. Ut laj David quicꞌamoc be chiruheb.

Hechos 17:5

Ut eb laj judío li incꞌaꞌ queꞌpa̱ban, cꞌajoꞌ nak queꞌjoskꞌoꞌ xban xcakaleb xchꞌo̱l. Queꞌra̱tina jun chꞌu̱tal li cui̱nk incꞌaꞌ useb xnaꞌleb li junes saꞌ be nequeꞌcuan. Ut li jun chꞌu̱tal chi cui̱nk aꞌan queꞌoc chixchikꞌbal xjoskꞌileb li tenamit. Xban nak yo̱queb xjoskꞌil, queꞌoc saꞌ rochoch laj Jasón chixsicꞌbaleb laj Pablo ut laj Silas re teꞌxcꞌameb chiruheb li tenamit.

1 Samuel 27:2

Joꞌcan nak laj David rochbeneb li cuakib ciento lix soldados queꞌco̱eb riqꞌuin laj Aquis, lix reyeb laj Gat. Laj Aquis, aꞌan li ralal laj Maoc.

Jueces 11:2

Laj Galaad quicuan xcocꞌal riqꞌuin li rixakil. Ut nak queꞌni̱nkan li cocꞌal queꞌpoꞌ saꞌ xbe̱n laj Jefté ut queꞌra̱lina ut queꞌxye re: —La̱at incꞌaꞌ tattzꞌak li cꞌaꞌru re li kayucuaꞌ xban nak la̱at jalan a̱naꞌ, chanqueb re laj Jefté.