Jueces 11:27 - Li Santil hu

²⁷ La̱o incꞌaꞌ xoma̱cob che̱ru la̱ex. La̱o incꞌaꞌ yo̱co chi pletic e̱riqꞌuin. Abanan la̱ex incꞌaꞌ us yo̱quex nak xexchal chi pletic kiqꞌuin. Li Ka̱cuaꞌ Dios, aꞌan laj rakol a̱tin. Aꞌan li ta̱rakok a̱tin saꞌ kabe̱n la̱o aj Israel ut saꞌ e̱be̱n ajcuiꞌ la̱ex aj Amón, chan laj Jefté.

Q'eqchi Bible

²⁷ Laa'in ink'a' xinmaakob'k chawu. Ab'anan laa'at ink'a' us yookat naq xatchalk chi yalok wik'in. Li Qaawa', laj Raqol aatin, chiraqoq aatin sa' xyanqeb' laj Israel ut eb' laj Amón”, chan laj Jefté.

Jueces 11:27 ပူးပေါင်းရင်းမြစ်များ

1 Samuel 24:15

Li Ka̱cuaꞌ, aꞌan li ta̱rakok a̱tin saꞌ kabe̱n saꞌ cuibal. Li Ka̱cuaꞌ naril xtokꞌoba̱l cuu. Aꞌan li natenkꞌan cue ut aꞌan ajcuiꞌ li ta̱colok cue cha̱cuu la̱at, chan laj David.

1 Samuel 24:12

Aꞌ taxak li Ka̱cuaꞌ chiyehok re ani cuan xma̱c, ma la̱in malaj ut la̱at. Aꞌan taxak ta̱qꞌuehok a̱cue chixtojbal a̱ma̱c xban nak yo̱cat xba̱nunquil raylal cue. Abanan la̱in ma̱cꞌaꞌ tinba̱nu a̱cue.

Génesis 18:25

Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

Génesis 16:5

Lix Sarai quixye re laj Abram: —Saꞌ a̱ma̱c la̱at nak yo̱quin chixcꞌulbal li raylal aꞌin. La̱in xinqꞌue lin mo̱s a̱cue ut anakcuan xicꞌ chic ninril. Nak xnau nak ta̱cua̱nk jun lix cꞌulaꞌal yo̱ chixnimobresinquil rib chicuu. Li Ka̱cuaꞌ Dios taxak tixye ke ani cuan xma̱c, ma la̱at malaj la̱in, chan lix Sarai.

Génesis 31:53

Li Dios li quixlokꞌoni laj Abraham la̱ xeꞌto̱nil yucuaꞌ joꞌ ajcuiꞌ laj Nacor lin xeꞌto̱nil yucuaꞌ aꞌan ta̱rakok a̱tin saꞌ kabe̱n cui incꞌaꞌ takaba̱nu li cꞌaꞌru xkaye, chan laj Labán. Ut laj Jacob quixye re laj Labán: —La̱in tinye a̱cue chiru li Ka̱cuaꞌ Dios, li quixlokꞌoni laj Isaac lin yucuaꞌ, nak ac xcꞌul inchꞌo̱l li contrato li xkaba̱nu chi kibil kib, chan.

2 Timoteo 4:8

Anakcuan caꞌaj chic lin ma̱tan nacuoybeni li naqꞌueheꞌ reheb li ti̱queb xchꞌo̱l. Li Ka̱cuaꞌ li narakoc a̱tin saꞌ ti̱quilal, aꞌan ta̱qꞌuehok cue saꞌ li cutan nak tol-e̱lk cuiꞌchic. Ut moco caꞌaj cuiꞌ ta cue la̱in tixqꞌue. Tixqꞌue aj ban cuiꞌ reheb chixjunileb li yo̱keb chi oybeni̱nc re lix cꞌulunic chi anchaleb xchꞌo̱l.

2 Corintios 5:10

Nakanau nak chikajunilo toxkacꞌut kib chiru li Cristo re nak aꞌan ta̱rakok a̱tin saꞌ kabe̱n. Ut li junju̱nk tixcꞌul lix kꞌajca̱munquil aꞌ yal chanru lix yehom xba̱nuhom nak xcuan saꞌ ruchichꞌochꞌ, ma us malaj incꞌaꞌ us quixba̱nu.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Salmos 98:9

Chixjunil ta li cꞌaꞌru cuan saꞌ ruchichꞌochꞌ teꞌsahokꞌ saꞌ xchꞌo̱l nak ta̱cha̱lk li Ka̱cuaꞌ chi rakoc a̱tin saꞌ xbe̱neb li cuanqueb saꞌ ruchichꞌochꞌ xban nak aꞌan ta̱rakok a̱tin saꞌ xya̱lal ut saꞌ ti̱quilal.

Salmos 94:2

Cꞌutbesi taxak la̱ cuanquil nak tatrakok a̱tin saꞌ xbe̱neb li tenamit. Chaqꞌueheb taxak chixtojbal rix lix ma̱queb li nequeꞌxkꞌetkꞌeti ribeb.

Salmos 82:8

At Ka̱cuaꞌ Dios, chatrakok a̱tin saꞌ xbe̱neb li cuanqueb saꞌ ruchichꞌochꞌ xban nak la̱at aj e̱chal re chixjunileb li tenamit.

Salmos 75:7

Caꞌaj cuiꞌ li Dios, aꞌan li narakoc a̱tin chi tzꞌakal. Li ani naraj naxqꞌue xcuanquil ut li ani naraj narisi xcuanquil.

Salmos 50:6

Ut li cuanqueb saꞌ choxa teꞌxchꞌolob xya̱lal nak ti̱c xchꞌo̱l li Dios ut aꞌan li narakoc a̱tin saꞌ ti̱quilal.

Salmos 7:11

Li Dios narakoc a̱tin saꞌ ti̱quilal. Ut junelic narakoc a̱tin saꞌ xbe̱n laj ma̱c.

Li xHu LAJ JOB 23:7

Nak tina̱tinak riqꞌuin tixqꞌue retal nak ma̱cꞌaꞌ inma̱c ut tinrisi raj libre chi junaj cua.

Li xHu LAJ JOB 9:15

Usta la̱in ma̱cꞌaꞌ inma̱c, incꞌaꞌ naru tinsume. Aꞌan narakoc a̱tin saꞌ inbe̱n. Caꞌaj cuiꞌ li cꞌaꞌru nintzꞌa̱ma chiru, aꞌan nak ta̱ruxta̱na cuu.

1 Samuel 2:10

Li Ka̱cuaꞌ tixsacheb ru li xicꞌ nequeꞌiloc re. Aꞌan ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chanchan nak na-ecꞌan chak li ca̱k toj saꞌ choxa. Aꞌan tixqꞌue xcuanquil li rey li quixsicꞌ ru ut tixqꞌue ajcuiꞌ xlokꞌal lix cuanquil, chan lix Ana.

Hebreos 12:23

Junaj chic e̱ru la̱ex aj pa̱banel. Ut tzꞌi̱banbil le̱ cꞌabaꞌ saꞌ choxa. Textzꞌako̱nk saꞌ choxa e̱rochbeneb li ti̱queb xchꞌo̱l li ac tzꞌakobresinbil ruheb xban li Dios. Cuanquex chi sum a̱tin riqꞌuin li Dios li ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ.

2 Corintios 11:11

¿Cꞌaꞌru xya̱lal aꞌin? ¿Ma naraj ta biꞌ naxye nak incꞌaꞌ nequexinra? Li Dios naxnau nak nequexinra.

Eclesiastés 12:14

Li Dios ta̱rakok a̱tin saꞌ kabe̱n riqꞌuin chixjunil li cꞌaꞌru nakaba̱nu, usta chi mukmu nakaba̱nu. Ta̱rakok a̱tin saꞌ kabe̱n riqꞌuin chixjunil li nakaba̱nu, usta us, usta incꞌaꞌ us.

Jueces 11:28

Abanan lix reyeb laj Amón incꞌaꞌ quixcꞌul xchꞌo̱l li cꞌaꞌru quixtakla xyebal laj Jefté.

2 Crónicas 20:12

At Ka̱cuaꞌ, at kaDios, ¿ma incꞌaꞌ tatrakok a̱tin saꞌ xbe̱neb? La̱o ma̱cꞌaꞌ kametzꞌe̱u re takacol kib chiruheb xban nak kꞌaxal nabaleb li yo̱queb chi cha̱lc chikasachbal. Incꞌaꞌ nacanau cꞌaꞌru takaba̱nu. Joꞌcan nak yo̱co chixya̱banquil la̱ cꞌabaꞌ,” chanqueb.

1 Samuel 24:13

Cuan jun li naꞌleb queꞌxye li kaxeꞌto̱nil yucuaꞌ. “Eb li incꞌaꞌ useb xnaꞌleb, aꞌaneb li nequeꞌba̱nun ma̱usilal”, chanqueb. Joꞌcan nak la̱in ma̱cꞌaꞌ tinba̱nu a̱cue.

1 Samuel 24:16

Nak quirakeꞌ chi a̱tinac laj David, laj Saúl quixye: —At David, at cualal, ¿ma la̱at li yo̱cat chi a̱tinac? chan. Ut qui-oc chi ya̱bac laj Saúl nak quirabi xya̱b xcux laj David.