Jueces 11:26 - Li Santil hu

²⁶ Ac cuan oxib ciento chihab koquic la̱o aj Israel saꞌ li naꞌajej Hesbón ut saꞌ eb lix cꞌaleba̱l. Cuanqueb ajcuiꞌ saꞌ li naꞌajej Aroer ut saꞌ eb lix cꞌaleba̱l. Ut cuanqueb ajcuiꞌ saꞌ chixjunil li naꞌajej Arnón. ¿Cꞌaꞌut nak incꞌaꞌ xamakꞌ chiku li naꞌajej chiru li oxib ciento chihab aꞌin?

Q'eqchi Bible

²⁶ Ak wank o'lajuk'aal (300) chihab' rokikeb' laj Israel sa'eb' li tenamit Jesbón, Aroher ut sa' li xk'aleb'aaleb', jo'wi' sa' chixjunil li tenamit li wankeb' chi xka'pak'alil li nima' Arnón. K'a'ut naq ink'a' xapatz' li ch'och' a'an chiru li o'lajuk'aal chihab' a'in?

Jueces 11:26 ပူးပေါင်းရင်းမြစ်များ

Deuteronomio 2:36

Ma̱ jun li tenamit incꞌaꞌ ta conumta saꞌ xbe̱n naticla Aroer ut nacuulac toj Galaad. Ma̱ jun li tenamit kꞌaxal cau rib chiku la̱o. Li Ka̱cuaꞌ Dios quixkꞌaxtesiheb chixjunileb saꞌ kukꞌ.

Jueces 10:8

Eb laj filisteo ut eb laj Amón queꞌnumta saꞌ xbe̱neb. Cuakxaklaju chihab queꞌrahobtesi̱c laj Israel aran Galaad jun pacꞌal li nimaꞌ Jordán saꞌ xnaꞌajeb laj amorreo.

Jueces 9:22

Oxib chihab queꞌcuan laj Israel rubel xcuanquilal laj Abimelec.

Jueces 8:28

Eb laj Israel queꞌnumta saꞌ xbe̱neb laj Madián. Ut incꞌaꞌ chic queꞌpletic riqꞌuineb laj Israel. Chiru caꞌcꞌa̱l (40) chihab eb laj Israel queꞌcuan saꞌ tuktu̱quil usilal nak toj yoꞌyo laj Gedeón.

Jueces 5:31

Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Jueces 3:30

Joꞌcaꞌin nak eb laj Israel queꞌnumta saꞌ xbe̱neb laj Moab saꞌ li cutan aꞌan. Ut incꞌaꞌ chic queꞌpletic chiru ca̱cꞌa̱l chihab.

Jueces 3:11

Incꞌaꞌ chic quicuan li pletic chiru caꞌcꞌa̱l chihab nak toj yoꞌyo laj Otoniel li ralal laj Cenaz.

Josué 23:1

Li Ka̱cuaꞌ quixqꞌueheb laj Israel chixnumsinquil nabal chihab chi saheb saꞌ xchꞌo̱leb chi ma̱cꞌaꞌ chic ple̱t riqꞌuineb li xicꞌ nequeꞌiloc reheb. Laj Josué ac ti̱x chic chi us.

Josué 13:10

Joꞌcan ajcuiꞌ lix tenamit laj Sehón lix reyeb laj amorreo, li quicuan chokꞌ rey aran Hesbón, li quicuulac toj saꞌ li nuba̱l re lix naꞌajeb laj Amón.

Josué 12:5

Aꞌan quitaklan saꞌ xbe̱neb li naꞌajej aꞌin. Quiticla chak cuan cuiꞌ li tzu̱l Hermón. Nacuulac cuan cuiꞌ li naꞌajej Salca, ut chixjunil li naꞌajej Basán. Ut nacuulac saꞌ li nuba̱l re li naꞌajej Gesur ut Maaca ut yijach re li naꞌajej Galaad li nataklan cuiꞌ laj Sehón li rey re Hesbón.

Josué 12:2

Laj Sehón lix reyeb laj amorreo li cuan saꞌ li tenamit Hesbón, aꞌan nataklan saꞌ xbe̱n li naꞌajej li naticla chak Aroer li cuan chire li nimaꞌ Arnón. Ut yijach re li ru takꞌa ut yijach li naꞌajej re Galaad. Nacuulac cuan cuiꞌ li nimaꞌ Jaboc saꞌ li nuba̱l re lix tenamiteb li ralal xcꞌajol laj Amón.

Josué 11:18

Laj Josué najt quipletic riqꞌuineb li rey aꞌan.

Deuteronomio 3:6

Kasach chixjunileb li tenamit joꞌ kaba̱nu re laj Sehón lix reyeb laj Hesbón. Ut kasach ruheb li cristian, joꞌ cui̱nk, joꞌ ixk, ut joꞌ cocꞌal.

Deuteronomio 3:2

Ut li Ka̱cuaꞌ quixye cue: “Matxucuac xban laj Og xban nak la̱in tinkꞌaxtesi saꞌ e̱rukꞌ rochbeneb chixjunileb lix soldado ut lix naꞌajeb. Ta̱ba̱nu re joꞌ xaba̱nu re laj Sehón, lix reyeb laj amorreo li quicuan Hesbón,” chan.

Deuteronomio 2:24

Li Ka̱cuaꞌ quixye, “Ayukex anakcuan ut numenkex jun pacꞌal li nimaꞌ Arnón. La̱in tinkꞌaxtesi saꞌ e̱rukꞌ laj Sehón laj amorreo, lix reyeb laj Hesbón. Ut tinqꞌue e̱re li naꞌajej li cuan cuiꞌ laj Sehón. Texxic chi pletic riqꞌuineb re nak te̱re̱chani li naꞌajej.

Hechos 13:19

Quixsach ruheb cuukub li xni̱nkal ru tenamit saꞌ li naꞌajej Canaán ut li naꞌajej aꞌan quicana chokꞌ reheb laj Israel.

Josué 13:16

Li naꞌajej li quixqꞌue reheb, aꞌan naticla chak saꞌ li naꞌajej Aroer. Nacuulac cuan cuiꞌ li nimaꞌ Arnón. Ut quixqꞌue ajcuiꞌ reheb li tenamit li cuan saꞌ xyi li ru takꞌa ut chixjunil li ru takꞌa li cuan Medeba.

Josué 13:17

Queꞌxcꞌul ajcuiꞌ li naꞌajej Hesbón ut chixjunil li tenamit li cuanqueb saꞌ li ru takꞌa xcue̱nt Hesbón. Aꞌaneb aꞌin li cocꞌ tenamit: Dibón, Bamot-baal, Bet-baal-meón,

Jeremías 48:19

Ut la̱ex li cuanquex Aroer, xaklinkex chire li be chi oybeni̱nc. Patzꞌomak reheb li yo̱queb chi e̱lelic cꞌaꞌru xcꞌulman.