Jueces 11:16 - Li Santil hu

¹⁶ Nak eb laj Israel queꞌel chak Egipto, queꞌnumeꞌ saꞌ li chaki chꞌochꞌ toj cuan cuiꞌ li Caki Palau ut queꞌcuulac aran Cades.

Q'eqchi Bible

¹⁶ Naq ke'elk chaq Ejiipt, eb' laj Israel ke'b'eek sa' li chaqich'och' toj wan wi' li Palaw Suf ut ke'wulak Kadés.

Jueces 11:16 ပူးပေါင်းရင်းမြစ်များ

Deuteronomio 1:40

Ut la̱ex, sukꞌinkex. Ayukex saꞌ li chaki chꞌochꞌ. Te̱cꞌam li be li naxic saꞌ li Caki Palau,” chan li Dios.

Números 14:25

Eb laj Amalec ut eb laj Canaán cuanqueb saꞌ li ru takꞌa aꞌan. Joꞌcan nak la̱ex texsukꞌi̱k cuulaj saꞌ li chaki chꞌochꞌ ut texxic cuan cuiꞌ li Caki Palau, chan li Dios.

Números 20:1

Saꞌ li xbe̱n po re li chihab, eb laj Israel queꞌcuulac saꞌ li chaki chꞌochꞌ Zin ut queꞌcana saꞌ li tenamit Cades. Aran quicam lix María ut aran ajcuiꞌ quimukeꞌ.

Números 13:26

Queꞌcuulac saꞌ li chaki chꞌochꞌ Parán li cuan cuiꞌ li tenamit Cades. Aran cuanqueb laj Moisés, laj Aarón ut chixjunileb laj Israel. Ut queꞌxserakꞌi reheb chixjunil li queꞌril chak saꞌ li naꞌajej. Ut queꞌxcꞌut chiruheb li ru li quiꞌil kꞌe̱n li queꞌxcꞌam chak.

Josué 5:6

Eb laj Israel queꞌbe̱c saꞌ li chaki chꞌochꞌ chiru caꞌcꞌa̱l chihab toj retal queꞌcam chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam xban nak incꞌaꞌ queꞌxba̱nu li quixye li Ka̱cuaꞌ. Joꞌcan nak li Dios quixye riqꞌuin juramento nak incꞌaꞌ naru teꞌoc saꞌ li cha̱bil naꞌajej li quixyechiꞌi reheb lix xeꞌto̱nil yucuaꞌ, li naꞌajej bar na-el cuiꞌ chi us li acui̱mk ut li sahil echej.

Deuteronomio 1:46

Joꞌcan nak najt quexcana Cades.

Génesis 14:7

Nak quisukꞌi chak li rey Quedorlaomer rochbeneb li jun chꞌol chic queꞌcuulac saꞌ li tenamit En-mispat. Nequeꞌxye ajcuiꞌ Cades re li tenamit aꞌan. Ut queꞌnumta saꞌ xbe̱neb laj Amalec joꞌ eb ajcuiꞌ laj amorreo li cuanqueb saꞌ li naꞌajej Hazezon-tamar. Ut queꞌxsach ruheb chixjunil li cꞌaꞌru queꞌxtau saꞌ xbeheb nak yo̱queb chi xic.

Números 20:4

¿Cꞌaꞌut nak coa̱cuisi chak Egipto? ¿Cꞌaꞌut nak coa̱cꞌam chak arin saꞌ li chaki chꞌochꞌ aꞌin la̱o lix tenamit li Dios? ¿Ma coa̱cꞌam chak arin re toca̱mk kochbeneb li kaqueto̱mk?

Jueces 11:15

—Eb laj Israel incꞌaꞌ queꞌxchap lix naꞌajeb laj Moab, chi moco queꞌxchap le̱ naꞌaj la̱ex aj Amón.