Jueces 11:13 - Li Santil hu

¹³ Lix reyeb laj Amón quixye reheb lix takl laj Jefté: —Nak queꞌel chak Egipto, eb laj Israel queꞌrelkꞌa lin chꞌochꞌ. Naticla saꞌ li nimaꞌ Arnón. Nacuulac toj saꞌ li nimaꞌ Jaboc ut toj saꞌ li nimaꞌ Jordán. Nintzꞌa̱ma che̱ru nak te̱kꞌaxtesi ke saꞌ xya̱lal, chan.

Q'eqchi Bible

¹³ Kichaq'ok li awab'ej re Amón ut kixye reheb' li xtaql laj Jefté: “Naq ke'elk chaq Ejiipt, eb' laj Israel ke'xmaq' chiqu li qana'aj chalen chaq sa' li nima' Arnón toj sa' li nima' Yabok ut Jordán. Jo'kan naq anaqwan tento teeq'axtesi wi' chik we sa' xyaalal”, chan.

Jueces 11:13 ပူးပေါင်းရင်းမြစ်များ

Génesis 32:22

Saꞌ ajcuiꞌ li kꞌojyi̱n aꞌan, laj Jacob quicuacli ut quixtaklaheb chi xcabichal li rixakil jun pacꞌal li nimaꞌ Jaboc. Quixtaklaheb ajcuiꞌ li cuib chi mo̱s ixk joꞌ ajcuiꞌ li ralal junlaju.

Proverbios 19:9

Li ani naxic chi yehoc ticꞌtiꞌ chiru laj rakol a̱tin tixcꞌul xtojbal xma̱c. Li ani naticꞌtiꞌic, aꞌ li ca̱mc naroybeni.

Proverbios 19:5

Li ani naxic chi yehoc ticꞌtiꞌ chiru laj rakol a̱tin tixcꞌul xtojbal xma̱c. Ut ma̱cꞌaꞌ naru tixcol cuiꞌ rib.

Deuteronomio 3:16

Ut reheb li ralal xcꞌajol laj Rubén ut eb li ralal xcꞌajol laj Gad quinqꞌue li naꞌajej li naticla Galaad ut nacuulac toj saꞌ li nimaꞌ Arnón ut nacuulac cuan cuiꞌ li nimaꞌ Jaboc li nuba̱l re lix naꞌajeb li ralal xcꞌajol laj Amón.

Deuteronomio 2:37

Abanan incꞌaꞌ kachap chokꞌ ke lix naꞌajeb li ralal xcꞌajol laj Amón, chi moco li chꞌochꞌ li cuan chire li nimaꞌ Jaboc, chi moco li tenamit li cuanqueb saꞌ li naꞌajej li tzu̱l ru. Incꞌaꞌ copletic riqꞌuineb li tenamit li quixye ke li Ka̱cuaꞌ li kaDios nak incꞌaꞌ takachꞌeꞌ.

Jueces 11:12

Chirix aꞌan laj Jefté quixtaklaheb lix takl riqꞌuin lix reyeb laj Amón chixyebal re: —¿Cꞌaꞌut nak xicꞌ nocoe̱ril? ¿Cꞌaꞌut nak te̱raj cha̱lc chi pletic kiqꞌuin? chan laj Jefté.

Jueces 11:14

Ut laj Jefté quixtakla cuiꞌchic xyebal re lix reyeb laj Amón: