Jueces 11:1 - Li Santil hu

¹ Laj Jefté, aꞌan jun cui̱nk aj Galaad. Cau rib ut cau xchꞌo̱l chi pletic. Lix naꞌ li cui̱nk aꞌan, aꞌan jun li ixk xcomoneb li nequeꞌxcꞌayi rib. Ut lix yucuaꞌ aj Galaad xcꞌabaꞌ.

Q'eqchi Bible

¹ Laj Jefté, aj Galahad, a'an jun li winq kaw rib' chi yalok. A'an xyum jun aj yumb'eet, ut laj Galahad a'an li xyuwa'.

Jueces 11:1 ပူးပေါင်းရင်းမြစ်များ

Hebreos 11:32

Toj cuan raj nabal tinserakꞌi e̱re, aban incꞌaꞌ ta̱tzꞌaklok li cutan re tinserakꞌik chirix lix pa̱ba̱leb laj Gedeón, laj Barac, laj Sansón, ut laj Jefté; ut tinye ajcuiꞌ raj e̱re chanru lix pa̱ba̱leb laj David, laj Samuel, ut eb li profeta. Aban incꞌaꞌ ta̱tzꞌaklok li cutan.

2 Reyes 5:1

Quicuan jun li cui̱nk aj Naamán xcꞌabaꞌ. Laj Naamán, aꞌan li nataklan saꞌ xbe̱neb li soldado re li tenamit Siria. Lix reyeb laj Siria quixqꞌue xlokꞌal laj Naamán xban nak saꞌ xcꞌabaꞌ aꞌan li Ka̱cuaꞌ quixqꞌueheb laj Siria chi numta̱c saꞌ xbe̱neb li xicꞌ nequeꞌiloc reheb. Laj Naamán naxnau pletic chi us ut cau rib. Abanan cuan lix yajel. Saklep rix.

Jueces 6:12

Quixcꞌutbesi rib lix ángel li Ka̱cuaꞌ chiru laj Gedeón ut quixye re: —At cui̱nk, li Ka̱cuaꞌ cuan a̱cuiqꞌuin. La̱at cau a̱chꞌo̱l ut cau a̱cuib, chan.

Jueces 10:18

Ut eb laj Israel li cuanqueb Galaad ut eb li nequeꞌcꞌamoc be chiruheb queꞌxye chi ribileb rib: —¿Ani ta̱cꞌamok be chiku nak topletik riqꞌuineb li ralal xcꞌajol laj Amón? Li ani ta̱cꞌamok be chiku, aꞌan li ta̱takla̱nk saꞌ xbe̱neb chixjunileb li cuanqueb Galaad, chanqueb.

Jueces 11:2

Laj Galaad quicuan xcocꞌal riqꞌuin li rixakil. Ut nak queꞌni̱nkan li cocꞌal queꞌpoꞌ saꞌ xbe̱n laj Jefté ut queꞌra̱lina ut queꞌxye re: —La̱at incꞌaꞌ tattzꞌak li cꞌaꞌru re li kayucuaꞌ xban nak la̱at jalan a̱naꞌ, chanqueb re laj Jefté.

1 Samuel 12:11

Ut li Ka̱cuaꞌ quixtaklaheb laj Jerobaal, laj Barac, laj Jefté, ut laj Samuel che̱tenkꞌanquil re texcolekꞌ chiruheb li xicꞌ nequeꞌiloc e̱re ut quexcuan chi ma̱cꞌaꞌ chic e̱cꞌaꞌux.