Jueces 10:18 - Li Santil hu

¹⁸ Ut eb laj Israel li cuanqueb Galaad ut eb li nequeꞌcꞌamoc be chiruheb queꞌxye chi ribileb rib: —¿Ani ta̱cꞌamok be chiku nak topletik riqꞌuineb li ralal xcꞌajol laj Amón? Li ani ta̱cꞌamok be chiku, aꞌan li ta̱takla̱nk saꞌ xbe̱neb chixjunileb li cuanqueb Galaad, chanqueb.

Q'eqchi Bible

¹⁸ Toja' naq eb' laj Israel li wankeb' sa' xteepal Galahad ut eb' li xjolomileb' ke'xye chirib'ileb' rib': “Ani taak'amoq b'e chiqu re yalok rik'ineb' laj Amón? Li ani taak'amoq b'e chiqu, a'an li taajolominq re chixjunileb' li wankeb' Galahad”, chankeb'.

Jueces 10:18 ပူးပေါင်းရင်းမြစ်များ

Jueces 11:11

Ut laj Jefté co̱ chirixeb laj cꞌamol be saꞌ xya̱nkeb laj Galaad. Ut eb li tenamit queꞌxxakab aꞌan re nak aꞌan chic ta̱takla̱nk saꞌ xbe̱neb li tenamit ut aꞌan ajcuiꞌ ta̱cꞌamok be chiruheb li soldados. Ut aran Mizpa laj Jefté quixye cuiꞌchic chiru li Ka̱cuaꞌ chixjunil li a̱tin li ac xye.

Isaías 34:12

Incꞌaꞌ chic ta̱cua̱nk rey chi takla̱nc saꞌ li naꞌajej aꞌan. Ut chixjunileb li cuanqueb xcuanquil ma̱cꞌaꞌakeb chic.

1 Samuel 17:25

Ut queꞌxye chi ribileb rib: —¿Ma xeqꞌue retal li cui̱nk aꞌan li nachal rajlal chikahobbal? Li ani ta̱camsi̱nk re li cui̱nk aꞌan, li rey tixqꞌue nabal xbiomal. Ut tixqꞌue ajcuiꞌ lix rabin chokꞌ rixakil. Ut incꞌaꞌ chic teꞌpatzꞌekꞌ xtoj li rechꞌalal, chanqueb.

Jueces 12:7

Laj Jefté quitaklan saꞌ xbe̱neb laj Israel chiru cuakib chihab. Nak quicam, quimukeꞌ saꞌ li tenamit li quiyoꞌla cuiꞌ aran Galaad.

Jueces 1:1

Nak ac xcam laj Josué, eb laj Israel queꞌtijoc chiru li Ka̱cuaꞌ ut queꞌxye re: —¿Ani ke xbe̱n cua teꞌxic chi pletic riqꞌuineb laj Canaán? chanqueb.

Jueces 10:17

Queꞌxchꞌutub ribeb laj Amón ut queꞌxyi̱b lix muheba̱leb aran Galaad. Ut joꞌcan ajcuiꞌ eb laj Israel. Queꞌxchꞌutub ribeb ut queꞌxyi̱b lix muheba̱leb aran Mizpa.

Jueces 11:1

Laj Jefté, aꞌan jun cui̱nk aj Galaad. Cau rib ut cau xchꞌo̱l chi pletic. Lix naꞌ li cui̱nk aꞌan, aꞌan jun li ixk xcomoneb li nequeꞌxcꞌayi rib. Ut lix yucuaꞌ aj Galaad xcꞌabaꞌ.

Jueces 11:4

Mokon chic eb li ralal xcꞌajol laj Amón queꞌcuulac chi pletic riqꞌuineb laj Israel.