Jueces 1:26 - Li Santil hu

²⁶ Li cui̱nk aꞌan co̱ chi cua̱nc saꞌ lix naꞌajeb laj heteo. Quixyi̱b jun li tenamit aran ut quixqꞌue Luz chokꞌ xcꞌabaꞌ. Toj chalen anakcuan Luz nayeman re li tenamit aꞌan.

Q'eqchi Bible

²⁶ Toja' naq li winq koho sa' xna'ajeb' laj Hit ut aran kixk'ojob' jun li tenamit, li kixk'e Lus cho'q xk'ab'a'. A'an li xk'ab'a' chalen toj anaqwan.

Jueces 1:26 ပူးပေါင်းရင်းမြစ်များ

2 Crónicas 1:17

Nequeꞌchal nequeꞌxic aran Egipto chi lokꞌoc. Nequeꞌxlokꞌ li carruaje aran Egipto chi cuakib ciento (600) chi tumin plata. Ut li cacua̱y nequeꞌxlokꞌ chi jun ciento riqꞌuin mero ciento (150). Joꞌcan nequeꞌxlokꞌ cuiꞌ eb aꞌan. Ut eb lix reyeb laj heteo ut eb li rey re Siria nequeꞌxlokꞌ li cacua̱y ut li carruaje riqꞌuineb aꞌan.

2 Reyes 7:6

Li Ka̱cuaꞌ quixqꞌueheb laj Siria chirabinquil jun li choki̱nc. Chanchan xya̱b li carruaje ut li cacua̱y nak yo̱queb chi cha̱lc nabaleb li soldado. Saꞌ xchꞌo̱leb laj Siria nak lix reyeb laj Israel queꞌxjunaji ribeb riqꞌuineb laj hiteo ut eb laj Egipto ut yo̱queb chi cha̱lc chi pletic riqꞌuineb.

Jueces 1:25

Joꞌcan nak li cui̱nk quixcꞌut chiruheb chanru nak teꞌoc saꞌ li tenamit. Ut nak queꞌoc, queꞌxcamsi chixjunileb li cuanqueb aran. Caꞌaj cuiꞌ li cui̱nk aꞌan rochbeneb li ralal xcꞌajol ut li rixakil queꞌxcanab chi e̱lc saꞌ li naꞌajej aꞌan.

Jueces 1:27

Eb li ralal xcꞌajol laj Manasés incꞌaꞌ queꞌru risinquileb li cuanqueb saꞌ eb li tenamit Bet-seán ut Taanac, joꞌ ajcuiꞌ li tenamit Dor. Chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Ut incꞌaꞌ queꞌrisiheb saꞌ eb li tenamit Ibleam ut Meguido, chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Joꞌcan nak eb laj cananeo queꞌcana chi cua̱nc saꞌ li naꞌajej aꞌan.