Jueces 1:23 - Li Santil hu

²³ Eb li ralal xcꞌajol laj José queꞌxtaklaheb laj qꞌuehol etal saꞌ li tenamit Bet-el, li quiyeman ajcuiꞌ Luz re junxil.

Q'eqchi Bible

²³ Eb' laj José ke'xtaqlaheb' aj k'ehol eetal sa' li tenamit a'an, li junxil Lus nayeemank re.

Jueces 1:23 ပူးပေါင်းရင်းမြစ်များ

Génesis 28:19

Li naꞌajej aꞌan Luz xcꞌabaꞌ nak quicuan. Abanan laj Jacob quixjal xcꞌabaꞌ. Bet-el chic quixqꞌue chokꞌ xcꞌabaꞌ.

Génesis 48:3

Ut laj Jacob quia̱tinac riqꞌuin laj José ut quixye re: —Li Ka̱cuaꞌ Dios li kꞌaxal nim xcuanquil, quicuulac cuiqꞌuin saꞌ li naꞌajej Luz, li cuan Canaán. Ut aran li Ka̱cuaꞌ Dios quinrosobtesi.

Génesis 35:6

Quicuulac laj Jacob saꞌ li naꞌajej Luz rochbeneb chixjunileb li yo̱queb chi xic chirix. Nayeman ajcuiꞌ Bet-el re. Li naꞌajej aꞌan cuan saꞌ xcue̱nt Canaán.

Jueces 18:2

Joꞌcan nak eb li ralal xcꞌajol laj Dan queꞌxsicꞌ ruheb o̱b chi cui̱nk cauheb xchꞌo̱l saꞌ xya̱nkeb ut queꞌxtaklaheb chixqꞌuebal retal chanru li naꞌajej. Queꞌxye reheb: —Ayukex ut qꞌuehomak chak retal chanru li naꞌajej, chanqueb. Queꞌel saꞌ eb li tenamit Zora ut Estaol ut queꞌco̱eb saꞌ lix naꞌajeb li ralal xcꞌajol laj Efraín, li tzu̱l ru, ut queꞌxnumsi li kꞌojyi̱n saꞌ li rochoch laj Micaía.

Josué 7:2

Mokon chic laj Josué quixtakla cuib oxibeb li cui̱nk saꞌ li tenamit Hai, li cuan nachꞌ riqꞌuin li naꞌajej Bet-avén li cuan saꞌ li este riqꞌuin li tenamit Bet-el. Quixye reheb li cui̱nk: —Ayukex ut qꞌuehomak chak retal li tenamit Hai.— Ut eb aꞌan queꞌco̱eb ut queꞌxqꞌue retal li tenamit.

Josué 2:1

Laj Josué, li ralal laj Nun, toj Sitim quixtakla cuibeb laj qꞌuehol etal chi mukmu ut quixye reheb: —Ayukex xqꞌuebal retal li naꞌajej Canaán ut li tenamit Jericó, chan. Eb aꞌan queꞌco̱eb ut queꞌcuulac saꞌ rochoch jun li ixk xcomoneb li nequeꞌxcꞌayi rib, xRahab xcꞌabaꞌ. Ut aran queꞌcana chixnumsinquil li kꞌojyi̱n.

Josué 18:13

Li nuba̱l naxic toj cuan cuiꞌ li naꞌajej Luz li nequeꞌxye ajcuiꞌ Bet-el re ut naxic saꞌ li sur. Ut nacuulac saꞌ li tenamit Atarot-adar li cuan cuiꞌ li tzu̱l li cuan saꞌ li sur riqꞌuin li tenamit Bet-horón li cuan takꞌa.

Jueces 1:22

Eb li ralal xcꞌajol laj José queꞌco̱eb chi pletic riqꞌuineb li cuanqueb Bet-el. Ut li Ka̱cuaꞌ cuan riqꞌuineb.

Josué 16:1

Aꞌan aꞌin li naꞌajej li queꞌtzꞌak li ralal xcꞌajol laj José riqꞌuin bu̱lic. Naticla chak saꞌ li este cuan cuiꞌ li nimaꞌ Jordán. Nacuulac cuanqueb cuiꞌ li yuꞌam haꞌ Jericó. Naxic toj saꞌ li chaki chꞌochꞌ ut li tzu̱l ru li cuan saꞌ xyi Jericó ut Bet-el.

Josué 16:2

Nocox-e̱lk Bet-el li nequeꞌxye ajcuiꞌ Luz re, ut naxic toj saꞌ li tenamit Atarot saꞌ lix naꞌajeb laj arquitas.