Jueces 1:21 - Li Santil hu

²¹ Abanan eb li ralal xcꞌajol laj Benjamín incꞌaꞌ queꞌrisiheb laj jebuseo saꞌ li tenamit Jerusalén. Toj chalen anakcuan eb laj jebuseo cuanqueb saꞌ xya̱nkeb li ralal xcꞌajol laj Benjamín.

Q'eqchi Bible

²¹ Ab'anan eb' laj Benjamín ink'a' ke'ruuk risinkileb' laj Jebús li wankeb' chaq Jerusalén. Jo'kan naq chalen toj anaqwan eb' laj Jebús wankeb' Jerusalén rochb'eeneb' li ralal xk'ajol laj Benjamín.

Jueces 1:21 ပူးပေါင်းရင်းမြစ်များ

Josué 15:63

Abanan eb li ralal xcꞌajol laj Judá incꞌaꞌ queꞌru risinquileb laj jebuseo saꞌ li tenamit Jerusalén. Eb laj jebuseo toj cuanqueb saꞌ li tenamit Jerusalén toj chalen anakcuan rochbeneb li ralal xcꞌajol laj Judá.

Jueces 1:8

Eb li ralal xcꞌajol laj Judá queꞌpletic riqꞌuineb li cuanqueb Jerusalén ut queꞌnumta saꞌ xbe̱neb. Queꞌxcamsiheb li cristian ut queꞌxcꞌat lix tenamiteb.

Jueces 1:22

Eb li ralal xcꞌajol laj José queꞌco̱eb chi pletic riqꞌuineb li cuanqueb Bet-el. Ut li Ka̱cuaꞌ cuan riqꞌuineb.

1 Reyes 9:21

Eb li ralal xcꞌajoleb li queꞌcana chi cua̱nc saꞌ li tenamit Israel queꞌqꞌueheꞌ chi cꞌanjelac chi cau xban laj Salomón re xtojbal rix lix naꞌajeb. Eb aꞌan queꞌcana chi cua̱nc aran xban nak eb laj Israel incꞌaꞌ queꞌru chirisinquileb saꞌ lix naꞌajeb.

1 Crónicas 11:4

Laj David rochbeneb chixjunileb laj Israel queꞌco̱eb Jerusalén, li nequeꞌxye ajcuiꞌ Jebús re. Cuanqueb laj jebuseo saꞌ li tenamit aꞌan.

Salmos 106:34

Li Dios quixye reheb nak tento teꞌxsach ruheb li tenamit li nequeꞌlokꞌonin jalanil dios. Abanan eb laj Israel incꞌaꞌ queꞌxba̱nu joꞌ quiyeheꞌ reheb xban li Dios.

Jueces 1:27

Eb li ralal xcꞌajol laj Manasés incꞌaꞌ queꞌru risinquileb li cuanqueb saꞌ eb li tenamit Bet-seán ut Taanac, joꞌ ajcuiꞌ li tenamit Dor. Chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Ut incꞌaꞌ queꞌrisiheb saꞌ eb li tenamit Ibleam ut Meguido, chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Joꞌcan nak eb laj cananeo queꞌcana chi cua̱nc saꞌ li naꞌajej aꞌan.

1 Crónicas 1:14

Laj Canaán, aꞌan lix xeꞌto̱nil yucuaꞌeb laj jebuseo, eb laj amorreo, eb laj gergeseo,

1 Crónicas 8:28

Aꞌaneb aꞌin li queꞌtaklan saꞌ xbe̱neb li junju̱nk xte̱paleb li ralal xcꞌajol laj Benjamín li queꞌcuan aran Jerusalén.

2 Crónicas 8:8

Laj Salomón quixqꞌueheb chi cacuil cꞌanjelac eb li ralal xcꞌajoleb li queꞌcana saꞌ lix tenamit, li incꞌaꞌ queꞌsacheꞌ ru xbaneb laj Israel.