Jueces 1:18 - Li Santil hu

¹⁸ Eb li ralal xcꞌajol laj Judá queꞌre̱chaniheb li tenamit Gaza, Ascalón ut Ecrón rochbeneb li naꞌajej li cuanqueb chi xjun sutam.

Q'eqchi Bible

¹⁸ Eb' laj Judá ke'reechani Gasa ut li xsutam, Askalón ut li xsutam, Ekrón ut li xsutam.

Jueces 1:18 ပူးပေါင်းရင်းမြစ်များ

Josué 11:22

Ma̱ jun chic ralal xcꞌajol laj Anac quicana saꞌ lix naꞌajeb laj Israel. Abanan cuanqueb ajcuiꞌ li queꞌcana saꞌ eb li tenamit Gaza, Gat ut Asdod.

Jueces 3:3

Aꞌaneb aꞌin li tenamit li queꞌcanaba̱c saꞌ li naꞌajej Canaán: eb li o̱b chi rey li queꞌtaklan saꞌ xbe̱neb laj filisteo, chixjunileb laj cananeo, eb laj Sidón, ut eb laj heveo li queꞌcuan saꞌ eb li tzu̱l re Líbano, li naticla saꞌ li tzu̱l Baal-hermón toj saꞌ li naꞌajej Hamat.

1 Samuel 6:17

Li o̱b chi retalil li tumor yi̱banbil riqꞌuin oro quitakla̱c xbaneb laj filisteo saꞌ xcꞌabaꞌ li o̱b chi tenamit Asdod, Gaza, Ascalón, Gat ut Ecrón. Quitakla̱c re xtojbal rix lix ma̱queb chiru li Ka̱cuaꞌ lix Dioseb laj Israel.

Jueces 16:21

Eb laj filisteo queꞌxchap laj Sansón. Queꞌrisi li xnakꞌ ru ut queꞌxcꞌam aran Gaza ut queꞌxqꞌue saꞌ tzꞌalam. Queꞌxbacꞌ riqꞌuin cadena ut queꞌxqꞌue aꞌan chi trabajic chi cau saꞌ li molino li cuan saꞌ li tzꞌalam.

Josué 13:3

Li naꞌajej aꞌan naticla chak saꞌ li nimaꞌ Sihor saꞌ li este re li tenamit Egipto li nacuulac toj saꞌ li nuba̱l re li tenamit Ecrón li cuan saꞌ li norte li nequeꞌxye nak reheb laj cananeo. Saꞌ li naꞌajej aꞌan cuanqueb o̱b li rey. Ut aꞌaneb li nequeꞌtaklan saꞌ xbe̱neb laj filisteo li cuanqueb saꞌ eb li tenamit Gaza, Asdod, Ascalón, Gat ut Ecrón, joꞌ ajcuiꞌ eb laj aveo;

Éxodo 23:31

La̱in tinqꞌue retalil bar ta̱numekꞌ li nuba̱l re li naꞌajej li tinqꞌue e̱re. Li nuba̱l ta̱numekꞌ cuan cuiꞌ li Caki Palau ut ta̱cuulak cuan cuiꞌ li palau Mediterráneo li cuan saꞌ xcue̱nt lix tenamiteb laj filisteo ut ta̱cuulak cuan cuiꞌ li chaki chꞌochꞌ ut toj cuan cuiꞌ li nimaꞌ Éufrates. La̱in tinkꞌaxtesiheb saꞌ e̱rukꞌ li cuanqueb saꞌ li naꞌajej aꞌan, ut la̱ex tex-isi̱nk reheb aran.

1 Reyes 4:24

Laj Salomón quicuan xcuanquil saꞌ xbe̱n chixjunil li naꞌajej li cuan saꞌ li oeste. Naticla cuan cuiꞌ li nimaꞌ Éufrates. Naticla saꞌ li naꞌajej Tifsa ut nacuulac toj Gaza. Chixjunileb li rey li cuanqueb saꞌ eb li naꞌajej aꞌin cuanqueb rubel xcuanquil laj Salomón. Quicuan saꞌ usilal riqꞌuineb chixjunileb li cuanqueb chi xjun sutam.

Jeremías 47:5

Eb li cuanqueb Gaza teꞌxbes li rismal xjolomeb xban xrahil xchꞌo̱leb. Eb laj Ascalón incꞌaꞌ chic teꞌecꞌa̱nk. ¿Jokꞌe te̱canab xsetbal le̱ tibel retalil xrahil e̱chꞌo̱l?

Deuteronomio 2:23

Ut eb laj Caftor queꞌxsach ruheb laj aveo li queꞌcuan saꞌ li naꞌajej nacuulac toj Gaza. Ut eb laj caftoreo queꞌcana chi cua̱nc saꞌ lix naꞌajeb.)

Josué 15:11

Ut li nuba̱l saꞌ li norte naticla chak saꞌ li tzu̱l Ecrón. Naxic toj saꞌ li naꞌajej Sicrón. Nocoxnumekꞌ saꞌ li tzu̱l Baala ut nocoxnumekꞌ saꞌ li naꞌajej Jabneel ut nocoxrakekꞌ saꞌ li palau Mediterráneo.

Jueces 14:19

Ut lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Co̱ saꞌ li tenamit Ascalón. Aran quixcamsi laje̱b xcaꞌcꞌa̱l chi cui̱nk ut quixcꞌam li cha̱bil akꞌ li cuan chirixeb. Ut coxqꞌue li rakꞌ reheb li cui̱nk li queꞌyehoc cꞌaꞌru lix ya̱lal li serakꞌ li quixye. Chirix aꞌan co̱ cuiꞌchic saꞌ rochoch ut cꞌajoꞌ lix joskꞌil xban li cꞌaꞌru quicꞌulman.

Jeremías 25:20

Teꞌcꞌuluk ajcuiꞌ raylal eb li jalaneb xtenamit li cuanqueb aran; chixjunileb lix reyeb laj Uz; chixjunileb lix reyeb laj Filistea li cuanqueb saꞌ eb li tenamit Ascalón, Gaza, Ecrón ut li joꞌ qꞌuial chic queꞌcana chi yoꞌyo aran Asdod;