Jueces 1:16 - Li Santil hu

¹⁶ Eb li ralal xcꞌajol lix yucuaꞌ li rixakil laj Moisés, aꞌaneb laj Ceneo. Eb aꞌan queꞌrochbeni li ralal xcꞌajol laj Judá nak queꞌel saꞌ li tenamit Jericó bar cuanqueb cuiꞌ nabal chi cheꞌ palmera. Queꞌco̱eb saꞌ li chaki chꞌochꞌ li cuan nachꞌ riqꞌuin li tenamit Arad saꞌ xcue̱nt Neguev. Ut aran queꞌcana chi cua̱nc saꞌ xya̱nkeb li cuanqueb saꞌ li naꞌajej aꞌan.

Q'eqchi Bible

¹⁶ Eb' li ralal xk'ajol laj Jobab laj Ken, aj hi' re laj Moisés, ke'elk chaq sa' li xTenamitul li kala' ut, rochb'eeneb' laj Judá, koheb' sa' li chaqich'och' re Judá, li wank aran Nejeb re Arad, ut koxe'kanaaq sa' xyanqeb' li wankeb' aran.

Jueces 1:16 ပူးပေါင်းရင်းမြစ်များ

Jueces 4:11

Quicuan jun li cui̱nk aj Heber xcꞌabaꞌ. Aꞌan xcomoneb li ralal xcꞌajol laj Hobab, lix yucuaꞌ li rixakil laj Moisés. Saꞌ jun li cutan laj Heber quixcanabeb lix comon ut qui-el saꞌ li tenamit Ceneo. Coxyi̱b lix muheba̱l rubel jun to̱n li ji saꞌ li ru takꞌa Zaanaim nachꞌ riqꞌuin li naꞌajej Cedes.

1 Samuel 15:6

Quixtakla xyebal reheb laj Ceneo: —Elenkex saꞌ xya̱nkeb laj Amalec re nak incꞌaꞌ texsachekꞌ rochbeneb aꞌan. Incꞌaꞌ texsachekꞌ xban nak la̱ex xeril xtokꞌoba̱l ruheb laj Israel nak queꞌel Egipto, chan. Ut eb laj Ceneo queꞌel saꞌ xya̱nkeb laj Amalec.

Deuteronomio 34:3

Quixcꞌut ajcuiꞌ chiru li naꞌajej Neguev ut eb li ru takꞌa Jordán ut Jericó, li tenamit li cuanqueb cuiꞌ li cheꞌ palmera toj saꞌ li naꞌajej Zoar.

Números 21:1

Lix reyeb laj Canaán li cuan saꞌ li tenamit Arad li cuan saꞌ xcue̱nt Neguev quirabi resil nak eb laj Israel yo̱queb chi numecꞌ saꞌ li be li naxic Atarim. Eb laj Canaán li cuanqueb Arad queꞌco̱eb chi pletic riqꞌuineb. Ut cuanqueb laj Israel queꞌcꞌameꞌ chi pre̱xil xbaneb.

Jueces 3:13

Eb laj Eglón queꞌxjunaji ribeb riqꞌuineb li ralal xcꞌajol laj Amón ut riqꞌuineb li ralal xcꞌajol laj Amalec. Queꞌcuulac chi pletic riqꞌuineb laj Israel ut queꞌre̱chani li tenamit Jericó li cuan cuiꞌ nabal li cheꞌ palmera.

Jueces 4:17

Laj Heber aj Ceneo ut laj Jabín lix reyeb laj Hazor cuanqueb saꞌ usilal chi ribileb rib. Joꞌcan nak laj Sísara co̱ chixcolbal rib saꞌ lix muheba̱l lix Jael li rixakil laj Heber.

Jeremías 35:2

—Tatxic riqꞌuineb li ralal xcꞌajol laj Recab ut ta̱bokeb saꞌ lin templo. Ta̱cuocsiheb saꞌ junak li naꞌajej li cuan saꞌ lin templo ut ta̱qꞌue li vino re teꞌrucꞌ, chan.

2 Crónicas 28:16

Saꞌ eb li cutan aꞌan li rey Acaz quixtaklaheb lix takl riqꞌuineb lix reyeb laj Asiria chixtzꞌa̱manquil xtenkꞌanquil chiruheb.

1 Crónicas 2:15

Li xcuak, aꞌan laj Ozem. Li xcuuk, aꞌan laj David.

Josué 12:14

li rey re Horma, ut li rey re Arad,

Éxodo 18:27

Ut laj Moisés quixcanab chi sukꞌi̱c laj Jetro saꞌ lix tenamit.

Éxodo 18:12

Ut laj Jetro quixqꞌue lix cꞌatbil mayej chiru li Ka̱cuaꞌ Dios. Laj Aarón rochbeneb li cui̱nk li nequeꞌcꞌamoc be saꞌ xya̱nkeb laj Israel, queꞌchal ut queꞌcuaꞌac rochben re xlokꞌoninquil li Ka̱cuaꞌ Dios.

Éxodo 18:7

Laj Moisés co̱ chixcꞌulbaleb. Quixcuikꞌib rib chiru lix yucuaꞌ li rixakil. Quixkꞌalu. Quirutzꞌ ru. Queꞌxpatzꞌ chi ribileb rib chanru cuanqueb ut queꞌoc saꞌ lix muheba̱l.

Éxodo 18:1

Laj Jetro, lix yucuaꞌ li rixakil laj Moisés, aꞌan laj tij aran saꞌ li tenamit Madián. Laj Jetro quirabi chanru nak li Dios quixtenkꞌa laj Moisés nak quirisiheb chak laj Israel saꞌ li tenamit Egipto.

Éxodo 4:18

Joꞌcan nak co̱ laj Moisés ut cox-e̱lk riqꞌuin laj Jetro lix yucuaꞌ li rixakil ut quixye re: —Ba̱nu usilal tina̱canab chi xic chirilbaleb lin comon li cuanqueb aran Egipto. Tincuileb chak ma saheb saꞌ xchꞌo̱l, ma yoꞌyo̱queb na chixjunileb, chan. Laj Jetro quixye re laj Moisés: —Ayu biꞌ. Chatsukꞌi̱k taxak joꞌ nak xic a̱cue, chan.

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

San Mateo 3:1

Mokon chic quicuulac laj Juan laj Cubsihom Haꞌ saꞌ li chaki chꞌochꞌ cuan Judea. Yo̱ chixchꞌolobanquil xya̱lal chirix lix nimajcual cuanquilal li Dios. Quixye chi joꞌcaꞌin:

Jueces 1:15

Ut lix Acsa quixye re: —Nintzꞌa̱ma junak usilal cha̱cuu. Ac xaqꞌue cue li chꞌochꞌ li cuan saꞌ xcue̱nt Neguev. Ta̱qꞌueheb ajcuiꞌ li yuꞌam haꞌ cue, chan. Ut laj Caleb quixqꞌue re eb li yuꞌam haꞌ li cuanqueb saꞌ li ru takꞌa joꞌ eb ajcuiꞌ li cuanqueb saꞌ li naꞌajej li tzu̱l ru.

1 Samuel 27:10

Ut laj Aquis naxye reheb: —¿Bar xexcuulac chi pletic anakcuan?— Ut laj David naxye re: —Xocuulac Judá saꞌ li sur.— Malaj ut naxye: —Xocuulac Jerameel saꞌ li sur.— Malaj ut naxye: —Xocuulac saꞌ li sur cuanqueb cuiꞌ eb laj Ceneo, chan.

1 Samuel 30:29

eb li cuanqueb Racal, joꞌ eb ajcuiꞌ li cuanqueb saꞌ eb li tenamit aran Jerameel ut eb lix tenamiteb laj Ceneo.

Deuteronomio 34:4

Ut li Ka̱cuaꞌ quixye re laj Moisés: —Aꞌan aꞌin li naꞌajej li quinyechiꞌi reheb laj Abraham, laj Isaac ut laj Jacob. Quinye riqꞌuin juramento nak tinqꞌue reheb li ralal xcꞌajoleb. La̱in nacuaj nak ta̱cuil, usta incꞌaꞌ naru tat-oc saꞌ li naꞌajej aꞌan, chan li Ka̱cuaꞌ.

Josué 18:21

Eb li tenamit li quiqꞌueheꞌ reheb li ralal xcꞌajol laj Benjamín, aꞌaneb aꞌin: Jericó, Bet-hogla, li ru takꞌa Casis,

1 Crónicas 2:55

Laj Salma, aꞌan ajcuiꞌ lix xeꞌto̱nil yucuaꞌ eb laj tzꞌi̱b li queꞌcuan aran Jabes. Aꞌaneb laj tirateo, eb laj simeateo ut eb laj sucateo. Aꞌaneb laj quenitas li ralal xcꞌajol laj Hamat lix yucuaꞌ laj Bet-recab.