Jueces 1:15 - Li Santil hu

¹⁵ Ut lix Acsa quixye re: —Nintzꞌa̱ma junak usilal cha̱cuu. Ac xaqꞌue cue li chꞌochꞌ li cuan saꞌ xcue̱nt Neguev. Ta̱qꞌueheb ajcuiꞌ li yuꞌam haꞌ cue, chan. Ut laj Caleb quixqꞌue re eb li yuꞌam haꞌ li cuanqueb saꞌ li ru takꞌa joꞌ eb ajcuiꞌ li cuanqueb saꞌ li naꞌajej li tzu̱l ru.

Q'eqchi Bible

¹⁵ “K'e junaq inmaatan -chan lix Aksá-. Nintz'aama usilal chawu: jo' naq xak'e we li ch'och' li wank sa' xteepal Nejeb, jo'kan ajwi' taak'e inyo'leb'aal ha'”. Ut laj Kaleb kixk'e re eb' li xyo'leb'aal ha' li wankeb' taqe'q ut taq'a.

Jueces 1:15 ပူးပေါင်းရင်းမြစ်များ

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

Hebreos 6:7

Li ani naxba̱nu li naxye li ra̱tin li Dios, aꞌan chanchan li chꞌochꞌ narucꞌ li haꞌ. Cha̱bil li acui̱mk na-el chiru ut nacꞌanjelac re laj acuinel. Li chꞌochꞌ aꞌan osobtesinbil xban li Dios. Li ani naxba̱nu li naraj li Dios osobtesinbil xban li Dios.

2 Corintios 9:5

Joꞌcan nak xincꞌoxla nak us xtaklanquileb li herma̱n xbe̱n cua nak toj ma̱jiꞌ ninxic la̱in. Textenkꞌa xcauresinquil li mayej li xeyechiꞌi. Ut nak tincuulak, ac xocbilak e̱ban, re nak ta̱cꞌutu̱nk nak moco minbil ta e̱ru chixqꞌuebal. Xeqꞌue ban xban nak nequeraj xba̱nunquil.

1 Samuel 25:27

Li cꞌaꞌak re ru aꞌin li xincꞌam chak, at ka̱cuaꞌ David, chijeqꞌui̱k reheb la̱ soldados li cuanqueb a̱cuochben.

1 Samuel 25:18

Lix Abigail saꞌ junpa̱t quixchꞌutub cuib ciento li caxlan cua, cuib bo̱ls li vino, o̱b li carner ac pombil, cuib ni̱nki chacach li trigo ac qꞌuilinbil, jun ciento jo̱b li uvas, ut cuib ciento li caxlan cua yi̱banbil riqꞌuin chaki higos. Quixqꞌue chixjunil aꞌin chirixeb lix bu̱r.

Génesis 33:11

Nintzꞌa̱ma cha̱cuu nak ta̱cꞌul li ma̱tan li xinqꞌue a̱cue. Anakcuan xinbiomoꞌ xban li Ka̱cuaꞌ Dios. Numtajenak li cꞌaꞌru cue, chan. Laj Jacob quirelaji ru laj Esaú re nak tixcꞌul li ma̱tan toj retal quixcꞌul.

Josué 15:19

Ut lix Acsa quixye: —Nintzꞌa̱ma junak usilal cha̱cuu. Ta̱qꞌueheb li yuꞌam haꞌ cue xban nak li naꞌajej li xintzꞌak li cuan saꞌ xcue̱nt Neguev, junes chaki chꞌochꞌ, chan. Ut laj Caleb quixqꞌueheb li yuꞌam haꞌ re, li cuan takecꞌ joꞌ ajcuiꞌ li cuan takꞌa.

Jueces 1:14

Nak ac xiqueb re saꞌ rochocheb, laj Otoniel quixye re lix Acsa nak tixtzꞌa̱ma chiru lix yucuaꞌ nak tixqꞌue xchꞌochꞌ re a̱uc. Ut lix Acsa quicube chirix lix bu̱r ut laj Caleb quixye re: —¿Cꞌaꞌ raj ru ta̱cuaj? chan.

Jueces 1:16

Eb li ralal xcꞌajol lix yucuaꞌ li rixakil laj Moisés, aꞌaneb laj Ceneo. Eb aꞌan queꞌrochbeni li ralal xcꞌajol laj Judá nak queꞌel saꞌ li tenamit Jericó bar cuanqueb cuiꞌ nabal chi cheꞌ palmera. Queꞌco̱eb saꞌ li chaki chꞌochꞌ li cuan nachꞌ riqꞌuin li tenamit Arad saꞌ xcue̱nt Neguev. Ut aran queꞌcana chi cua̱nc saꞌ xya̱nkeb li cuanqueb saꞌ li naꞌajej aꞌan.