San Juan 9:39 - Li Santil hu

³⁹ Li Jesús quixye re: —La̱in xinchal saꞌ ruchichꞌochꞌ chi rakoc a̱tin. La̱in tincutanobresi xnaꞌlebeb li incꞌaꞌ nequeꞌxtau xya̱lal. Ut tinmuk lix ya̱lal chiruheb li nequeꞌxcꞌoxla nak cuanqueb xnaꞌleb. Chanchan nak tinqꞌueheb chi iloc li incꞌaꞌ nequeꞌiloc. Ut tinqꞌueheb chi mutzꞌocꞌ li nequeꞌiloc, chan li Jesús.

Q'eqchi Bible

³⁹ —Chi raqok aatin xinchalk sa' li ruuchich'och' a'in -chan li Jesus- re naq eb' li ink'a' neke'ilok che'iloq, ut eb' li neke'ilok che'mutz'irq.

San Juan 9:39 ပူးပေါင်းရင်းမြစ်များ

San Juan 3:19

Xban nak incꞌaꞌ nequeꞌpa̱ban, cuan li tojba ma̱c saꞌ xbe̱neb. Li Cꞌajolbej quicꞌulun saꞌ ruchichꞌochꞌ chixcꞌutbal lix ya̱lal chiruheb li cuanqueb saꞌ ruchichꞌochꞌ. Aꞌan chanchan li cutan. Abanan eb li cuanqueb saꞌ ruchichꞌochꞌ kꞌaxal queꞌraj cua̱nc saꞌ xkꞌojyi̱nal ru li ma̱c ut incꞌaꞌ queꞌraj cua̱nc saꞌ li cutan xban nak incꞌaꞌ us lix naꞌlebeb.

San Juan 12:46

La̱in xinchal chixqꞌuebal li cutan saken saꞌ ruchichꞌochꞌ. Li ani ta̱pa̱ba̱nk cue la̱in, aꞌan incꞌaꞌ chic ta̱cua̱nk saꞌ xkꞌojyi̱nal ru li ma̱c.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

San Juan 8:12

Li Jesús quia̱tinac cuiꞌchic riqꞌuineb li tenamit ut quixye reheb: —La̱in lix cutan saken li ruchichꞌochꞌ. Li ani ta̱pa̱ba̱nk cue la̱in, incꞌaꞌ chic ta̱cua̱nk saꞌ xkꞌojyi̱nal ru li ma̱c. Ta̱cua̱nk ban saꞌ cutan saken ut ta̱cua̱nk xyuꞌam chi junelic, chan.

1 Juan 2:11

Li ani xicꞌ naril lix herma̱n, aꞌan toj yo̱ ajcuiꞌ chi be̱c saꞌ xkꞌojyi̱nal ru li ma̱c. Ut incꞌaꞌ naxnau bar yo̱ chi xic xban nak li ma̱c naramoc re lix ya̱lal chiru.

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

San Lucas 1:79

Ut tixcutanobresi xcꞌaꞌuxeb li cuanqueb saꞌ xkꞌojyi̱nal ru li ma̱c, li ca̱mqueb re saꞌ li ma̱usilal. Ut aꞌan ta̱beresi̱nk ke saꞌ li tuktu̱quilal, chan laj Zacarías.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Efesios 5:14

Nak ta̱cutanobresi̱k lix chꞌo̱leb cutan saken chic chanru nak cuanqueb. Joꞌcaꞌin tzꞌi̱banbil saꞌ li Santil Hu: Ajsi a̱cuu, la̱at li yo̱cat chi cua̱rc. Matcana chi camenak saꞌ la̱ ma̱c, ut li Cristo tixcutanobresi la̱ cꞌaꞌux. (Isa. 60:1)

2 Corintios 2:16

Chiruheb li nequeꞌsach chanchan xchuhil li camenak li nacamsin. Abanan chiruheb li nequeꞌcoleꞌ chanchan jun sununquil ban li naqꞌuehoc yuꞌam. ¿Ani tzꞌakal cuan xnaꞌleb chixchꞌolobanquil lix ya̱lal li colba-ib?

San Juan 9:25

Li cui̱nk, li mutzꞌ nak quicuan, quixye reheb: —La̱in incꞌaꞌ ninnau ma aj ma̱c malaj ut incꞌaꞌ. Caꞌaj cuiꞌ li ninnau la̱in nak mutzꞌin nak xincuan ut anakcuan nin-iloc chic, chan.

San Juan 8:15

La̱ex nequexrakoc a̱tin joꞌ nequeraj la̱ex e̱junes. La̱in ma̱ ani saꞌ aj be̱n yo̱quin chi rakoc a̱tin.

San Juan 3:17

Li Dios incꞌaꞌ quixtakla chak li Ralal saꞌ ruchichꞌochꞌ chixtenebanquil li tojba ma̱c saꞌ xbe̱neb li cuanqueb saꞌ ruchichꞌochꞌ. Quixtakla ban chak re nak saꞌ xcꞌabaꞌ aꞌan teꞌcolekꞌ.

San Lucas 13:30

Cuanqueb li incꞌaꞌ qꞌuebileb xlokꞌal arin saꞌ ruchichꞌochꞌ teꞌqꞌuehekꞌ xlokꞌal riqꞌuin li Dios. Ut cuanqueb ajcuiꞌ li qꞌuebileb xlokꞌal arin saꞌ ruchichꞌochꞌ. Eb aꞌan incꞌaꞌ teꞌxcꞌul xlokꞌal riqꞌuin li Dios, chan li Jesús.

San Lucas 7:21

Ut saꞌ li ho̱nal aꞌan li Jesús yo̱ chixqꞌuirtesinquileb nabaleb li cristian li cuanqueb saꞌ raylal. Cuanqueb li yaj quixqꞌuirtesiheb. Ut cuanqueb li cuan ma̱us aj musikꞌej riqꞌuin ut li Jesús quirisi li ma̱us aj musikꞌej riqꞌuineb. Ut cuanqueb nabaleb li mutzꞌ li quixqꞌueheb chi iloc.

San Lucas 2:34

Ut laj Simeón quixtzꞌa̱ma rusilal li Dios saꞌ xbe̱neb ut quixye re lix María li naꞌbej: —Chacuabi li oc cue xyebal a̱cue. Saꞌ xcꞌabaꞌ li cꞌulaꞌal aꞌin, nabaleb laj Israel teꞌcolekꞌ ut saꞌ xcꞌabaꞌ ajcuiꞌ aꞌan nabaleb li teꞌsachk. Ut nabaleb li teꞌtzꞌekta̱na̱nk re.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

San Mateo 6:23

Cui ut incꞌaꞌ saken na-iloc li xnakꞌ e̱ru, cuanquex saꞌ kꞌojyi̱n. Ut joꞌcan ajcuiꞌ le̱ naꞌleb. Cui incꞌaꞌ cha̱bil le̱ naꞌleb, cuanquex saꞌ xkꞌojyi̱nal ru li ma̱c.

Isaías 44:18

Eb li nequeꞌyi̱ban re li dios aꞌan incꞌaꞌ nequeꞌxtau xya̱lal xban nak chanchaneb li mutzꞌ. Incꞌaꞌ nequeꞌraj xtaubal xya̱lal xban nak ma̱cꞌaꞌeb xnaꞌleb.

Isaías 6:9

Tojoꞌnak quixye cue: —Ayu ut toxa̱ye reheb li tenamit chi joꞌcaꞌin: Yo̱kex chirabinquil, abanan moco te̱tau ta ru lix ya̱lal ut yo̱kex chirilbal, abanan incꞌaꞌ te̱qꞌue retal cꞌaꞌru xya̱lal, chaꞌakat reheb.

2 Ts 2:10

Tixbalakꞌiheb li teꞌsachekꞌ xban nak queꞌxtzꞌekta̱na lix ya̱lal li quicoloc raj reheb.

Isaías 29:10

Li Ka̱cuaꞌ xsach le̱ naꞌleb. Chanchan yo̱quex chi cua̱rc. Eb li profeta, aꞌaneb raj li nequeꞌqꞌuehoc xnaꞌlebeb li tenamit. Abanan li Dios quixsach lix naꞌlebeb. Chanchan nak quixtzꞌap li ruheb riqꞌuin tꞌicr.

Ezequiel 12:2

—At ralal cui̱nk, la̱at cuancat saꞌ xya̱nkeb li tenamit kꞌaxal kꞌetkꞌeteb. Cuanqueb xnakꞌ ru, abanan incꞌaꞌ nequeꞌiloc. Cuanqueb xxic, abanan incꞌaꞌ nequeꞌabin xban nak aꞌaneb aj kꞌetol a̱tin.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

San Juan 12:31

Anakcuan xcuulac xkꞌehil nak li Dios ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Anakcuan ta̱sachekꞌ xcuanquil laj tza li nataklan saꞌ ruchichꞌochꞌ.