San Juan 9:16 - Li Santil hu

¹⁶ Cuanqueb laj fariseo queꞌxye: —Li cui̱nk aꞌan, li Jesús xcꞌabaꞌ, moco taklanbil ta chak xban li Dios xban nak incꞌaꞌ naxqꞌue xlokꞌal li hiloba̱l cutan, chanqueb. Ut cuanqueb cuiꞌchic queꞌyehoc re: —¿Chanru nak tixba̱nu li milagro junak cui̱nk aj ma̱c? chanqueb. Xban nak jalan jala̱nk nequeꞌxcꞌoxla chirix li Jesús, incꞌaꞌ chic junajeb xchꞌo̱leb.

Q'eqchi Bible

¹⁶ Wankeb' aj Pariseey ke'yehok: —Li winq a'in moko rik'in ta li Yos nachalk xb'aan naq ink'a' naxk'e xloq'al li sábado. Wankeb' chik ke'yehok: —Chanru naq tixb'aanu li xninqal eetalil a'in junaq winq aj maak? Ut kiwank jachok ib' sa' xyanqeb'.

San Juan 9:16 ပူးပေါင်းရင်းမြစ်များ

San Juan 10:19

Ut xban nak jalan jala̱nk yo̱queb chixcꞌoxlanquil chirix li quixye li Jesús, quicuan cuiꞌchic jachoc ib saꞌ xya̱nkeb.

San Juan 7:43

Joꞌcan nak li tenamit queꞌxjachi ribeb xban nak jalan jala̱nk yo̱queb chixcꞌoxlanquil chirix li Jesús.

San Juan 7:12

Nabaleb li cuanqueb aran yo̱queb chixcuechꞌinquil rib chirix li Jesús. Cuan yo̱queb chi yehoc re: —Cha̱bil cui̱nk aꞌan, chanqueb. Ut cuan cuiꞌchic yo̱queb chi yehoc: —Incꞌaꞌ. Li cui̱nk aꞌan naxbalakꞌiheb li tenamit, chanqueb.

San Juan 3:2

Saꞌ jun li kꞌojyi̱n laj Nicodemo quicuulac chi a̱tinac riqꞌuin li Jesús ut quixye re: —At tzolonel, la̱o nakanau nak riqꞌuin li Dios chalenakat chak chokꞌ aj tzolol ke xban nak ma̱ ani ta̱ru̱k tixba̱nu li milagros li nacaba̱nu la̱at cui ta ma̱cuaꞌ riqꞌuin xcuanquil li Dios, chan.

San Mateo 12:2

Ut nak queꞌril eb laj fariseo, queꞌxye re li Jesús: —Ileb la̱ tzolom. Yo̱queb chixsicꞌbal ru li acui̱mk. Yo̱queb chixba̱nunquil li cꞌanjel moco uxc ta naraj saꞌ li hiloba̱l cutan, chanqueb.

San Juan 15:24

Ma̱cꞌaꞌeb raj xma̱c cui ta incꞌaꞌ xeꞌril li milagros li xinba̱nu chiruheb, li milagros li ma̱ ani chic naru xba̱nunquil. Abanan eb aꞌan queꞌril li xinba̱nu. Joꞌcan nak xicꞌ niquineꞌril la̱in ut xicꞌ ajcuiꞌ nequeꞌril lin Yucuaꞌ.

San Juan 14:11

Chepa̱b nak la̱in cuanquin riqꞌuin li Yucuaꞌbej ut aꞌan cuan cuiqꞌuin. Junaj ku chi kibil kib. Cui incꞌaꞌ niquine̱pa̱b xban li cꞌaꞌru ninye, chine̱pa̱bak xbaneb li milagro li yo̱quin chixba̱nunquil.

San Juan 9:24

Eb laj fariseo queꞌxbok cuiꞌchic xcaꞌ sut li cui̱nk, li mutzꞌ nak quicuan, ut queꞌxye re: —Saꞌ xcꞌabaꞌ li Dios ta̱ye ke lix ya̱lal. La̱o nakanau nak li cui̱nk aꞌan aj ma̱c, chanqueb re.

San Juan 6:52

Nak queꞌrabi li cꞌaꞌru quixye, eb laj judío queꞌoc chixcuechꞌinquil rix li quixye ut queꞌxye: —¿Chanru nak tixqꞌue lix tibel re takatzaca? chanqueb.

San Juan 5:36

Li cꞌaꞌru quixchꞌolob laj Juan chicuix, aꞌan ya̱l. Abanan riqꞌuin li cꞌaꞌru ninba̱nu, kꞌaxal cuiꞌchic naxcꞌut chi tzꞌakal anihin la̱in. La̱in ninba̱nu li cꞌaꞌru quixye cue li Yucuaꞌbej. Li cꞌaꞌru ninba̱nu la̱in, aꞌan naxcꞌut nak taklanbilin xban li Yucuaꞌbej.

Hechos 14:4

Queꞌxjach ribeb li tenamit. Cuanqueb li queꞌoquen chirixeb laj judío ut cuanqueb li queꞌoquen chirixeb li apóstol.

San Mateo 12:10

Ut aran cuan jun li cui̱nk sic jun li rukꞌ. Ut eb laj fariseo queꞌxpatzꞌ re li Jesús yal re xjitbal: —¿Ma us qꞌuirtesi̱nc saꞌ li hiloba̱l cutan?

San Lucas 13:14

Cꞌajoꞌ nak quijoskꞌoꞌ li nataklan saꞌ li cab li nequeꞌxchꞌutub cuiꞌ ribeb laj judío xban nak li Jesús quixqꞌuirtesi li ixk saꞌ li hiloba̱l cutan. Ut quixye reheb li cuanqueb aran: —Cuakib cutan cuan re nak naru texcꞌanjelak. Chiruheb a cutan aꞌan naru nequexchal chi banecꞌ ut incꞌaꞌ texcha̱lk chi banecꞌ saꞌ li hiloba̱l cutan, chan.

San Juan 2:11

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

San Juan 5:10

Queꞌoc chi cuechꞌi̱nc li nequeꞌtaklan saꞌ xya̱nkeb laj judío. Queꞌxye re li cui̱nk li quiqꞌuira: —Hiloba̱l cutan anakcuan. Yo̱cat chixkꞌetbal li kachakꞌrab xban nak yo̱cat chixcꞌambal la̱ cuarib chiru li hiloba̱l cutan, chanqueb.

San Juan 7:23

Cui la̱ex nequeba̱nu li circuncisión usta hiloba̱l cutan re nak incꞌaꞌ te̱kꞌet li chakꞌrab li quiqꞌueheꞌ re laj Moisés, ¿cꞌaꞌut nak xexjoskꞌoꞌ cuiqꞌuin nak xinqꞌuirtesi jun li cui̱nk saꞌ li hiloba̱l cutan?