San Juan 8:6 - Li Santil hu

⁶ Queꞌxye re li Jesús chi joꞌcan yal re rilbal cꞌaꞌ na ru tixye xban nak yo̱queb chixsicꞌbal cꞌaꞌru teꞌxjit cuiꞌ. Aban li Jesús quixxulub rib ut qui-oc chi tzꞌi̱bac chiru chꞌochꞌ riqꞌuin ruꞌuj rukꞌ.

Q'eqchi Bible

⁶ Ke'xye a'in yal re xyalb'al rix, re xtawb'al k'aru te'xjit wi'. A'ut li Jesus kixk'utzub' rib' ut ki'ok chi tz'iib'ak sa' ch'och' rik'in ru'uj ruq'.

San Juan 8:6 ပူးပေါင်းရင်းမြစ်များ

Jeremías 17:13

At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.

San Lucas 10:25

Jun aj tzolol chakꞌrab quixye re li Jesús yal re xyalbal rix: —At tzolonel: ¿Cꞌaꞌru us tinba̱nu re nak tincue̱chani li junelic yuꞌam? chan.

San Mateo 19:3

Cuanqueb laj fariseo queꞌcuulac chi patzꞌoc riqꞌuin yal re xyalbal rix ut queꞌxye re: —¿Cꞌaꞌru nacaye la̱at? ¿Ma ta̱ru̱k tixjach rib li cui̱nk riqꞌuin li rixakil yal riqꞌuin cꞌaꞌak re ru?—

Amós 5:10

La̱ex aj Israel xicꞌ nequeril li ani naxcol rix li ti̱quilal. Ut xicꞌ nequeril li ani nayehoc re li ya̱l nak cuanqueb chiru laj rakol a̱tin.

Eclesiastés 3:7

Cuan li ho̱nal re pejoc tꞌicr, ut cuan li ho̱nal re xiti̱nc. Cuan li ho̱nal re a̱tinac, ut cuan li ho̱nal nak incꞌaꞌ naru a̱tinac.

1 Corintios 10:9

Mikaqꞌue xjoskꞌil li Ka̱cuaꞌ Dios joꞌ queꞌxba̱nu eb aꞌan nak queꞌxba̱nu li ma̱usilal ut queꞌtiꞌeꞌ xbaneb li cꞌantiꞌ li quixtakla li Ka̱cuaꞌ Dios ut queꞌcam.

San Marcos 10:2

Ut queꞌcuulac laj fariseo riqꞌuin chi patzꞌoc yal re xyalbal rix ut queꞌxye re: —¿Cꞌaꞌru nacaye la̱at? ¿Ma ta̱ru̱k tixjach rib junak cui̱nk riqꞌuin li rixakil? chanqueb re.

San Marcos 8:11

Queꞌcuulac laj fariseo riqꞌuin li Jesús. Queꞌoc chixcuechꞌinquil yal re xyalbal. Queꞌxye re nak tixba̱nu junak milagro chiruheb re rilbal ma ya̱l na nak riqꞌuin li Dios nachal lix cuanquil.

San Mateo 26:63

Ut li Jesús ma̱ jun li a̱tin quixye. Ut li xyucuaꞌileb aj tij quixye cuiꞌchic re: —Saꞌ xcꞌabaꞌ li yoꞌyo̱quil Dios ta̱ye ke cui la̱at li Cristo, li Ralal li Dios.—

San Mateo 22:35

Ut jun reheb, aj tzolol chakꞌrab, quipatzꞌoc re li Jesús yal re xyalbal rix.

San Mateo 22:18

Ut li Jesús quixnau nak moco anchaleb ta xchꞌo̱l nak yo̱queb chi patzꞌoc. Quixtau ru lix ma̱usilaleb ut quixye reheb: —Ex aj caꞌ pacꞌal u, ¿cꞌaꞌut nak nequeraj xyalbal cuix?

San Mateo 16:1

Queꞌcuulac laj fariseo ut eb laj saduceo riqꞌuin li Jesús. Queꞌraj xyalbal rix ut queꞌoc chixtzꞌa̱manquil chiru nak tixba̱nu junak milagro chiruheb re rilbal ma ya̱l nak riqꞌuin li Dios nachal lix cuanquil.

San Mateo 15:23

Aꞌut li Jesús ma̱ jun li a̱tin quixye re. Ut eb lix tzolom queꞌnachꞌoc riqꞌuin li Jesús ut queꞌxye re: —Ka̱cuaꞌ, ba̱nu li usilal re, re nak tixcanab xjapbal re, chanqueb.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Amós 5:13

Joꞌcan nak li ani cuan xnaꞌleb, cui x-ux raylal re, incꞌaꞌ ta̱xic chi jitoc xban nak saꞌ eb li cutan aꞌin incꞌaꞌ nequeꞌrakoc a̱tin saꞌ xya̱lal.

Daniel 5:5

Ut saꞌ ajcuiꞌ li ho̱nal aꞌan quicꞌutun aran li ruꞌuj rukꞌ jun li cui̱nk yo̱ chi tzꞌi̱bac chiru li tzꞌac nachꞌ cuan cuiꞌ li candil li cuan saꞌ li cab. Ut li rey yo̱ chirilbal li ukꞌej nak yo̱ chi tzꞌi̱bac chiru tzꞌac.

Proverbios 26:17

Li ani naxchꞌic rib chi pletic saꞌ xya̱nkeb li yo̱queb chi pletic, aꞌan chanchan yo̱ chixchapbal lix xic junak tzꞌiꞌ.

Números 14:22

tinye a̱cue nak ma̱ jun reheb li cui̱nk aꞌin li xeꞌcuechꞌin cue teꞌoc saꞌ li naꞌajej li quinyechiꞌi reheb. Eb aꞌan queꞌril lin lokꞌal ut queꞌril ajcuiꞌ li sachba chꞌo̱lej li quinba̱nu aran Egipto joꞌqueb ajcuiꞌ li sachba chꞌo̱lej li quinba̱nu saꞌ li chaki chꞌochꞌ. Abanan nabal sut queꞌxyal cuix ut incꞌaꞌ queꞌxba̱nu li cꞌaꞌru quinye reheb.

Génesis 49:9

La̱at, Judá, la̱at joꞌ ral jun li cakcoj li cau rib chiru chixjunileb li xul. Joꞌcan nak nacatinjuntakꞌe̱ta riqꞌuin li cakcoj xban nak cau a̱cuib. Li cakcoj naxchap li xul ut naxtiu ut natakeꞌ saꞌ li tzu̱l, ut aran nabuchla chak ut ma̱ ani naru nachꞌeꞌoc re.

San Juan 8:2

Cuulajak chic nak toj ekꞌela co̱ cuiꞌchic saꞌ li templo. Li qꞌuila tenamit queꞌcuulac riqꞌuin. Ut nak quicꞌojla, qui-oc cuiꞌchic chixchꞌolobanquil lix ya̱lal chiruheb.

San Lucas 11:16

Ut cuanqueb ajcuiꞌ li queꞌxtzꞌa̱ma chiru li Jesús nak tixba̱nu junak li milagro yal re xyalbal rix.

San Marcos 12:15

Li Jesús naxnau nak aj caꞌpacꞌaleb. Quixye reheb: —¿Cꞌaꞌut nak nequeraj xyalbal cuix? Cꞌamomak chak li tumin. Cuilak, chan reheb.

Salmos 39:1

La̱in quinye: —La̱in tinqꞌue retal li cꞌaꞌru ninba̱nu re nak incꞌaꞌ tinma̱cobk riqꞌuin li cꞌaꞌru tinye. Incꞌaꞌ tina̱tinak xban nak toj cuanqueb arin li incꞌaꞌ useb xnaꞌleb.—

San Marcos 3:2

Eb laj fariseo yo̱queb chixsicꞌbal chanru nak teꞌxjit li Jesús. Joꞌcan nak yo̱queb chirilbal ma tixqꞌuirtesi tana li cui̱nk aꞌin saꞌ li hiloba̱l cutan.