San Juan 8:59 - Li Santil hu

⁵⁹ Cꞌajoꞌ nak queꞌjoskꞌoꞌ ut queꞌoc raj chixcutinquil chi pec. Abanan li Jesús quixmuk rib chiruheb. Qui-el saꞌ li templo ut co̱.

Q'eqchi Bible

⁵⁹ Toja' naq ke'xxok xpek re xkutb'al li Jesus; ab'an a'an kixmuq rib' ut ki'elk sa' rochoch li Yos.

San Juan 8:59 ပူးပေါင်းရင်းမြစ်များ

San Juan 11:8

Lix tzolom queꞌchakꞌoc ut queꞌxye: —At tzolonel, nak cuanco aran, eb laj judío li cuanqueb aran queꞌraj raj a̱camsinquil chi pec. ¿Ma toxic cuiꞌchic aran? chanqueb.

Levítico 24:16

Li ani tixmajecua xcꞌabaꞌ li Dios ta̱camsi̱k, usta aj Israel usta jalan xtenamit li cuan Israel. Chixjunileb li tenamit teꞌxcamsi chi pec xban nak xmajecua xcꞌabaꞌ li Ka̱cuaꞌ.

Hechos 7:57

Ut eb li tenamit xicꞌ queꞌrabi li quixye ut queꞌxtzꞌap lix xiqueb ut queꞌxjap reheb chi cau xban xjoskꞌileb ut jun xiquiqueb saꞌ xbe̱n nak queꞌxchap.

San Juan 18:31

Laj Pilato quixye reheb: —Cꞌamomak la̱ex ut rakomak a̱tin saꞌ xbe̱n joꞌ naxye saꞌ le̱ chakꞌrab la̱ex, chan. Eb laj judío queꞌxye re: —Moco qꞌuebil ta kalese̱ns la̱o aj judío nak takacamsi junak cristian, chanqueb.

San Juan 12:36

Chine̱pa̱b la̱in nak toj cuanquin e̱riqꞌuin re nak la̱exak chic li cualal incꞌajol ut cua̱nkex saꞌ cutan, chan li Jesús. Nak ac xye li a̱tin aꞌin, li Jesús qui-el saꞌ xya̱nkeb ut co̱ saꞌ jun naꞌajej bar incꞌaꞌ teꞌxtau.

San Juan 11:54

Xban nak queꞌraj xcamsinquil li Jesús, incꞌaꞌ chic quiraj xcꞌutbal rib chiruheb laj judío. Qui-el aran ut co̱ saꞌ li tenamit Efraín li cuan nachꞌ riqꞌuin li chaki chꞌochꞌ. Ut aran quicana rochbeneb lix tzolom.

San Juan 5:13

Li cui̱nk li quiqꞌuirtesi̱c incꞌaꞌ naxnau ani ta aꞌan, xban nak kꞌaxal nabaleb li cuanqueb aran ut li Jesús ac x-el saꞌ xya̱nkeb.

San Lucas 24:31

Saꞌ li ho̱nal aꞌan queꞌxqꞌue retal nak aꞌan li Jesús. Ut nak ac xeꞌxnau nak aꞌan, nak queꞌril ac ma̱ ani chic saꞌ xya̱nkeb.

Génesis 19:11

Eb li cuib chi cui̱nk lix takl li Dios queꞌqꞌuehoc reheb chi mutzꞌi̱rc eb li cui̱nk li teꞌraj oc saꞌ cab. Queꞌmutzꞌir li ti̱x joꞌ eb ajcuiꞌ li toj sa̱jeb. Ut eb li cui̱nk aꞌan queꞌlub chixsicꞌbal li puerta ut incꞌaꞌ queꞌxtau.

1 Samuel 30:6

Cꞌajoꞌ lix cꞌaꞌux laj David xban nak eb li cuanqueb rochben queꞌxye nak teꞌxcut chi pec laj David xban xrahil xchꞌo̱leb. Abanan li Ka̱cuaꞌ quixqꞌue xcacuilal xchꞌo̱l laj David.

San Mateo 12:14

Ut eb laj fariseo queꞌel aran ut queꞌoc chixcꞌu̱banquil chanru nak teꞌxcamsi li Jesús.

San Juan 9:1

Nak yo̱ chi xic li Jesús, quiril jun li cui̱nk mutzꞌ ru chalen saꞌ xyoꞌlajic.