San Juan 8:58 - Li Santil hu

⁵⁸ Li Jesús quichakꞌoc ut quixye reheb: —Relic chi ya̱l tinye e̱re nak chalen chak saꞌ xticlajic nak toj ma̱jiꞌ nayoꞌla laj Abraham, ac cuanquin ajcuiꞌ chak la̱in, chan li Jesús.

Q'eqchi Bible

⁵⁸ Kixye li Jesus reheb': —Relik chi yaal ninye eere: toj maji'aq nayo'laak laj Abrahán, ak Laa'inin chaq.

San Juan 8:58 ပူးပေါင်းရင်းမြစ်များ

Éxodo 3:14

Li Dios quixye cuiꞌchic re laj Moisés: —La̱in cuanquin chalen chak kꞌe cutan ut chalen anakcuan. La̱in li Dios. Ta̱ye reheb laj Israel nak La̱in xintaklan a̱cue.

Colosenses 1:17

Li Cristo ac cuan ajcuiꞌ chak nak toj ma̱jiꞌ nequeꞌyoꞌobtesi̱c li cꞌaꞌak re ru. Ut chixjunil li cꞌaꞌak re ru quiyoꞌobtesi̱c qꞌuebil saꞌ xnaꞌaj ut aran quicana xban nak li Cristo aꞌan yal re saꞌ xbe̱n.

San Juan 17:5

At inYucuaꞌ, chaqꞌue ta cuiꞌchic lin lokꞌal li quicuan nak toj cuanquin chak a̱cuiqꞌuin nak toj ma̱jiꞌ naticla chak li ruchichꞌochꞌ.

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

Apocalipsis 1:8

Quixye li Ka̱cuaꞌ Dios: —La̱in quinyoꞌobtesin re chixjunil ut la̱in tinsachok re chixjunil. La̱in li Alfa ut li Omega. Ut kꞌaxal nim incuanquil, chan li nimajcual Dios.

Hebreos 13:8

Li Jesucristo incꞌaꞌ najala chi moco najala lix naꞌleb. Ac aꞌan ajcuiꞌ chak chalen najter kꞌe cutan, aꞌan anakcuan ut aꞌanak chi junelic.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

Isaías 48:12

La̱ex laj Israel, li ralal xcꞌajol laj Jacob, cherahihak li oc cue chixyebal. La̱in li Ka̱cuaꞌ. La̱in cuanquin saꞌ xticlajic ut cua̱nkin ajcuiꞌ toj saꞌ rosoꞌjic.

Apocalipsis 2:8

Ut quixye cuiꞌchic cue: —Tzꞌi̱ban riqꞌuin lix takl li Dios, li na-iloc reheb li jun chꞌu̱tal chi aj pa̱banel li cuanqueb Esmirna. Ut ta̱ye re: Li ac cuan chak saꞌ xticlajic ut cua̱nk ajcuiꞌ toj saꞌ rosoꞌjic, li quicam ut quicuacli cuiꞌchic chi yoꞌyo saꞌ xya̱nkeb li camenak, naxye e̱re chi joꞌcaꞌin:

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Miqueas 5:2

La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

Isaías 43:13

Chalen najter kꞌe cutan ac la̱in ajcuiꞌ chak li Ka̱cuaꞌ. Ma̱ ani ta̱ru̱k tixcol rib saꞌ cuukꞌ. Li cꞌaꞌru ninba̱nu la̱in, ma̱ ani ta̱ru̱k ta̱jalok re.—

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.

Isaías 44:8

Ex intenamit, mexxucuac. La̱ex nequenau nak chalen chak junxil la̱in quinchꞌolob xya̱lal cꞌaꞌru ta̱cꞌulma̱nk. ¿Ma cuan ta biꞌ junak chic Dios chicuu la̱in? La̱ex nequenau nak ma̱cꞌaꞌ chic junak dios chicuu la̱in. Caꞌaj cuiꞌ la̱in.—

San Juan 8:51

Relic chi ya̱l ninye e̱re nak li ani tixba̱nu li cꞌaꞌru ninye, li jun aꞌan incꞌaꞌ ta̱ca̱mk, chan.

Apocalipsis 1:11

Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

San Juan 8:34

Li Jesús quixye reheb: —Relic chi ya̱l ninye e̱re nak chixjunileb li nequeꞌxba̱nu li ma̱usilal cuanqueb rubel xcuanquil li ma̱c. Chanchan nak cꞌayinbileb chi cꞌanjelac chiru.

San Juan 8:24

Joꞌcan nak xinye e̱re nak texca̱mk saꞌ le̱ ma̱c. La̱ex texca̱mk saꞌ le̱ ma̱c cui incꞌaꞌ nequepa̱b nak la̱in ac cuanquin ajcuiꞌ chak saꞌ xticlajic joꞌ xinye e̱re, chan li Jesús.

San Juan 8:28

Ut quixye ajcuiꞌ li Jesús reheb: —Nak acak xine̱taksi chiru li cruz re incamsinquil toj aran te̱qꞌue retal nak la̱in li taklanbilin chak xban li Dios. Ut te̱nau nak ma̱cꞌaꞌ ninba̱nu injunes. Li cꞌaꞌru ninye la̱in, aꞌan li quixcꞌutbesi chicuu lin Yucuaꞌ.

San Juan 10:25

Li Jesús quixye reheb: —Ac xinye e̱re anihin ut incꞌaꞌ niquine̱pa̱b. Li milagros li yo̱quin chixba̱nunquil saꞌ xcꞌabaꞌ lin Yucuaꞌ, aꞌan naxcꞌut chi tzꞌakal anihin.