San Juan 8:47 - Li Santil hu

⁴⁷ Cui ta la̱ex ralal xcꞌajol li Dios, nequepa̱b raj li cꞌaꞌru naxye. Abanan la̱ex ma̱cuaꞌex ralal xcꞌajol li Dios. Joꞌcan nak incꞌaꞌ nequeraj rabinquil li cꞌaꞌru naxye, chan li Jesús.

Q'eqchi Bible

⁴⁷ Li ani nachalk rik'in li Yos narab'i li naxye li Yos; ut laa'ex ink'a' nekerab'i xb'aan naq moko rehex ta li Yos.

San Juan 8:47 ပူးပေါင်းရင်းမြစ်များ

2 Juan 1:9

Cui ani junak naxqꞌue xtzꞌakob li quixchꞌolob li Jesucristo, li jun aꞌan ma̱cꞌaꞌ li Dios riqꞌuin. Abanan cui nakapa̱b li cꞌaꞌru quixchꞌolob li Jesucristo, li Dios Acuabej cua̱nk kiqꞌuin ut cua̱nk ajcuiꞌ kiqꞌuin li Jesucristo li Cꞌajolbej.

San Juan 18:37

Laj Pilato quixye re: —La̱at rey chi joꞌcanan.— Li Jesús quixye re: —Ya̱l li xaye nak la̱in rey. Aꞌan aj e nak quinchal chi yoꞌla̱c arin saꞌ ruchichꞌochꞌ re xchꞌolobanquil lix ya̱lal. Ut chixjunileb li nequeꞌraj xnaubal lix ya̱lal, nequeꞌrabi li cꞌaꞌru ninye, chan.

1 Juan 3:10

Riqꞌuin aꞌin naꞌno̱queb ru li ralal xcꞌajol li Dios ut naꞌno̱queb ajcuiꞌ ruheb li ralal xcꞌajol laj tza: li ani incꞌaꞌ naxba̱nu li ti̱quilal, ut li ani incꞌaꞌ naxra li ras ri̱tzꞌin, aꞌan ma̱cuaꞌeb ralal xcꞌajol li Dios.

San Juan 8:45

La̱in ninye e̱re lix ya̱lal. Joꞌcan nak incꞌaꞌ niquine̱pa̱b.

San Juan 8:37

La̱in ninnau nak la̱ex xcomonex li ralal xcꞌajol laj Abraham. Abanan cuan saꞌ e̱ya̱nk li teꞌraj incamsinquil xban nak incꞌaꞌ nacuulac chiruheb li cꞌaꞌru yo̱quin chixyebal.

San Juan 8:43

¿Cꞌaꞌut nak incꞌaꞌ nequetau ru li cꞌaꞌru ninye? Incꞌaꞌ nequecꞌul li cua̱tin xban nak incꞌaꞌ nequeraj rabinquil li cꞌaꞌru yo̱quin chixyebal.

San Juan 6:65

Ut quixye ajcuiꞌ li Jesús reheb: —Joꞌcan nak xinye e̱re nak ma̱ ani ta̱ru̱k ta̱pa̱ba̱nk cue cui incꞌaꞌ ta kꞌaxtesinbil cue xban li Yucuaꞌbej, chan.

3 Juan 1:11

At inherma̱n, ma̱tzol a̱cuib riqꞌuin li incꞌaꞌ us. Aꞌ ban li us ta̱ba̱nu. Li ani naba̱nun re li us, aꞌan ralal xcꞌajol li Dios. Ut li ani naxba̱nu li incꞌaꞌ us, toj ma̱jiꞌ naxpa̱b li Dios.

1 Juan 5:1

Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

Daniel 12:10

Nabaleb teꞌsantobresi̱k xban lix ni̱nkal raylal teꞌxcꞌul. Abanan li incꞌaꞌ useb xnaꞌlebeb yo̱keb chixba̱nunquil li ma̱usilal ut ma̱ jun saꞌ xya̱nkeb teꞌxtau ru li cꞌaꞌru yo̱k chi cꞌulma̱nc. Caꞌaj cuiꞌ eb li cuanqueb xnaꞌleb teꞌxtau ru chixjunil.

San Juan 5:25

Chi ya̱l ninye e̱re ta̱cuulak xkꞌehil ut anakcuan ajcuiꞌ xcuulac xcutanquil, nak eb li chanchan camenakeb xban li ma̱c teꞌrabi li cua̱tin la̱in li Cꞌajolbej. Ut li teꞌabi̱nk cue teꞌcua̱nk xyuꞌam chi junelic.

San Juan 12:48

Tento nak ta̱rakekꞌ a̱tin saꞌ xbe̱neb li nequeꞌtzꞌekta̱nan cue, li incꞌaꞌ nequeꞌpa̱ban re li cꞌaꞌru ninye. Li a̱tin li xinye, aꞌan ajcuiꞌ li ta̱qꞌuehok reheb chixtojbal rix lix ma̱queb saꞌ rosoꞌjiqueb li cutan.