San Juan 8:34 - Li Santil hu

³⁴ Li Jesús quixye reheb: —Relic chi ya̱l ninye e̱re nak chixjunileb li nequeꞌxba̱nu li ma̱usilal cuanqueb rubel xcuanquil li ma̱c. Chanchan nak cꞌayinbileb chi cꞌanjelac chiru.

Q'eqchi Bible

³⁴ Li Jesus kixsumeheb' ut kixye: —Relik chi yaal ninye eere: yalaq ani nab'aanunk re li maak, a'an eechaninb'il naq wank.

San Juan 8:34 ပူးပေါင်းရင်းမြစ်များ

Romanos 6:16

Ac nequenau nak cui te̱qꞌue e̱rib chi cꞌanjelac chiru junak patrón, aꞌan chic ta̱takla̱nk e̱re. Joꞌcan ajcuiꞌ cui te̱qꞌue li ma̱c chokꞌ e̱patrón ut te̱qꞌue e̱rib chokꞌ aj cꞌanjel chiru, texca̱mk. Aban cui te̱qꞌue e̱rib chi takla̱c xban li Dios, ta̱ti̱cobresi̱k le̱ chꞌo̱l.

2 Pedro 2:19

Eb laj balakꞌ nequeꞌxye: Libre chic texcua̱nk, chanqueb. La̱ex chic yal e̱re cꞌaꞌru te̱ba̱nu, chanqueb. Ut incꞌaꞌ nequeꞌxqꞌue retal nak aꞌan eb li cꞌayinbileb chi cꞌanjelac chiru li ma̱c xban nak li ani toj nanumta li ma̱usilal saꞌ xbe̱n, toj cuan rubel xcuanquil li ma̱c.

Proverbios 5:22

Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

Romanos 6:12

Joꞌcan nak me̱qꞌue chic e̱rib rubel xcuanquil li ma̱c ut me̱ba̱nu chic li cꞌaꞌru naxrahi ru le̱ chꞌo̱l.

Romanos 6:6

Nakanau nak li kanajter naꞌleb quiqꞌueheꞌ chiru cruz rochben li Cristo. Naraj naxye nak quisacheꞌ xcuanquil li kanajter naꞌleb nak quicam li Cristo. Ut anakcuan incꞌaꞌ chic cuanco rubel xcuanquil li ma̱c joꞌ nak xocuan chak junxil nak xkacꞌanjela chak ru li ma̱c.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

Efesios 2:2

Xeba̱nu chak li ma̱usilal saꞌ ruchichꞌochꞌ ut xeqꞌue e̱rib chi takla̱c xban laj tza li nataklan saꞌ xbe̱neb li ma̱us aj musikꞌej. Aꞌan li nataklan saꞌ xbe̱neb li nequeꞌkꞌetoc ra̱tin li Dios.

Romanos 7:25

Caꞌaj cuiꞌ li Ka̱cuaꞌ Jesucristo ta̱colok cue chiru lin najter naꞌleb. Ac xinkꞌaxtesi cuib rubel xcuanquil lix chakꞌrab li Dios ut acꞌ chic lin naꞌleb. Ninqꞌue inchꞌo̱l chixpa̱banquil li Dios, aban xban nak yal cui̱nkin, toj cuan lin najter naꞌleb cuiqꞌuin. Abanan ninbantioxi chiru li Dios xban nak li Ka̱cuaꞌ Jesucristo ta̱tenkꞌa̱nk cue re nak tincanab xba̱nunquil lin najter naꞌleb.

1 Reyes 21:25

Kꞌaxal quinumta li ma̱usilal quixba̱nu laj Acab chiru li Dios. Ma̱ ani junak reheb li rey quixba̱nu ma̱usilal joꞌ quixba̱nu aꞌan. Ut lix Jezabel li rixakil, aꞌan li quicꞌamoc be chiru chixba̱nunquil li ma̱usilal.

Romanos 8:21

Joꞌcan nak li ruchichꞌochꞌ ta̱colekꞌ chiru li tzꞌekta̱na̱c. Ut xban xnimal rusilal li Dios, ta̱colekꞌ li ruchichꞌochꞌ, joꞌ nak teꞌcolekꞌ li ralal xcꞌajol li Dios.

Romanos 7:14

Nakanau nak li chakꞌrab musikꞌanbil xban li Dios. Aban la̱in yal cui̱nkin. Joꞌcan nak ninma̱cob.

Hechos 8:23

La̱at cꞌajoꞌ nak nacatcakalin ut junes ma̱usilal nacacꞌoxla, chan laj Pedro.

San Juan 3:3

Quichakꞌoc li Jesús ut quixye re: —Relic chi ya̱l ninye a̱cue, ma̱ ani naru ta̱oc rubel xnimajcual cuanquilal li Dios cui incꞌaꞌ ta̱yoꞌla̱k cuiꞌchic xcaꞌ sut, chan li Jesús.

San Mateo 5:18

Relic chi ya̱l tinye e̱re nak ta̱osokꞌ li choxa, ta̱osokꞌ li ruchichꞌochꞌ, ut yal ta jun xle̱tril chi moco junak retalil li chakꞌrab ta̱sachk xcuanquil. Toj retal talajeꞌcꞌulma̱nk chixjunil.