San Juan 8:33 - Li Santil hu

³³ Eb aꞌan queꞌchakꞌoc ut queꞌxye: —La̱o ralal xcꞌajol laj Abraham. Ma̱ jun cua cꞌayinbilo chi cꞌanjelac chiru anihak. ¿Cꞌaꞌut nak nacaye nak libre chic cua̱nko?

Q'eqchi Bible

³³ Ke'chaq'ok eb' a'an: —Laa'o ralal xk'ajolo laj Abrahán. Maajun wa eechaninb'ilo xb'aan anihaq. Chan put ru naq nakaye laa'at: «Toxexwanq chi ach'ab'anb'il»? chankeb' re.

San Juan 8:33 ပူးပေါင်းရင်းမြစ်များ

San Mateo 3:9

Me̱cꞌoxla nak incꞌaꞌ te̱cꞌul xjoskꞌil li Dios yal xban nak la̱ex ralal xcꞌajol laj Abraham. La̱in tinye e̱re nak li Dios ta̱ru̱k tixyoꞌobtesi li pec aꞌin chokꞌ ralal xcꞌajol laj Abraham.

San Juan 8:39

Eb aꞌan queꞌxye re: —Laj Abraham, aꞌan li kaxeꞌto̱nil yucuaꞌ, chanqueb. Li Jesús quixye reheb: —Cui ta la̱ex ralal xcꞌajol laj Abraham, te̱ba̱nu raj joꞌ quixba̱nu laj Abraham. Cha̱bil raj le̱ naꞌleb joꞌ xnaꞌleb aꞌan nak quicuan.

San Juan 8:37

La̱in ninnau nak la̱ex xcomonex li ralal xcꞌajol laj Abraham. Abanan cuan saꞌ e̱ya̱nk li teꞌraj incamsinquil xban nak incꞌaꞌ nacuulac chiruheb li cꞌaꞌru yo̱quin chixyebal.

Génesis 15:13

Ut li Dios quixye re: —Tento nak ta̱nau nak la̱ cualal a̱cꞌajol teꞌxic chi najt saꞌ jalan tenamit ma̱cuaꞌ xtenamiteb aꞌan. Ut kꞌaxal ra teꞌxcꞌul aran. Teꞌqꞌuehekꞌ chokꞌ rahobtesinbil mo̱s. Ut chiru ca̱hib ciento (400) chihab teꞌcua̱nk saꞌ raylal, chan li Dios.

San Juan 19:25

Nachꞌ riqꞌuin li cruz xakxo li xnaꞌ li Jesús rochben lix María li ras. Aꞌan li rixakil laj Cleofas. Ut cuan ajcuiꞌ aran lix María, Magdala xtenamit.

Esdras 9:9

La̱o cuanco rubel xtakl lix reyeb laj Persia, abanan incꞌaꞌ xoa̱canab kajunes. Chiruheb li rey xacꞌut chiku lix nimal la̱ cuusilal ut xaqꞌue li kayuꞌam re nak ta̱ru̱k takayi̱b cuiꞌchic la̱ templo li quijuqꞌueꞌ. Ut la̱at xat-iloc ke arin Judá ut Jerusalén.

Jueces 4:3

Li rey Jabín cuan bele̱b ciento lix carruaje re pletic yi̱banbil riqꞌuin chꞌi̱chꞌ. Cꞌajoꞌ li raylal yo̱ chixba̱nunquil reheb laj Israel ut kꞌaxal cau quitaklan saꞌ xbe̱neb chiru junmay chihab. Xban li raylal li yo̱queb chixcꞌulbal, eb laj Israel queꞌxtzꞌa̱ma xtenkꞌanquil chiru li Ka̱cuaꞌ Dios.

Jueces 3:8

Xban li ma̱usilal queꞌxba̱nu, cꞌajoꞌ nak quijoskꞌoꞌ li Dios saꞌ xbe̱neb ut quixcanabeb saꞌ rukꞌeb laj Cusan-risataim, lix reyeb laj Mesopotamia. Joꞌcan nak eb laj Israel queꞌcuan rubel xtakl li rey aꞌan chiru cuakxakib chihab.

Jueces 2:18

Nak li Ka̱cuaꞌ naxxakab junak aj rakol a̱tin, aꞌan ajcuiꞌ natenkꞌan re. Ut aꞌan ajcuiꞌ nacoloc reheb laj Israel saꞌ rukꞌeb li xicꞌ nequeꞌiloc reheb joꞌ najtil yoꞌyo laj rakol a̱tin. Li Ka̱cuaꞌ quiril xtokꞌoba̱l ruheb nak yo̱queb chi ya̱bac xban li raylal li yo̱queb chixcꞌulbal saꞌ rukꞌeb li xicꞌ nequeꞌiloc reheb.

Levítico 25:42

Eb laj Israel, aꞌaneb lin mo̱s la̱in li Ka̱cuaꞌ. La̱in quin-isin chak reheb saꞌ li naꞌajej Egipto. Incꞌaꞌ naru teꞌcꞌayi̱k chokꞌ lokꞌbil mo̱s.

San Lucas 3:8

Cheba̱nuhak ban li us re nak ta̱cꞌutu̱nk nak xyotꞌeꞌ e̱chꞌo̱l ut xejal e̱cꞌaꞌux. Chanchanakex li cheꞌ cha̱bil li ru naxqꞌue. Me̱cꞌoxla nak incꞌaꞌ te̱cꞌul xjoskꞌil li Dios yal xban nak la̱ex li ralal xcꞌajol laj Abraham. La̱in tinye e̱re nak li Dios ta̱ru̱k tixyoꞌobtesi li pec aꞌin chokꞌ ralal xcꞌajol laj Abraham.

San Juan 8:43

¿Cꞌaꞌut nak incꞌaꞌ nequetau ru li cꞌaꞌru ninye? Incꞌaꞌ nequecꞌul li cua̱tin xban nak incꞌaꞌ nequeraj rabinquil li cꞌaꞌru yo̱quin chixyebal.

Romanos 9:7

Cuanqueb li ralal xcꞌajol laj Abraham incꞌaꞌ queꞌxcꞌul li quixyechiꞌi li Dios xban nak ma̱cuaꞌeb aꞌan li ralal xcꞌajol li yechiꞌinbil re laj Abraham najter xban li Dios nak quixye re: Saꞌ xcꞌabaꞌ laj Isaac teꞌcua̱nk la̱ cualal a̱cꞌajol li xinyechiꞌi a̱cue. (Gén. 21:9-12)