San Juan 8:31 - Li Santil hu

³¹ Li Jesús quia̱tinac riqꞌuineb laj judío li queꞌpa̱ban re. Quixye reheb: —Cui la̱ex te̱ba̱nu li cꞌaꞌru ninye e̱re, la̱exak tzꞌakal intzolom.

Q'eqchi Bible

³¹ Kixye li Jesus reheb' laj Judiiy li ke'paab'ank re: —Wi junelik eetz'ejwalihom eerib' rik'in li waatin, tz'aqal intzolomex;

San Juan 8:31 ပူးပေါင်းရင်းမြစ်များ

2 Juan 1:9

Cui ani junak naxqꞌue xtzꞌakob li quixchꞌolob li Jesucristo, li jun aꞌan ma̱cꞌaꞌ li Dios riqꞌuin. Abanan cui nakapa̱b li cꞌaꞌru quixchꞌolob li Jesucristo, li Dios Acuabej cua̱nk kiqꞌuin ut cua̱nk ajcuiꞌ kiqꞌuin li Jesucristo li Cꞌajolbej.

2 Timoteo 3:14

Aꞌut la̱at, Timoteo, junelic taxak cauhak a̱chꞌo̱l chixpa̱banquil lix ya̱lal li xatzol cuiꞌ chak a̱cuib. Ac nacanau nak tzꞌakal ya̱l ut nacanau aniheb li xatzol cuiꞌ chak a̱cuib.

Santiago 1:25

Lix chakꞌrab li Dios tzꞌakal re ru ut riqꞌuin xpa̱banquil aꞌan nakatau li kacolbal. Li ani naxqꞌue xchꞌo̱l chixtzolbal lix chakꞌrab li Dios incꞌaꞌ nasach saꞌ xchꞌo̱l li cꞌaꞌru naxtzol. Naxba̱nu ban li naxye. Ut osobtesinbil xban li Dios riqꞌuin li cꞌaꞌru naxba̱nu.

1 Timoteo 4:16

Qꞌue retal chi us li cꞌaꞌru ta̱ba̱nu joꞌ ajcuiꞌ li cꞌaꞌru ta̱tzoleb cuiꞌ. Cui ta̱ba̱nu chi joꞌcan, tatcolekꞌ la̱at ut teꞌcolekꞌ ajcuiꞌ li ani teꞌabi̱nk re li cꞌaꞌru ta̱ye.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

1 Samuel 12:14

Cui la̱ex te̱xucua ru li Ka̱cuaꞌ ut texcꞌanjelak chiru ut cui la̱ex joꞌ ajcuiꞌ le̱ rey, te̱ba̱nu li cꞌaꞌru naraj li Dios ut incꞌaꞌ te̱kꞌetkꞌeti e̱rib chiru, us tex-e̱lk riqꞌuin li cꞌaꞌru te̱ba̱nu.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

1 Juan 2:24

Li cꞌaꞌru xetzol chak chalen saꞌ xticlajic le̱ pa̱ba̱l chicua̱nk saꞌ le̱ chꞌo̱l. Cui te̱cꞌu̱la saꞌ le̱ chꞌo̱l li cꞌaꞌru xerabi chak chalen saꞌ xticlajic le̱ pa̱ba̱l, cua̱nkex riqꞌuin li Cꞌajolbej ut riqꞌuin li Acuabej Dios.

Romanos 11:22

Cheqꞌuehak retal nak kꞌaxal cha̱bil li Dios, abanan najoskꞌoꞌ ajcuiꞌ saꞌ xbe̱neb li nequeꞌtzꞌekta̱nan re li Cristo. Riqꞌuin cacuil a̱tin narakoc a̱tin saꞌ xbe̱neb li nequeꞌkꞌetoc re li ra̱tin. Cha̱bilak e̱riqꞌuin la̱ex cui texcua̱nk junelic saꞌ li rusilal. Cui incꞌaꞌ nequexcuan saꞌ li rusilal tex-isi̱k ajcuiꞌ la̱ex.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

San Mateo 24:13

Ut li ani tixcuy xnumsinquil li raylal aꞌin toj saꞌ rosoꞌjic lix yuꞌam, aꞌan ta̱colekꞌ.

San Juan 8:36

Joꞌcan nak cui la̱in li Cꞌajolbej tincolok e̱re chiru li ma̱c, relic chi ya̱l libre chic cua̱nkex.

San Juan 6:55

Lin tibel, aꞌan li tzacae̱mk li naqꞌuehoc junelic yuꞌam. Ut lin quiqꞌuel, aꞌan li ucꞌa li naqꞌuehoc junelic yuꞌam.

Hechos 13:43

Nak queꞌxchakꞌrabiheb li tenamit, nabaleb laj judío joꞌqueb ajcuiꞌ li queꞌoc saꞌ xya̱nkeb aꞌan queꞌxta̱ke laj Pablo ut laj Bernabé. Laj Pablo ut laj Bernabé yo̱queb chixqꞌuebal xnaꞌlebeb re nak teꞌcua̱nk saꞌ xya̱lal joꞌ naraj li Dios.

1 Juan 2:19

Saꞌ kaya̱nk xeꞌel li xicꞌ nequeꞌiloc re li Cristo, abanan moco kech aj pa̱baneleb ta nak xeꞌcuan. Cui ta eb aꞌan kech aj pa̱banelil, cuanqueb raj chi junelic saꞌ kaya̱nk. Abanan xeꞌel saꞌ kaya̱nk re nak ta̱nauma̱nk nak ma̱cuaꞌeb kech aj pa̱banelil.

Hebreos 8:9

Li contrato aꞌin ma̱cuaꞌ joꞌ li quinba̱nu chak reheb lix xeꞌto̱nil yucuaꞌeb nak quicuisiheb chak saꞌ li tenamit Egipto. Incꞌaꞌ queꞌxba̱nu li naxye li contrato. Xban aꞌan quebintzꞌekta̱na.

1 Timoteo 2:15

Li Dios quixye nak li ixk riqꞌuin raylal ta̱qꞌuiresi̱nk. Abanan, cua̱nkeb xyuꞌam chi junelic cui cauhakeb xchꞌo̱l saꞌ lix pa̱ba̱leb ut cui nequeꞌrahoc ut cui cuanqueb saꞌ ti̱quilal ut saꞌ tuktu̱quilal.

San Juan 1:47

Li Jesús quiril nak laj Natanael yo̱ chak chi cha̱lc riqꞌuin ut quixye: —Cueꞌ chak jun cui̱nk tzꞌakal aj Israel. Cha̱bil xnaꞌleb. Aꞌan incꞌaꞌ nabalakꞌic, chan li Jesús.

Hechos 26:22

Abanan la̱in tenkꞌanbilin xban li Dios toj chalen anakcuan. Yo̱quin chixchꞌolobanquil li ya̱l chirix li cꞌaꞌru ta̱cꞌulma̱nk. Ninchꞌolob xya̱lal chiruheb chixjunileb, li cuanqueb xcuanquil joꞌ ajcuiꞌ li ma̱cꞌaꞌeb xcuanquil. Ma̱cꞌaꞌ junak aqꞌuil naꞌleb yo̱quin chixyebal. Li yo̱quin chixyebal, aꞌan ajcuiꞌ li queꞌxchꞌolob xya̱lal eb li profeta ut laj Moisés.

San Juan 2:2

Ut quibokeꞌ saꞌ li sumla̱c li Jesús rochbeneb lix tzolom.