San Juan 8:17 - Li Santil hu

¹⁷ Saꞌ le̱ chakꞌrab tzꞌi̱banbil retalil cui cuan cuibeb li cui̱nk junaj lix cꞌaꞌuxeb riqꞌuin li cꞌaꞌru teꞌxye, tento xpa̱banquil li ra̱tineb.

Q'eqchi Bible

¹⁷ Ut sa' leechaq'rab' tz'iib'anb'il naq li k'aru te'xye wiib'aq chi testiiw, a'an paab'ajel.

San Juan 8:17 ပူးပေါင်းရင်းမြစ်များ

Deuteronomio 19:15

Incꞌaꞌ tzꞌakal cui jun ajcuiꞌ ta̱yehok re nak cuan xma̱c junak cristian. Tento nak ta̱cua̱nk cuib malaj ut oxib li teꞌyehok re cuan xma̱c.

Deuteronomio 17:6

Abanan tento nak cua̱nk cuib malaj oxib ta̱yehok re nak cuan xma̱c. Incꞌaꞌ naru ta̱camsi̱k cui jun ajcuiꞌ li ta̱yehok nak cuan xma̱c.

Hebreos 10:28

Junxil incꞌaꞌ qui-ileꞌ xtokꞌoba̱l ru li ani quikꞌetoc re xchakꞌrab laj Moisés. Cui cuan cuib malaj oxib li queꞌxye nak ya̱l nak xkꞌet li chakꞌrab, quirakeꞌ a̱tin saꞌ xbe̱n ut queꞌxcamsi.

San Mateo 18:16

Cui ut incꞌaꞌ naraj nacatrabi, cꞌam jun malaj cuib li herma̱n a̱cuochben re nak riqꞌuin li ra̱tin cuib oxib chi testigo, ta̱chꞌola̱k ru chixjunil li a̱tin.

Gálatas 3:24

Joꞌcan nak li chakꞌrab, aꞌan nacꞌutuc xya̱lal chiku ut aꞌan nacꞌamoc ke riqꞌuin li Cristo re nak ti̱cobresinbilak kachꞌo̱l riqꞌuin xpa̱banquil li Cristo.

2 Corintios 13:1

Aꞌin li rox sut nak tincuulak e̱riqꞌuin. Cui cuan li ta̱jitekꞌ nak tincuulak, tento nak cua̱nk cuib malaj oxib li testigo chixyebal nak ya̱l lix ma̱c, joꞌ tzꞌi̱banbil saꞌ li Santil Hu.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Gálatas 4:21

La̱ex li toj te̱raj cua̱nc rubel xcuanquil li najter chakꞌrab, ¿cꞌaꞌut nak incꞌaꞌ nequeqꞌue retal li cꞌaꞌru naxye?

1 Juan 5:9

La̱o nakapa̱b li ya̱l chꞌolobanbil xbaneb li cui̱nk. Abanan li chꞌolobanbil xban li Dios kꞌaxal cuiꞌchic nim xcuanquil chiru aꞌan. Ut li Dios quixchꞌolob xya̱lal nak li Jesús aꞌan li Ralal.

1 Reyes 21:10

Te̱sicꞌ cuibakeb li cui̱nk li incꞌaꞌ useb xnaꞌleb. Te̱cꞌam chak chiru laj Nabot re teꞌxye nak xmajecua li Dios ut xmajecua ajcuiꞌ li rey Acab. Chirix aꞌan te̱cꞌam laj Nabot chire tenamit ut te̱cuti chi pec toj retal ta̱ca̱mk, chan saꞌ li hu.

San Juan 15:25

Joꞌcaꞌin xcꞌulman xban nak tzꞌi̱banbil chak retalil saꞌ li chakꞌrab li quiqꞌueheꞌ reheb: Ma̱cꞌaꞌ raj inma̱c, abanan xicꞌ quineꞌril.

San Juan 10:34

Li Jesús quixye reheb: —¿Ma incꞌaꞌ ta biꞌ tzꞌi̱banbil retalil saꞌ le̱ chakꞌrab nak li Dios quixye reheb li queꞌcꞌuluc re li ra̱tin “diosex la̱ex”? (Sal. 82:6)

Números 35:30

Ta̱teneba̱k ca̱mc saꞌ xbe̱n li ani xcamsi ras ri̱tzꞌin cui cuanqueb cuib oxib li teꞌyehok re. Abanan incꞌaꞌ naru ta̱teneba̱k ca̱mc saꞌ xbe̱n cui jun ajcuiꞌ li ta̱jitok re.