San Juan 8:11 - Li Santil hu

¹¹ Ut li ixk quixye re: —Ma̱ jun, Ka̱cuaꞌ.— Ut li Jesús quixye re: —Chi moco la̱in tatinqꞌue chixtojbal a̱ma̱c. Ayu ut matma̱cob chic, chan.

Q'eqchi Bible

¹¹ Kichaq'ok a'an: —Maajun, Qaawa'. Ut li Jesus kixye re: —Chi moko laa'in tatink'e sa' tojb'amaak. Ayu ut chalen anaqwan matmaakob'k chik].

San Juan 8:11 ပူးပေါင်းရင်းမြစ်များ

San Juan 3:17

Li Dios incꞌaꞌ quixtakla chak li Ralal saꞌ ruchichꞌochꞌ chixtenebanquil li tojba ma̱c saꞌ xbe̱neb li cuanqueb saꞌ ruchichꞌochꞌ. Quixtakla ban chak re nak saꞌ xcꞌabaꞌ aꞌan teꞌcolekꞌ.

San Juan 5:14

Mokon chic li Jesús quixtau cuiꞌchic li cui̱nk saꞌ li templo ut quixye re: —Chaqꞌuehak retal nak xatqꞌuira. Canab xba̱nunquil li incꞌaꞌ us ma̱re anchal ta̱cha̱lk junak chic nimla raylal saꞌ a̱be̱n, chan li Jesús re.

San Juan 8:15

La̱ex nequexrakoc a̱tin joꞌ nequeraj la̱ex e̱junes. La̱in ma̱ ani saꞌ aj be̱n yo̱quin chi rakoc a̱tin.

San Lucas 15:7

La̱in tinye e̱re nak joꞌcan ajcuiꞌ saꞌ choxa. Ta̱cua̱nk nimla sahil chꞌo̱lej nak junak aj ma̱c tixyotꞌ xchꞌo̱l tixjal xcꞌaꞌux chiruheb bele̱laju roꞌcꞌa̱l chi cristian li ac xeꞌpa̱ban ut ti̱queb chic xchꞌo̱leb.

San Lucas 5:32

Joꞌcan nak la̱in incꞌaꞌ xinchal chixsicꞌbal li ti̱queb xchꞌo̱l. Xinchal ban chixsicꞌbaleb laj ma̱c re nak teꞌyotꞌekꞌ xchꞌo̱l ut teꞌxjal xcꞌaꞌuxeb, chan li Jesús.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Li xHu LAJ JOB 34:31

At Job, ¿ma ac xaye ta biꞌ re li Dios nak xacanab a̱cuib chi balakꞌic, abanan incꞌaꞌ chic ta̱ba̱nu?

Romanos 2:4

¿Ma ta̱tzꞌekta̱na lix nimal ruxta̱n li Dios? ¿Ma ta̱tzꞌekta̱na lix cuyum ut lix kꞌunil xchꞌo̱l? ¿Ma incꞌaꞌ nacaqꞌue retal nak xban lix nimal rusilal li Dios naraj nak ta̱yotꞌ a̱chꞌo̱l ta̱jal a̱cꞌaꞌux?

San Lucas 13:3

—Tinye e̱re nak incꞌaꞌ. Cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex che̱junilex.

San Lucas 15:10

La̱in ninye e̱re nak joꞌcan ajcuiꞌ eb lix ángel li Dios teꞌsahokꞌ saꞌ xchꞌo̱leb nak junak aj ma̱c ta̱yotꞌekꞌ xchꞌo̱l ut tixjal xcꞌaꞌux.—

San Juan 18:36

Li Jesús quixye re: —Lin cuanquil la̱in ma̱cuaꞌ re saꞌ ruchichꞌochꞌ. Cui ta la̱in tintakla̱nk arin saꞌ ruchichꞌochꞌ, eb li nequeꞌta̱ken cue teꞌpletik raj re incolbal chiruheb li nequeꞌcꞌamoc be chiruheb laj judío. Abanan lin cuanquil la̱in ma̱cuaꞌ re saꞌ ruchichꞌochꞌ, chan.

San Lucas 15:32

Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

San Lucas 13:5

La̱in ninye e̱re nak incꞌaꞌ. Ut cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex, chan li Jesús.

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

Deuteronomio 17:9

Texxic riqꞌuineb laj tij xcomoneb li ralal xcꞌajol laj Leví ut texxic riqꞌuin laj rakol a̱tin. Eb aꞌan teꞌxtzꞌil rix le̱ chꞌaꞌajquilal ut teꞌxye e̱re cꞌaꞌru te̱ba̱nu.

Deuteronomio 16:18

Te̱xakab laj rakol a̱tin ut eb li teꞌtakla̱nk saꞌ xbe̱neb li junju̱nk xte̱paleb saꞌ eb le̱ tenamit li tixqꞌue e̱re li Ka̱cuaꞌ le̱ Dios. Ut eb aꞌan teꞌrakok a̱tin saꞌ xbe̱neb le̱ tenamit saꞌ ti̱quilal.

2 Pedro 3:15

Julticak e̱re nak cui li Ka̱cuaꞌ Jesucristo ma̱jiꞌ nacꞌulun, aꞌan re nak li ani ma̱jiꞌ nacoleꞌ naru ta̱colekꞌ. Aꞌan aj e nak quitzꞌi̱bac e̱riqꞌuin li kaherma̱n Pablo, li kꞌaxal raro kaban. Aꞌan quixtzꞌi̱ba li naꞌleb aꞌin joꞌ qꞌuebil chak re xban li Dios.

1 Corintios 5:12

Ma̱cuaꞌ la̱in tinrakok a̱tin saꞌ xbe̱neb li toj ma̱jiꞌ nequeꞌpa̱ban. Aꞌ li Dios, aꞌan li ta̱rakok a̱tin saꞌ xbe̱neb.

San Lucas 9:56

La̱in li Cꞌajolbej incꞌaꞌ xinchal chixsachbal ruheb li cristian. Xinchal ban chixcolbaleb, chan li Jesús. Ut chirix aꞌan, queꞌco̱eb saꞌ jalan chic naꞌajej.