San Juan 7:7 - Li Santil hu

⁷ Eb li cuanqueb saꞌ ruchichꞌochꞌ xicꞌ niquineꞌril xban nak la̱in ninye reheb nak incꞌaꞌ us li yo̱queb chixba̱nunquil. Abanan la̱ex incꞌaꞌ xicꞌ nequex-ileꞌ xbaneb.

Q'eqchi Bible

⁷ Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

San Juan 7:7 ပူးပေါင်းရင်းမြစ်များ

San Juan 3:19

Xban nak incꞌaꞌ nequeꞌpa̱ban, cuan li tojba ma̱c saꞌ xbe̱neb. Li Cꞌajolbej quicꞌulun saꞌ ruchichꞌochꞌ chixcꞌutbal lix ya̱lal chiruheb li cuanqueb saꞌ ruchichꞌochꞌ. Aꞌan chanchan li cutan. Abanan eb li cuanqueb saꞌ ruchichꞌochꞌ kꞌaxal queꞌraj cua̱nc saꞌ xkꞌojyi̱nal ru li ma̱c ut incꞌaꞌ queꞌraj cua̱nc saꞌ li cutan xban nak incꞌaꞌ us lix naꞌlebeb.

Gálatas 4:16

¿Ma xicꞌ chic niquine̱ril anakcuan yal xban nak xinye e̱re lix ya̱lal chi joꞌcanan?

1 Juan 4:5

Li naꞌleb li cuan riqꞌuineb laj balakꞌ, aꞌan yal re ruchichꞌochꞌ ut junes chirix aꞌan nequeꞌa̱tinac. Ut eb li incꞌaꞌ nequeꞌxnau xya̱lal nequeꞌrabi li incꞌaꞌ ya̱l li nequeꞌxye ut nequeꞌxpa̱b.

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.

San Juan 17:14

La̱in xinchꞌolob xya̱lal la̱ cua̱tin chiruheb. Joꞌcan nak xicꞌ nequeꞌileꞌ xbaneb li incꞌaꞌ nequeꞌpa̱ban. Xicꞌ nequeꞌileꞌ xban nak moco xcomoneb ta chic ut moco juntakꞌe̱t ta chic lix naꞌlebeb. Joꞌcan ajcuiꞌ la̱in. Moco la̱in ta xcomoneb li cuanqueb saꞌ ruchichꞌochꞌ.

Romanos 8:7

Li toj yo̱queb chixba̱nunquil li naxrahi ru lix chꞌo̱leb, cuanqueb saꞌ xi̱qꞌuilal riqꞌuin li Dios ut incꞌaꞌ nequeꞌraj xcubsinquil rib rubel xcuanquil lix chakꞌrab li Dios chi moco nequeꞌru chixba̱nunquil.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

Jeremías 20:8

Rajlal nak ninchꞌolob xya̱lal ninjap cue chixyebal reheb nak ta̱cha̱lk raylal saꞌ xbe̱neb ut ninye resil nak teꞌsachekꞌ ruheb. Xban xyebal la̱ cua̱tin, niquineꞌxhob ut niquineꞌxseꞌe rajlal cutan.

Proverbios 8:36

Li ani natzꞌekta̱nan re li cha̱bil naꞌleb, raylal nachal saꞌ xbe̱n. Ut chixjunileb li xicꞌ nequeꞌiloc re, aꞌ li ca̱mc nequeꞌxbok saꞌ xbe̱neb.

San Lucas 6:26

Raylal cha̱lel saꞌ e̱be̱n la̱ex li naqꞌueheꞌ e̱lokꞌal arin saꞌ ruchichꞌochꞌ xbaneb li tenamit. Joꞌcaꞌin ajcuiꞌ nak queꞌqꞌueheꞌ xlokꞌal eb li profeta aj balakꞌ xbaneb le̱ xeꞌto̱nil yucuaꞌ.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Zacarías 11:8

Ut chiru jun po quinsach ruheb oxib laj ilol reheb li carner. Incꞌaꞌ chic quincuyeb xma̱c xban nak eb aꞌan xicꞌ ajcuiꞌ niquineꞌril la̱in.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Isaías 29:21

Li Dios tixsach ruheb li nequeꞌkꞌaban ut tixsach ajcuiꞌ ruheb li nequeꞌbalakꞌin re laj rakol a̱tin. Ut tixsach ajcuiꞌ ruheb li nequeꞌxsicꞌ xya̱lal re nak incꞌaꞌ ta̱rakekꞌ a̱tin saꞌ ti̱quilal saꞌ xbe̱neb li ma̱cꞌaꞌeb xma̱c.

Proverbios 15:12

Li incꞌaꞌ naxtau xya̱lal incꞌaꞌ naxra li ani naqꞌuehoc naꞌleb, chi moco nacuulac chiru cua̱nc saꞌ xya̱nkeb li cuanqueb xnaꞌleb.

1 Reyes 22:8

Ut lix reyeb laj Israel quixye re laj Josafat: —Cuan jun chic naru naxye ke cꞌaꞌru naraj li Dios. Li jun aꞌan, aꞌan laj Micaías, li ralal laj Imla. Abanan xicꞌ nacuil xban nak ma̱ jun sut naxye cue cha̱bil esilal. Junes incꞌaꞌ us naxye cue, chan. Abanan laj Josafat quixye re: —At rey, ma̱ye chi joꞌcan, chan.

Salmos 109:5

La̱in ninba̱nu usilal reheb, abanan eb aꞌan nequeꞌxba̱nu ma̱usilal cue. La̱in ninraheb, abanan eb aꞌan xicꞌ niquineꞌril.

Levítico 13:10

Laj tij ta̱ril chi us lix ra. Cui sak chic lix ra, ut cui sak chic li rismal chiru lix ra ut cui teto ru lix ra,