San Juan 7:43 - Li Santil hu

⁴³ Joꞌcan nak li tenamit queꞌxjachi ribeb xban nak jalan jala̱nk yo̱queb chixcꞌoxlanquil chirix li Jesús.

Q'eqchi Bible

⁴³ Jo'kan naq kichalk jun jachok ib' sa' xyanqeb' li tenamit sa' xk'ab'a' li Jesus.

San Juan 7:43 ပူးပေါင်းရင်းမြစ်များ

San Juan 10:19

Ut xban nak jalan jala̱nk yo̱queb chixcꞌoxlanquil chirix li quixye li Jesús, quicuan cuiꞌchic jachoc ib saꞌ xya̱nkeb.

San Juan 9:16

Cuanqueb laj fariseo queꞌxye: —Li cui̱nk aꞌan, li Jesús xcꞌabaꞌ, moco taklanbil ta chak xban li Dios xban nak incꞌaꞌ naxqꞌue xlokꞌal li hiloba̱l cutan, chanqueb. Ut cuanqueb cuiꞌchic queꞌyehoc re: —¿Chanru nak tixba̱nu li milagro junak cui̱nk aj ma̱c? chanqueb. Xban nak jalan jala̱nk nequeꞌxcꞌoxla chirix li Jesús, incꞌaꞌ chic junajeb xchꞌo̱leb.

San Juan 7:12

Nabaleb li cuanqueb aran yo̱queb chixcuechꞌinquil rib chirix li Jesús. Cuan yo̱queb chi yehoc re: —Cha̱bil cui̱nk aꞌan, chanqueb. Ut cuan cuiꞌchic yo̱queb chi yehoc: —Incꞌaꞌ. Li cui̱nk aꞌan naxbalakꞌiheb li tenamit, chanqueb.

Hechos 14:4

Queꞌxjach ribeb li tenamit. Cuanqueb li queꞌoquen chirixeb laj judío ut cuanqueb li queꞌoquen chirixeb li apóstol.

San Lucas 12:51

Ma̱re la̱ex nequecꞌoxla nak junes tuktu̱quil usilal xincꞌam chak saꞌ ruchichꞌochꞌ. Incꞌaꞌ. Ta̱cua̱nk ajcuiꞌ nabal li chꞌaꞌajquilal.

San Mateo 10:35

Xinchal ut chixchꞌolobanquil lix ya̱lal ut li ani ta̱pa̱ba̱nk cue, teꞌxcꞌul li raylal. Li alalbej ta̱cua̱nk saꞌ ra xi̱cꞌ riqꞌuin lix yucuaꞌ, ut li coꞌbej ta̱cua̱nk saꞌ ra xi̱cꞌ riqꞌuin lix naꞌ, ut li alibej ta̱cua̱nk saꞌ ra xi̱cꞌ riqꞌuin li naꞌbej saꞌ incꞌabaꞌ la̱in.