San Juan 7:37 - Li Santil hu

³⁷ Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

Q'eqchi Bible

³⁷ Sa' roso'jik li ninq'e, sa' xnimal xkutankil, kixye li Jesus chi xaqxo ut chi kaw xyaab' xkux: “Li taachaqiq re, chalqaq wik'in, ut li napaab'ank we, chi'uk'aq.

San Juan 7:37 ပူးပေါင်းရင်းမြစ်များ

Isaías 55:1

Li Ka̱cuaꞌ quixye: —Che̱junilex la̱ex li ta̱chakik e̱re, cha̱lkex chi ucꞌac chire li haꞌ. La̱ex li ma̱cꞌaꞌ e̱tumin, cha̱lkex. Lokꞌonkex ut cuaꞌinkex. Cha̱lkex lokꞌonkex chi ma̱cꞌaꞌ e̱tumin. Lokꞌomak le̱ vino ut le̱ leche chi ma̱cꞌaꞌ xtzꞌak.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Juan 6:35

Li Jesús quixye reheb: —La̱in li cua aꞌan. La̱in ninqꞌuehoc junelic yuꞌam. Li ani napa̱ban cue ta̱cꞌojoba̱k xchꞌo̱l. Incꞌaꞌ chic ta̱tzꞌoca̱k ut incꞌaꞌ chic ta̱chakik re. Chanchan nak ac xrakeꞌ chi tzaca̱nc.

Isaías 12:3

Cꞌajoꞌ nak ta̱sahokꞌ xchꞌo̱leb riqꞌuin li colba-ib. Chanchan nak nacꞌojla xchꞌo̱l li ta̱chakik re nak narucꞌ li haꞌ.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

Isaías 44:3

La̱in tinqꞌue li haꞌ saꞌ li chaki chꞌochꞌ ut tinqꞌueheb li nimaꞌ. Tinqꞌue lin musikꞌ reheb le̱ ralal e̱cꞌajol ut tincuosobtesiheb.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

Apocalipsis 21:6

Ut quixye cue: —Xtzꞌakloc ru chixjunil. La̱in li Alfa ut li Omega. La̱in tinqꞌue chi ma̱tan li yuꞌam chi junelic re li ani ta̱raj joꞌ nak ta̱qꞌuehekꞌ chi ucꞌac li ani ta̱chakik re.

Salmos 42:2

Chi anchal inchꞌo̱l nacuaj nak tatcua̱nk cuiqꞌuin, at Ka̱cuaꞌ. La̱at li yoꞌyo̱quil Dios. Nacuaj raj cua̱nc saꞌ la̱ cuochoch re a̱lokꞌoninquil.

Salmos 63:1

At Ka̱cuaꞌ, la̱at lin Dios. Chi anchal inchꞌo̱l nacuaj cua̱nc a̱cuiqꞌuin. Chanchanin li chaki chꞌochꞌ ta̱raj ru li haꞌ. Ta̱chakik re li cua̱m re a̱sicꞌbal, at inDios.

Salmos 143:6

Yo̱quin chi tijoc cha̱cuu xban nak tincuaj ru nak tina̱tenkꞌa. Chanchanin li chaki chꞌochꞌ ta̱raj ru li haꞌ.

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

1 Corintios 12:13

Chikajunilo junajo riqꞌuin li Cristo usta aj judío, usta ma̱cuaꞌ aj judío, usta lokꞌbil mo̱s, usta incꞌaꞌ. Xkacꞌul li cubi haꞌ saꞌ xcꞌabaꞌ li jun chi Santil Musikꞌej ut chikajunilo cuan li Santil Musikꞌej kiqꞌuin. Joꞌcan nak junajo riqꞌuin li Cristo.

San Juan 6:55

Lin tibel, aꞌan li tzacae̱mk li naqꞌuehoc junelic yuꞌam. Ut lin quiqꞌuel, aꞌan li ucꞌa li naqꞌuehoc junelic yuꞌam.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

Números 29:35

Saꞌ li xcuakxak li cutan teꞌxchꞌutub cuiꞌchic ribeb re inlokꞌoninquil la̱in li Ka̱cuaꞌ. Ut ma̱ jun li cꞌanjel teꞌxba̱nu.

1 Corintios 10:21

Incꞌaꞌ naru te̱rucꞌ xsaꞌ li secꞌ re xjulticanquil xcamic li Ka̱cuaꞌ Jesús, ut te̱rucꞌ ajcuiꞌ xsaꞌ li secꞌ re xqꞌuebal xlokꞌal li ma̱us aj musikꞌej. Chi moco naru te̱cuaꞌ li caxlan cua re xjulticanquil xcamic li Ka̱cuaꞌ Jesucristo ut te̱cuaꞌ ajcuiꞌ li cua mayejanbil chiruheb li ma̱us aj musikꞌej.

1 Corintios 10:4

Chixjunileb queꞌrucꞌ li haꞌ li quiqꞌueheꞌ reheb xban li Dios. Li haꞌ aꞌan qui-el chak saꞌ li sako̱nac. Ut li sako̱nac aꞌan, aꞌan retalil li Cristo li qui-ochbenin reheb nak yo̱queb chi numecꞌ saꞌ li chaki chꞌochꞌ.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Levítico 23:36

Rajlal cutan, chiru cuukub cutan, te̱qꞌue le̱ cꞌatbil mayej chiru li Ka̱cuaꞌ. Saꞌ xcuakxak li cutan te̱chꞌutub cuiꞌchic e̱rib ut te̱qꞌue le̱ cꞌatbil mayej chiru li Ka̱cuaꞌ re xlokꞌoninquil. Aꞌan li cutan re lokꞌoni̱nc ut ma̱ jun li cꞌanjel te̱ba̱nu.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

1 Corintios 11:25

Ut nak queꞌrakeꞌ chi cuaꞌac quixchap ajcuiꞌ li secꞌ ut quixye: Li ucꞌa aꞌin, aꞌan retalil li Acꞌ Contrato riqꞌuin li Dios. Ta̱xakaba̱nk re xcuanquil xban lin quiqꞌuel ta̱hoyekꞌ. Rajlal nak te̱rucꞌ xsaꞌ li secꞌ aꞌin, cheba̱nuhak re xjulticanquil lin camic saꞌ e̱cꞌabaꞌ la̱ex, chan li Jesús.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Juan 6:37

Chixjunileb li tixkꞌaxtesi cue li Yucuaꞌbej, tineꞌxpa̱b. Ut li ani napa̱ban cue, la̱in incꞌaꞌ tintzꞌekta̱na.

San Juan 5:40

La̱ex incꞌaꞌ nequeraj xpa̱banquil nak la̱in ninqꞌuehoc e̱re le̱ yuꞌam chi junelic.

San Juan 1:23

Quixye laj Juan: —La̱in li yo̱quin chixchꞌolobanquil lix ya̱lal chiruheb li cristian chi cau xya̱b incux saꞌ li chaki chꞌochꞌ ut ninye resil li quixye li profeta Isaías: Yi̱bomak le̱ yuꞌam ut yoꞌon cua̱nkex chixcꞌulbal li Ka̱cuaꞌ joꞌ nak nequeꞌxyi̱b li be re xcꞌulbal junak li nim xcuanquil.— (Isa. 40:3)

Zacarías 9:15

Li nimajcual Dios tixcoleb lix tenamit Israel. Ut aꞌaneb teꞌnumta̱k saꞌ xbe̱neb li xicꞌ nequeꞌiloc reheb ut teꞌxyekꞌi saꞌ rokeb li pec li teꞌcutekꞌ cuiꞌ. Teꞌsachekꞌ chi junaj cua li xicꞌ nequeꞌiloc reheb laj Israel joꞌ nak nacamsi̱c li xul li nequeꞌxmayeja. Nequeꞌxxoc lix quiqꞌuel saꞌ jun li secꞌ ut nequeꞌxqꞌue saꞌ xxuc li artal.

Miqueas 6:9

Li Ka̱cuaꞌ yo̱ chi a̱tinac chi cau xya̱b xcux e̱riqꞌuin la̱ex li cuanquex saꞌ li tenamit Jerusalén. Ut cui cuan e̱naꞌleb, te̱xucua ru li Dios. Aꞌan yo̱ chixyebal e̱re chi joꞌcaꞌin: —Cheqꞌuehak retal li tojba ma̱c ut cheqꞌuehak ajcuiꞌ retal li ani quixakaban re.

Jeremías 16:19

Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Isaías 40:6

Quicuabi jun xya̱b cux. Joꞌcaꞌin quixye cue: —Jap a̱cue xyebal li a̱tin aꞌin, chan cue. Ut la̱in quinchakꞌoc ut quinye, ¿Cꞌaꞌru tinye nak tinjap cue? ¿Cꞌaꞌru tinye nak tinjap cue? chanquin. Ut aꞌan quixye cue: —Ye resil nak eb li cristian, aꞌan yal tibelejeb. Chanchaneb li ichaj. Ut lix chꞌinaꞌusaleb chanchan xchꞌinaꞌusal li utzꞌuꞌuj li nacuan saꞌ cꞌaleba̱l.

Nehemías 8:18

Laj Esdras rajlal cutan quiril xsaꞌ li hu li tzꞌi̱banbil cuiꞌ li chakꞌrab li quiqꞌueheꞌ reheb xban li Dios. Saꞌ li xbe̱n cutan quixtiquib rilbal xsaꞌ li hu chiruheb li tenamit toj quirakeꞌ li ninkꞌe. Ut saꞌ lix cuakxak li cutan queꞌxchꞌutub ribeb re xlokꞌoninquil li Ka̱cuaꞌ joꞌ cꞌaynakeb xba̱nunquil.

Levítico 23:39

Saꞌ li oꞌlaju xbe li xcuuk po, nak ac xexoc ru le̱ racui̱mk, te̱ba̱nu li ninkꞌe chiru cuukub cutan re xqꞌuebal xlokꞌal li Ka̱cuaꞌ. Hiloba̱l cutan saꞌ xticlajic li ninkꞌe ut hiloba̱l cutan ajcuiꞌ saꞌ xcuakxak li cutan.

San Juan 7:28

Nak li Jesús yo̱ chixchꞌolobanquil lix ya̱lal saꞌ li templo, quixye chi cau xya̱b xcux: —Ya̱l nak nequenau cuu. Ut nequenau bar intenamit. Abanan incꞌaꞌ nequenau chi tzꞌakal bar xinchal chak. La̱in incꞌaꞌ xintakla chak cuib yal injunes. Li Dios, li ti̱c xchꞌo̱l, aꞌan li xtaklan chak cue. La̱ex incꞌaꞌ nequenau ru aꞌan.

Isaías 40:2

Chex-a̱tinak riqꞌuineb lin tenamit Jerusalén saꞌ kꞌunil. Cheye reheb nak tzꞌakal li raylal li ac xeꞌxcꞌul. Cuybil sachbil chic lix ma̱queb. Nabal lix tojbal rix lix ma̱queb xinqꞌue, chan li Dios.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

Proverbios 8:3

Ut yo̱ ajcuiꞌ chi abi̱c resil saꞌ eb li oqueba̱l re li tenamit.

San Mateo 3:3

Li profeta Isaías quia̱tinac chirix laj Juan nak quixye chi joꞌcaꞌin: Aꞌan ta̱chꞌoloba̱nk xya̱lal chi cau xya̱b xcux saꞌ li chaki chꞌochꞌ, ut tixye: Yi̱bomak le̱ yuꞌam ut yoꞌon cua̱nkex chixcꞌulbal li Ka̱cuaꞌ joꞌ nak nequeꞌxyi̱b li be re xcꞌulbal junak li nim xcuanquil, chan. (Isa. 40:3)

Proverbios 9:3

Ut quixtaklaheb lix mo̱s ixk chixyebal resil reheb li tenamit.

Proverbios 8:1

¿Ma incꞌaꞌ ta biꞌ yo̱ chi abi̱c resil li naꞌleb aꞌin yalak bar? Ut, ¿ma incꞌaꞌ ta biꞌ yo̱ chi abi̱c resil li se̱bal chꞌo̱lej?

Proverbios 1:20

Li naꞌleb aꞌin yo̱ chi abi̱c resilal yalak bar saꞌ eb li be joꞌ ajcuiꞌ saꞌ eb li cꞌayil.

Proverbios 8:17

La̱in nequebinra li nequeꞌcuulac chiruheb xba̱nunquil li cha̱bil naꞌleb. Eb li nequeꞌxqꞌue xchꞌo̱l chixsicꞌbal nequeꞌxtau ajcuiꞌ.

Ezequiel 47:9

Chixjunil li xul li teꞌcua̱nk saꞌ li nimaꞌ aꞌan ta̱cua̱nk xyuꞌameb. Nabaleb li car li teꞌcua̱nk saꞌ li palau bar ta̱oc cuiꞌ li nimaꞌ. Ta̱cua̱nk xyuꞌameb chixjunil li xul li teꞌcua̱nk saꞌ li haꞌ aꞌan.

San Mateo 5:6

Us xak reheb li teꞌraj ru xba̱nunquil li ti̱quilal. Chanchan li teꞌtzꞌoca̱k ut teꞌchakik re. Us xak reheb xban nak li Dios ta̱tenkꞌa̱nk reheb chixba̱nunquil li us.

San Juan 4:11

Quichakꞌoc li ixk ut quixye re: —Ka̱cuaꞌ, ¿Cꞌaꞌ ta cuiꞌ ru ta̱cuisi cuiꞌ li haꞌ? Cham cuan chak. Ut, ¿chan ta cuiꞌ ru nak ta̱qꞌue li haꞌ li naqꞌuehoc yuꞌam?