San Juan 7:29 - Li Santil hu

²⁹ Caꞌaj cuiꞌ la̱in ninnaꞌoc ru xban nak riqꞌuin aꞌan xinchal chak. Li Dios, aꞌan li quitaklan chak cue, chan li Jesús.

Q'eqchi Bible

²⁹ Laa'in ninnaw ru xb'aan naq rik'in ninchalk chaq ut a'an kitaqlank chaq we.

San Juan 7:29 ပူးပေါင်းရင်းမြစ်များ

San Juan 8:55

La̱ex incꞌaꞌ nequenau ru aꞌan. Abanan la̱in ninnau ru. Cui ut tinye ta nak incꞌaꞌ ninnau ru, la̱inak raj aj ticꞌtiꞌ joꞌ la̱ex. Aban la̱in ninnau ru ut ninba̱nu li cꞌaꞌru naxye aꞌan.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

San Juan 17:18

Joꞌ nak xina̱takla chak la̱in saꞌ ruchichꞌochꞌ chixchꞌolobanquil lix ya̱lal, joꞌcan ajcuiꞌ nak tintaklaheb chixchꞌolobanquil lix ya̱lal chiruheb li incꞌaꞌ nequeꞌpa̱ban.

San Juan 6:46

Aꞌin moco naraj ta naxye nak cuan li queꞌiloc chak ru li Acuabej Dios. Caꞌaj cuiꞌ la̱in ninnaꞌoc ru xban nak riqꞌuin quinchal chak.

San Juan 1:18

Ma̱ ani qui-iloc ru li Dios. Caꞌaj cuiꞌ li Dios Cꞌajolbej, aꞌan tzꞌakal li cuan chi sum a̱tin riqꞌuin li Dios Acuabej. Ut aꞌan li quicꞌutbesin chiku chanru li Dios.

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

1 Juan 4:9

Li Dios quixcꞌut chiku chanru nak nocoxra nak quixtakla chak lix junaj chi Alal saꞌ ruchichꞌochꞌ chi ca̱mc saꞌ kacꞌabaꞌ la̱o. Li Dios quixtakla chak li Ralal re nak ta̱cua̱nk kayuꞌam chi junelic.

1 Juan 1:2

Quicꞌutbesi̱c chiku li naqꞌuehoc yuꞌam. Quikil ru aꞌan. Joꞌcan nak nakachꞌolob xya̱lal che̱ru chirix aꞌan, li naqꞌuehoc yuꞌam chi junelic. Aꞌan li cuan chak riqꞌuin li Acuabej Dios. Aꞌan quixcꞌutbesi rib chiku.

San Juan 13:3

Li Jesús naxnau nak qꞌuebil re lix cuanquil xban li Dios ut aꞌan yal re saꞌ xbe̱n chixjunil. Naxnau nak riqꞌuin li Dios quichal chak ut riqꞌuin ajcuiꞌ li Dios ta̱xic.

San Juan 10:15

Joꞌ nak lin yucuaꞌ naxnau cuu la̱in, joꞌcan ajcuiꞌ nak ninnau ru lin yucuaꞌ ut tinkꞌaxtesi cuib chi camsi̱c re xcolbaleb li cualal incꞌajol.